ಲೋಕದರ್ಶನ ವರದಿ 

ಕಂಪ್ಲಿ 29: ಪಟ್ಟಣದ ಜಿಲ್ಲಾ ಕೃಷಿ ತರಬೇತಿ ಕೇಂದ್ರದ ಕೃಷಿ ಬೀಜೋತ್ಪಾದನಾ ಕೇಂದ್ರದಿಂದ ವಿವಿಧ ತಳಿಯ ಬೀಜ ಬಿತ್ತನೆಗೆ ಭೂಮಿಯನ್ನು ಹದಗೊಳಿಸುವ ಕಾರ್ಯಕ್ಕೆ ಚಾಲನೆ ನೀಡಲಾಯಿತು. 

ಜಿಲ್ಲಾ ಕೃಷಿ ತರಬೇತಿ ಕೇಂದ್ರದ ಸಹಾಯಕಕೃಷಿ ನಿರ್ದೇಶಕ ಎಂ.ದಯಾನಂದ್ ಮಾತನಾಡಿ ತಾಲ್ಲೂಕಿನಲ್ಲಿ ಎರಡು ದಿನಗಳ ಕಾಲ ಉತ್ತಮ ಮಳೆಯಾದ ಹಿನ್ನೆಲೆಯಲ್ಲಿ ಭೂಮಿಯನ್ನು ಹಸನು ಮಾಡಿ ಮಾಗಿ ಉಳುಕೆ ಮಾಡಲಾಗಿದ್ದು,ಈಗ ಕೇಂದ್ರದಿಂದ 6 ಹೆಕ್ಟೇರ್ ಭೂಮಿಯಲ್ಲಿ ಎಂಟಿಯು 1010 ತಳಿಯ ಭತ್ತ, 8 ಹೆಕ್ಟೇರಿನಲ್ಲಿ ಟಿಎಸ್ 3 ಆರ್ ತಳಿಯ ತೊಗರಿ, 20 ಹೆಕ್ಟೇರಿನಲ್ಲಿ ಜೆಜಿ 11 ತಳಿಯ ಕಡಲೆ, 18 ಹೆಕ್ಟೇರಿನಲ್ಲಿ ದೇಶೀಯ ತಳಿಗಳಾದ ನವಣೆ, ಬರಗು ಸೇರಿದಂತೆ ವಿವಿಧ ಸಿಧಾನ್ಯಗಳನ್ನು ಬೆಳೆಯಲಾಗುವುದು ಎಂದು ವಿವರಿಸಿದರು. 

ಜಿಲ್ಲಾ ಕೃಷಿ ತರಬೇತಿ ಕೇಂದ್ರದ ಭೂಮಿಯನ್ನು ಸಮಕ್ಷೆ ಮಾಡಿಸಿದ ಬಳಿಕ ತೋಟಗಾರಿಕೆ,ಅರಣ್ಯ ಮತ್ತು ಕೃಷಿ ಬೆಳೆ ಬೆಳೆಯಲು ಉದ್ದೇಶಿಸಲಾಗಿದ್ದು, ಕ್ರೀಯಾಯೋಜನೆ ರೂಪಿಸಿ ಕೃಷಿ ಆಯುಕ್ತರಿಗೆ ಕಳುಹಿಸಲಾಗಿದೆ ಎಂದರು.