ಅಭಿಜ್ಞಾ ದೈವಜ್ಞ ಭಾಲರತ್ನ ಪ್ರಶಸ್ತಿಗೆ ಭಾಜನ

ಶಿಗ್ಗಾವಿ 02  : ಹುಬ್ಬಳ್ಳಿಯ ಕರ್ನಾಟಕ ವಾಣಿಜ್ಯೋದ್ಯಮ ಮಂಡಳಿಯ ಸಭಾಭವನದಲ್ಲಿ ನಡೆದ ಶ್ರೀ ನಿಧಿ ಫೌಂಡೇಶನ್ ಕರ್ನಾಟಕ ಹಾಗೂ ಪ್ರತಿಫಲ ಫೌಂಡೇಶನ್ (ರಿ) ಧಾರವಾಡ ಇವರ ಸಹಯೋಗದೊಂದಿಗೆ ಕವನ ಸಂಕಲನ ಲೋಕಾರೆ​‍್ಣ ಹಾಗೂ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆಗೈದ ಸಾಧಕರ ಸನ್ಮಾನ ಕಾರ್ಯಕ್ರಮದಲ್ಲಿ ಶಿಗ್ಗಾವಿ ತಾಲೂಕಿನ ಏಕಲವ್ಯ ಇಂಟರ್ನ್ಯಾಷನಲ್ ಶಾಲೆಯ 9 ನೇ ತರಗತಿಯ ಕುಮಾರಿ ಅಭಿಜ್ಞಾ ಸುಧಾಕರ ದೈವಜ್ಞ ಬಾಲ ರತ್ನ ಪ್ರಶಸ್ತಿಗೆ ಭಾಜನರಾಗಿದ್ದಾಳೆ.ಈ ಸಂದರ್ಭದಲ್ಲಿ ದಿವ್ಯ ಸಾನಿಧ್ಯ ವಿಜಯಪುರ ಕೈಲಾಸನಾಥ ಮಹಾಸ್ವಾಮೀಗಳು, ವಿಜಯ ಕರ್ನಾಟಕ ಪತ್ರಿಕೆ ಸ್ಥಾನಿಕ ಸಂಪಾದಕ ಭಂಡು ಕುಲಕರ್ಣಿ, ಕುಂದಗೋಳ ಶಾಸಕ ಎಂ.ಆರ್‌.ಪಾಟೀಲ, ನಿವೃತ್ತ ದೂರದರ್ಶನ ನಿರ್ದೇಶಕಿ ನಿರ್ಮಲಾ.ಸಿ.ಯಲಿಗಾರ, ವರದಿಗಾರ ವಿಜಯ ಹೂಗಾರ, ಧಾರವಾಡ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತ ಅಧ್ಯಕ್ಷ ಲಿಂಗರಾಜ ಅಂಗಡಿ, ಅಧ್ಯಕ್ಷತೆವಹಿಸಿದ ಡಾ. ಮಂಜುನಾಥ ಶಿವಕ್ಕನವರ, ಸೇರಿದಂತೆ ನಾಡಿನ ಕಲಾ ಸಾಧಕರು ಉಪಸ್ಥಿತರಿದ್ದರು.