ಸಂಭ್ರಮದ ಶ್ರೀದತ್ತ ಜಯಂತಿ ಮಹೋತ್ಸವ ಆಚರಣೆ

 ಧಾರವಾಡ 07: ಶ್ರೀದತ್ತ ಜಯಂತಿ ಮಹೋತ್ಸವದ ಅಂಗವಾಗಿ ಶುಕ್ರವಾರಪೇಟೆ ಕಳ್ಳಿ ಓಣಿಯಲ್ಲಿರುವ ಶ್ರೀತುಳ ಸಾದತ್ತ ಸ್ಮರಣಾಲಯದಲ್ಲಿ ಒಂದು ವಾರ ಸಪ್ತಾಹವನ್ನು ಆಚರಿಸಿ ಶ್ರೀದತ್ತ ಮಹಾರಾಜರ ತೊಟ್ಟಿಲೋತ್ಸವ ಕಾರ್ಯಕ್ರಮವನ್ನು ವಿಜೃಂಭನೆಯಿಂದ ಆಚರಿಸಲಾಯಿತು. ಒಂದು ವಾರದ ಸಪ್ತಾಹದಲ್ಲಿ ಬೆಳಿಗ್ಗೆ 6 ಗಂಟೆಗೆ ಕಾಕದಾರತಿ, ರುದ್ರಾಭಿಷೇಕ, ಗುರುಚರಿತ್ರೆ ಪಾರಾಯಣ, ಮದುಕರಿ, ನೈವೇದ್ಯ ಹಾಗೂ ಸಾಯಂಕಾಲ ಸಂಗೀತ ಸೇವೆ, ಭಜನೆ ಮತ್ತು ಅಷ್ಠಾವಧಾನ ಕಾರ್ಯಕ್ರಮಗಳು ವೇ.ಮೂ. ಪುರುಷೋತ್ತಮ ಜೋಶಿ ಅವರ ನೇತೃತ್ವದಲ್ಲಿ ಹಾಗೂ ತುಳಸಾದತ್ತ ಸ್ಮರಣಾಲಯದ ರಮೇಶ ಕುಲಕರ್ಣಿ ಅವರ ಮಾರ್ಗದರ್ಶನದಲ್ಲಿ ವೈಭವವಾಗಿ ಜರುಗಿದವು. ಅನೇಕ ದತ್ತ ಭಕ್ತರು ಈ ಕಾರ್ಯಕ್ರಮದಲ್ಲಿ ಭಾಗವಹಹಿಸಿ ತನು, ಮನ, ಧನಗಳಿಂದ ಸೇವೆ ಸಲ್ಲಿಸಿ ದತ್ತ ಮಹಾರಾಜರ ಕೃಪೆಗೆ ಪಾತ್ರರಾದರು.