ನೇಜ ಗ್ರಾಮದಲ್ಲಿ ರಸ್ತೆ ಅಭಿವೃದ್ಧಿ ಕಾಮಗಾರಿಗಳಿಗೆ ಚಾಲನೆ : ಗುಣಮಟ್ಟ ಕಾಪಾಡಲು ಸೂಚನೆ

ಲೋಕದರ್ಶನ ವರದಿ 

ಚಿಕ್ಕೋಡಿ  22: ತಾಲೂಕಿನ ನೇಜ ಗ್ರಾಮದಲ್ಲಿ ?1.41ಕೋಟಿ  ವೆಚ್ಚದಲ್ಲಿ ಎರಡು ರಸ್ತೆ ಅಭಿವೃದ್ಧಿ ಕಾಮಗಾರಿಗಳಿಗೆ ಕರ್ನಾಟಕ ಸರ್ಕಾರದ ವಿಶೇಷ ಪ್ರತಿನಿಧಿ-2 ಹಾಗೂ ವಿಧಾನ ಪರಿಷತ್ ಸದಸ್ಯ ಪ್ರಕಾಶ್ ಹುಕ್ಕೇರಿ ಅವರು ಚಾಲನೆ ನೀಡಿದರು.ಈ ಸಂದರ್ಭದಲ್ಲಿ ಮಾತನಾಡಿದ ಅವರು, ಶಾಸಕ ಗಣೇಶ ಹುಕ್ಕೇರಿ ಹಾಗೂ ತಮ್ಮ ಪ್ರಯತ್ನದಿಂದ ನೇಜ ಗ್ರಾಮದ ವ್ಯಾಪ್ತಿಯಲ್ಲಿ ರಸ್ತೆ ನಿರ್ಮಾಣಕ್ಕೆ ?70.00 ಲಕ್ಷ ಮತ್ತು ನೇಜ ಸದಲಗಾ ರಸ್ತೆಯಿಂದ ಹರಗಾಜೆ ಕೋಡಿವರೆಗೆ ರಸ್ತೆ ಸುಧಾರಣೆಗೆ 71.00 ಲಕ್ಷ ಅನುದಾನ ಮಂಜೂರಾಗಿದೆ ಎಂದು ತಿಳಿಸಿದರು. ಈಗಾಗಲೇ ಕಾಮಗಾರಿಗಳಿಗೆ ಚಾಲನೆ ನೀಡಲಾಗಿದೆ ಎಂದರು.

ಇದೇ ವೇಳೆ, ನೇಜ ಗ್ರಾಮದಲ್ಲಿ ?50.00 ಲಕ್ಷ ಅನುದಾನದಲ್ಲಿ ರಸ್ತೆ ಸುಧಾರಣೆ ಕಾಮಗಾರಿ ಪ್ರಗತಿಯಲ್ಲಿದ್ದು, ಶ್ರೀ ಹಾಲಸಿದ್ಧನಾಥ ದೇವಸ್ಥಾನದ ಕಟ್ಟಡ ಕಾಮಗಾರಿಗೆ 15.00 ಲಕ್ಷ ಮತ್ತು ಶ್ರೀ ವಿಠ್ಠಲ ರುಕ್ಮಿಣಿ ದೇವಸ್ಥಾನದ ಕಟ್ಟಡ ಪೂರ್ಣಗೊಳಿಸಲು ?10.00 ಲಕ್ಷ ಅನುದಾನ ಮಂಜೂರಾಗಿದೆ ಎಂದು ಹೇಳಿದರು.ಕಾಮಗಾರಿಗಳನ್ನು ವಿಳಂಬ ಮಾಡದೆ ಶೀಘ್ರದಲ್ಲಿ ಪೂರ್ಣಗೊಳಿಸುವಂತೆ ಹಾಗೂ ಗುಣಮಟ್ಟ ಕಾಪಾಡುವಂತೆ ಗುತ್ತಿಗೆದಾರರು ಮತ್ತು ಅಧಿಕಾರಿಗಳಿಗೆ ಸೂಚನೆ ನೀಡಿದರು.ಪ್ರಸ್ತುತ ಸಾಲಿನಲ್ಲಿ ನೇಜ ಗ್ರಾಮದಲ್ಲಿ ಸರ್ಕಾರದಿಂದ ವಿವಿಧ ಯೋಜನೆಗಳಡಿ ?4.76 ಕೋಟಿ ಅನುದಾನ ಮಂಜೂರಾಗಿದ್ದು, ಕೆಲವು ಕಾಮಗಾರಿಗಳು ಪ್ರಗತಿಯಲ್ಲಿವೆ. ಉಳಿದ ಕಾಮಗಾರಿಗಳಿಗೆ ಟೆಂಡರ್ ಪ್ರಕ್ರಿಯೆ ಪೂರ್ಣಗೊಂಡ ನಂತರ ಚಾಲನೆ ನೀಡಲಾಗುವುದು ಎಂದು ತಿಳಿಸಿದರು.

ಈ ಸಂದರ್ಭದಲ್ಲಿ ರಾಜು ಪಾಟೀಲ, ಪ್ರಕಾಶ್ ಮಗದುಮ್ಮ, ಅರುಣ ಬೋನೆ, ಸದಾನಂದ ಸ್ವಾಮಿ, ಅಪ್ಪಾಸಾಬ ಸುಟ್ಟಟ್ಟಿ, ರಾಜು ನಾಗೂರ, ಅಜಯಸಿಂಗ್ ಸಿತೋಳೆ, ಕುಂದನ ಕಾಂಬಳೆ, ಶಕೀಲ ಬೇಗ್, ರಮೇಶ್ ಖೋತ, ಇರಗೌಡ ಪಾಟೀಲ, ರಾಜು ಚಿಂಚಣೆ, ಉಮೇಶ್ ಪಾಟೀಲ, ಬಸವರಾಜ ಮುದ್ದಾಯಿ, ರಮೇಶ್ ಪಾಟೀಲ, ಬಾಲು ಕುರಾಡೆ, ಸಂತೋಷ ಹಿರೇಮಠ, ಶ್ರೀಶೈಲ ಪಾಟೀಲ, ಬಾಬಾ ಗಾಯಕವಾಡ, ಬೀರಾ ಹೇರವಾಡೆ, ಚೆನ್ನಪ್ಪ ಗೀಲಾಳೆ, ಅಣ್ಣಪ್ಪ ಚೆಂಗೌಡನವರ ಸೇರಿದಂತೆ ಅನೇಕರು ಉಪಸ್ಥಿತರಿದ್ದರು.