ಬ್ಯಾಡಗಿ 03 : ತಾಲೂಕಿನಲ್ಲಿಯೇ ದೊಡ್ಡಗ್ರಾಮವಾಗಿರುವ ಮೋಟೆಬೆನ್ನೂರ ಗ್ರಾಮಕ್ಕೆ ಶಾಸಕ ಬಸವರಾಜ ಶಿವಣ್ಣನವರ ಅವರು ಪ್ರಾಥಮಿಕ ಆರೋಗ್ಯ ಕೇಂದ್ರವನ್ನು ಮಂಜೂರಾತಿ ಮಾಡಿಸಿದ್ದಾರೆ.ಬುಧವಾರ ಗ್ರಾಮ ಪಂಚಾಯತ ಕಾರ್ಯಾಲಯದಲ್ಲಿ ಗ್ರಾಮದ ಧುರೀಣರು ಸಭೆ ಸೇರಿ ಪ್ರಾಥಮಿಕ ಆರೋಗ್ಯ ಕೇಂದ್ರ ಮಂಜೂರಾತಿಗೆ ಶ್ರಮಿಸಿದ ಶಾಸಕ ಬಸವರಾಜ ಶಿವಣ್ಣನವರ ಹಾಗೂ ಮಾಜಿ ಶಾಸಕ ವಿರುಪಾಕ್ಷಪ್ಪ ಬಳ್ಳಾರಿ ಅವರಿಗೆ ಗ್ರಾಮಸ್ಥರು ಅಭಿನಂದನೆ ಸಲ್ಲಿಸಿದರಲ್ಲದೇ ಸರ್ಕಾರ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಮಂಜೂರಾತಿ ನೀಡಿ 4.5 ಕೋಟಿಗಿಂತಲೂ ಹೆಚ್ಚಿನ ಹಣವನ್ನು  ಬಿಡುಗಡೆ ಗೊಳಿಸಿಲು ಕಾರಣರಾದ ಶಾಸಕ ಬಸವರಾಜ ಶಿವಣ್ಣನವರ. ಹಾಗೂ ಮಾಜಿ ಶಾಸಕ ವಿರುಪಾಕ್ಷಪ್ಪ ಬಳ್ಳಾರಿ ಅವರು ಪ್ರಾಥಮಿಕ ಆರೋಗ್ಯ ಕೇಂದ್ರ ಕಟ್ಟಲು 2  ಎಕರೇ  ಜಮೀನು ಹಾಗೂ 1 ಲಕ್ಷ ರೂ.ಗ.ಳನ್ನು ಪ್ರಾಥಮಿಕ ಆರೋಗ್ಯ ಕೇಂದ್ರ ಕಟ್ಟಲು  ದಾನವಾಗಿ ನೀಡಿದ್ದನ್ನು ಗ್ರಾಮಸ್ಥರು ಸ್ಮರಿಸಿದರು.

ಈ ಸಂದರ್ಭದಲ್ಲಿ ಪುಟ್ಟನಗೌಡ ಪಾಟೀಲ, ಶಿವಬಸಪ್ಪ ಕಳೇನೂರ, ಶಿವಪುತ್ರ​‍್ಪ ಅಗಡಿ, ನಾಗರಾಜ್ ಆನ್ವೇರಿ, ವಿಜಯಭರತ ಬಳ್ಳಾರಿ, ನಿಂಗಪ್ಪ ಬಟ್ಟಲಕಟ್ಟಿ, ಮಂಜಣ್ಣ ಯಲಿ, ಮಂಜಣ್ಣ ಬೆನಕನಕೊಂಡ, ಸತೀಶ್ ಪಾಟೀಲ   ಮಾತನಾಡಿ ಬಹುದಿನಗಳ ಈ ಭಾಗದ ಜನರ ನೀರೀಕ್ಷೆಯಂತೆ ಗ್ರಾಮಕ್ಕೆ ಪ್ರಾಥಮಿಕ ಆರೋಗ್ಯ (ಪಿಎಚ್ಸಿ) ಮಂಜೂರು ದೊರೆತಿದ್ದಕ್ಕೆ ಹರ್ಷ ವ್ಯಕ್ತಪಡಿಸಿದರಲ್ಲದೇ ಮುಂದಿನ ದಿನಗಳಲ್ಲಿ ಗ್ರಾಮಕ್ಕೆ ಸಮುದಾಯ ಆರೋಗ್ಯ ಕೇಂದ್ರವನ್ನು ಮಂಜೂರಾತಿ ತರುವಂತೆ ಶಾಸಕ ಬಸವರಾಜ ಶಿವಣ್ಣನವರ ಅವರಿಗೆ ಆಗ್ರಹಿಸಿದರು.ಸಭೆಯಲ್ಲಿ ಪಿಡಿಓ ಮಲ್ಲೇಶನಾಗನಗೌಡ ಪಾಟೀಲ, ಮಾರುತಿ ಕುರಿ, ಉಮೇಶ ಹಾವೇರಿ, ಶಿವಕುಮಾರ ಪಾಟೀಲ, ಸಂಜಯ ಹಿತ್ತಲಮನಿ, ಸಂಜಯ ಶಿಗ್ಲಿ, ಅಡಿವೆಪ್ಪ ಕುರಿಯವರ ಸೇರಿದಂತೆ ಇತರರಿದ್ದರು.ಚಿ