ರಂಭಾಪೂರಿ ಶ್ರೀಗಳಿಂದದರ್ಶನ ಪಡೆದ ಪ್ರಲ್ಹಾದಜೋಷಿ

ರಂಭಾಪೂರಿ ಶ್ರೀಗಳಿಂದದರ್ಶನ ಪಡೆದ ಪ್ರಲ್ಹಾದಜೋಷಿ  

ಶಿಗ್ಗಾವಿ 14: ಬಂಕಾಪೂರ ಪಟ್ಟಣದಲ್ಲಿ ಕೇಂದ್ರ ಸಚಿವ ಪ್ರಲ್ಹಾದ ಜೋಷಿ ಅರಳೇಲೆ ಮಠಕ್ಕೆ ಬೇಟಿ ನೀಡಿ, ರಂಭಾಪೂರಿ ಜಗದ್ಗುರುಗಳ ದರ್ಶನ ಪಡೆದು ಆಶೀರ್ವಾದ ಪಡೆದರು. ನಂತರ ಜಗದ್ಗುರುಗಳೊಂದಿಗೆ ನಡೆದ ಸೌಹಾರ್ದ ಚರ್ಚೆಯಲ್ಲಿ ರಾಜ್ಯದಲ್ಲಿ ನಡೆಯುತ್ತಿರುವ ಮಠಹಿಮಂದಿರಗಳ ಮೇಲಿನ ಅನಗತ್ಯ ಅಪವಾದಗಳು ಮತ್ತು ಧಾರ್ಮಿಕ ಕೇಂದ್ರಗಳ ಬಗ್ಗೆ ಕೆಲವು ವಲಯಗಳಲ್ಲಿ ಹಬ್ಬುತ್ತಿರುವ ತಪ್ಪು ಕಲ್ಪನೆಗಳ ಕುರಿತು ಉಲ್ಲೇಖಿಸಿಜಗದ್ಗುರುಗಳು ಹಿಂದೂ ಮಠ ಮತ್ತು ಮಂದಿರಗಳ ಐತಿಹಾಸಿಕ ಮಹತ್ವ, ಸಮಾಜಕ್ಕೆ ನೀಡುತ್ತಿರುವ ಶೈಕ್ಷಣಿಕ ಮತ್ತು ಧಾರ್ಮಿಕ ಸೇವೆಗಳನ್ನು ವಿವರಿಸಿದರು.ಹಿಂದೂ ಮಠಹಿಮಂದಿರಗಳ ಹಿತಾಸಕ್ತಿಹಾಗೂ ಆಸ್ತಿಪಾಸ್ತಿಗಳನ್ನು ರಕ್ಷಿಸಲು ವಿಶೇಷ ಕಾನೂನು ರೂಪಿಸಲು ಅಗತ್ಯವಿದೆ ಎಂದು ಕೇಂದ್ರ ಸಚಿವರಿಗೆ ಸಲಹೆ ನೀಡಿದರು.  ಪ್ರಲ್ಹಾದ ಜೋಷಿಯವರು ಜಗದ್ಗುರುಗಳ ಸಲಹೆಯನ್ನು ಗಂಭೀರವಾಗಿ ಪರಿಗಣಿಸುವುದಾಗಿ ತಿಳಿಸಿ, ಧಾರ್ಮಿಕ ಕೇಂದ್ರಗಳ ರಕ್ಷಣೆಗೆ, ಸಾಂಸ್ಕೃತಿಕ ಪರಂಪರೆಯನ್ನು ಕಾಪಾಡಲು ಮೋದಿ ಸರ್ಕಾರ ಬದ್ಧವಾಗಿದೆ ಎಂದರು.  ಈ ಸಂದರ್ಭದಲ್ಲಿ ಭಾಜಪ ಪಕ್ಷದ ಪ್ರಮುಖರು ಹಾಗೂ ಮುಖಂಡರು ಉಪಸ್ಥಿತರಿದ್ದರು.