ಬೈಲಹೊಂಗಲ ನಾಡಿನ ‘ಸಂಗ್ಯಾ ಬಾಳ್ಯ’ ನಾಟಕಕ್ಕೆ ಮರುಜೀವ
ಲೋಕದರ್ಶನ ವರದಿ
ಧಾರವಾಡ 24 : ಸತ್ಯ ಶೋಧ ಕಥೆಯನ್ನ ಬರೆದ ಬೈಲಹೊಂಗಲ ನಾಡಿನಲ್ಲಿ ಹುಟ್ಟಿದ ಸಂಗ್ಯಾ ಬಾಳ್ಯಾ ಎಂಬ ಸುಂದರ ದಪ್ಪಿನ ಆಟ ಬರೆದವರು ಯಾರೆಂಬುವುದು ಇವತ್ತಿಗೂ ಗೊತ್ತಿಲ್ಲ ನೂರಾರು ವರ್ಷದ ಹಿಂದೆ ಹುಟ್ಟಿದ ಈ ಕಥೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವ ರಂಗ ಆಟವಾಗಿದೆ. ಒಂದು ಮನೆತನದಲ್ಲಿ ಗಂಡ ಹೆಂಡತಿ ಹೇಗೆ ಬಾಳಬೇಕು ಎಂಬುದು ಎತ್ತಿ ತೋರಿಸುತ್ತದೆ. ಏನಾದರು ದಾರಿ ತಪ್ಪಿದಲ್ಲಿ ಮನೆ ನಾಶವಾಗುವ ನಿದರ್ಶನದ ಕಥೆ ಎಂದರು ಡಾ. ಪ್ರಭಾಕರ ಲಗಮಣ್ಣವರ ಹೇಳಿದರು. ಅವರು ಕನ್ನಡ ಸಾಹಿತ್ಯ ಪರಿಷತ್ ಭವನದಲ್ಲಿ ಕನ್ನಡ ಕಲಾ ವೈಭವ ನಾಟ್ಯ ಸಂಘ ಏರಿ‍್ಡಸಿದ ಸಂಗ್ಯಾ ಬಾಳ್ಯಾ ನಾಟಕವನ್ನು ಉದ್ಘಾಟಿಸಿ ಮಾತನಾಡಿದರು.
ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಬಿ.ಐ ಇಳಿಗೇರ ವಹಿಸಿ ಈಗಿನ ಕಾಲದಲ್ಲಿ ನಾಟಕಗಳು ಮರೆಮಾಚುತ್ತಿದ್ದು, ದೊಡ್ಡಾಟ ಮತ್ತು ಸಣ್ಣಾಟ ಯುವಕರಿಗೆ ತರಬೇತಿ ಮೂಲಕ ಹೇಳಿಕೊಟ್ಟು ಉಳಿಸಿ ಬೆಳೆಸುವಲ್ಲಿ ನಾವು ಪ್ರಯತ್ನ ಮಾಡಬೇಕು ಎಂದರು. ವೇದಿಕೆಯ ಮೇಲೆ ನಿಂಗಪ್ಪ ಚಂಡುನವರ ಸಂಘದ ಅಧ್ಯಕ್ಷರು ಆದ ಬಸವರಾಜ ಅಮ್ಮಿನಭಾವಿ, ವಾಯ ಎಫ್ ಪಾಟೀಲ, ಸಿ.ಎಮ್ ಯಲಿಗಾರ, ಮಾಳೇಶ ಮುದಕಪ್ಪನವರ. ಅಲ್ಲಾಸಾಬ ವಾಲಿಕಾರ, ಮೈಲಾರ‍್ಪ ಭದ್ರಶೆಟ್ಟಿ, ಶೇಖಪ್ಪ ಬೆಂಡಿಗೇರಿ, ಲಕ್ಷ್ಮೀ ಅರಭಾವಿ, ಕೆಂಚಮ್ಮ ಅರಭಾವಿ ಇದ್ದರು, ಲಕಮಾಪೂರ ಗ್ರಾಮದ ಕಲಾವಿದರಿಂದ ಸಂಗ್ಯಾ ಬಾಳ್ಯಾ ಆಟ ಪ್ರಸ್ತುತ ಪಡಿಸಿದರು.
