ನವದೆಹಲಿ, ಫೆ 13 :   ಸಬ್ಸಿಡಿ ರಹಿತ ಅಡುಗೆ ಅನಿಲ  (ಎಲ್‌ಪಿಜಿ) ಸಿಲಿಂಡರ್‌ಗಳ ಬೆಲೆ  ಹೆಚ್ಚಳದ  ವಿರುದ್ಧ ಅಖಿಲ ಭಾರತ ಮಹಿಳಾ  ಕಾಂಗ್ರೆಸ್ ಗುರುವಾರ ಶಾಸ್ತ್ರಿ ಭವನದ ಹೊರಗೆ ಧರಣಿ  ನಡೆಸಿತು.

ಅಖಿಲ ಭಾರತ ಮಹಿಳಾ  ಕಾಂಗ್ರೆಸ್ ಅಧ್ಯಕ್ಷೆ ಸುಷ್ಮಿತಾ ದೇವ್ ಅವರ ನೇತೃತ್ವದಲ್ಲಿ ಪಕ್ಷದ ಮಹಿಳಾ ಕಾರ್ಯಕರ್ತರು ಪ್ರತಿಭಟನೆ ನಡೆಸಿ, ಕೂಡಲೇ ದರ ಹೆಚ್ಚಳವನ್ನು ಕೇಂದ್ರ ಸರ್ಕಾರ ಹಿಂತೆಗೆದುಕೊಳ್ಳುವಂತೆ ಒತ್ತಾಯಿಸಿತುದರು. 

ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಪ್ರತಿಭಟನಾಕಾರರು, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ತೈಲ ಬೆಲೆ ಇಳಿಯುತ್ತಿರುವಾಗ ಸರ್ಕಾರ ಬೆಲೆ ಹೆಚ್ಚಳ ಮಾಡಿ ಏಕೆ ಜನರ ಮೇಲೆ ಹೊರೆ ಹಾಕಿ ಕಿರುಕುಳ ನೀಡುತ್ತಿದೆ ಎಂದು ಲೇವಡಿ ಮಾಡಿದರು.

ಬುಧವಾರ, ಸರ್ಕಾರಿ ತೈಲ ಕಂಪನಿಗಳು  ಸಬ್ಸಿಡಿ ರಹಿತ ಎಲ್‌ಪಿಜಿ ಸಿಲಿಂಡರ್‌ಗಳ ಬೆಲೆ  ಹೆಚ್ಚಿಸಿವೆ.ಸಬ್ಸಿಡಿ ರಹಿತ ಎಲ್‌ಪಿಜಿ ಸಿಲಿಂಡರ್‌ಗಳ ಬೆಲೆಯನ್ನು ಪ್ರತಿ ಸಿಲಿಂಡರ್‌ಗೆ 149 ರೂಪಾಯಿವರೆಗೆ  ಹೆಚ್ಚಿಸಲಾಗಿದೆ.