ಕರ್ನಾಟಕ ಶಿಕ್ಷಣ ರತ್ನ ಪ್ರಶಸ್ತಿ: ಶಿವಾನಂದ ಕಾಮಗೊಂಡ

 ಇಂಡಿ 15: ಸಿ ವ್ಹಿ ರಾಮನ್ ಸಂಸ್ಥೆಯ ಮುಖ್ಯಸ್ಥ ಶಿವಾನಂದ್ ಕಾಮಗೊಂಡ ಇವರಿಗೆ ಕರ್ನಾಟಕ ಶಿಕ್ಷಣ ರತ್ನ ಪ್ರಶಸ್ತಿ ಒಲಿದಿದೆ. ಶಿಕ್ಷಣ ಕ್ಷೇತ್ರದಲ್ಲಿನ ಇವರ ಸೇವೆಯನ್ನು ಗುರುತಿಸಿ ರಾಷ್ಟ್ರೀಯ ಮಾನವ ಹಕ್ಕುಗಳ ಸಮಿತಿ ಬೆಂಗಳೂರು ಇವರಿಂದ ಭಾನುವಾರ ಬೆಂಗಳೂರಿನ ಗಾಂಧಿ ಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಇವರನ್ನು ಸನ್ಮಾನಿಸಿ ಪ್ರಶಸ್ತಿಯನ್ನು ವಿತರಿಸಲಾಯಿತು.  ಕಳೆದ 24 ವರ್ಷಗಳಿಂದ ನಿರಂತರವಾಗಿ ಶಿಕ್ಷಣ ಕ್ಷೇತ್ರದಲ್ಲಿ ವಿದ್ಯಾ ದೇಗುಲವನ್ನು ಸಮುದಾಯದೊಂದಿಗೆ ಬೆಳೆಸುತಾ ನಿರಂತರ ಕಾಳಜಿ ಮತ್ತು ಪ್ರೀತಿಯೊಂದಿಗೆ  ವಿದ್ಯಾರ್ಥಿಗಳ ಮನದಂಗಳದಲ್ಲಿ ಅಕ್ಷರ ಬೀಜ ಬಿತ್ತುವ ಮೂಲಕ ತಮ್ಮ ಕೆಲಸವನ್ನು ಮಾಡುತ್ತಾ ಬಂದಿರುತ್ತಾರೆ ಇವರು ಮಾಡುವಂತ ಸೇವೆ ಚಿರಸ್ಮರಣೀಯವಾದದ್ದು ಇವರ ಪರಿಶ್ರಮ ದೃಢತೆ ಮತ್ತು ದಕ್ಷತೆ ಇನ್ನೊಂದು ದೊಡ್ಡ ಸಾಧನೆ ಮತ್ತು ಸಂಸ್ಥೆಗೆ ಹೆಚ್ಚಿದ ಗರಿಮೆ ಇವರಿಗೆ ಅಭಿನಂದನೆಗಳು, ಇವರ ಕಾರ್ಯ ಹೀಗೆ ಮುಂದುವರೆಯಲಿ ಸಂಸ್ಥೆಯ ಮುಖ್ಯಸ್ಥರಿಗೆ ಈ ಪ್ರಶಸ್ತಿ ದೊರೆತಿರುವುದು ತುಂಬಾ ಸಂತೋಷವಾಗಿದೆ ಎಂದು  ನಿರ್ದೇಶಕ ಮಹಾವೀರ ವರ್ಧಮಾನ್, ಸನ್ಮತಿ ಹಳ್ಳಿ, ಶೈಲೇಶ್ ಬೀಳಗಿ ಹರ್ಷ ವ್ಯಕ್ತಪಡಿಸಿದರು.