ಮಳೆ ಕೊರತೆಯಿಂದ ಮುಂಗಾರು ಬೆಳೆಗಳಿಗೆ ಸಂಕಷ್ಟ

ಲೋಕದರ್ಶನ ವರದಿ 

ಮಾಂಜರಿ 17 :  ಬೆಳಗಾವಿ ಜಿಲ್ಲೆಯಲ್ಲಿ ಸರಾಸರಿಗಿಂತ ಕಡಿಮೆ ಮಳೆಯಾಗಿರುವುದರಿಂದ ಅಕ್ಟೋಬರ್ ತಿಂಗಳಿನಿಂದಲೇ ಭೀಕರ ನೀರಿನ ಬಿಕ್ಕಟ್ಟು ತಲೆದೋರಿದೆ. ಮಾರುಕಟ್ಟೆಯಲ್ಲಿ ಮುಂಗಾರು ಕೈಕೊಟ್ಟ ಕಾರಣದಿಂದಾಗಿ ಇಡೀ ಮುಂಗಾರು ಹಂಗಾಮಿನ ಸೋಯಾಬಿನ್, ಹೆಸರು, ಮೆಕ್ಕೆಜೋಳ ಮತ್ತು ಉದ್ದಿನಂತಹ ಪ್ರಮುಖ ಬೆಳೆಗಳು ರೈತರ ಕೈತಪ್ಪಿ ಹೋಗಿವೆ. ಇದರೊಂದಿಗೆ, ಮಾರುಕಟ್ಟೆಯಿಂದ ಮುಂಗಾರು ಹಿಂತಿರುಗಿದ್ದರಿಂದ ಹಿಂಗಾರು ಮಳೆಯ ಮೇಲೆ ಅವಲಂಬಿತವಾಗಿರುವ ಪೂರ್ವಭಾವಿ ಕಬ್ಬು ನಾಟಿ ಕಾರ್ಯ ಸಂಪೂರ್ಣವಾಗಿ ಸ್ಥಗಿತಗೊಂಡಿದೆ. 

ಕೃಷಿ ಇಲಾಖೆಯ ವರದಿಯ ಪ್ರಕಾರ, ಈ ವರ್ಷ 27,850 ಹೆಕ್ಟರ್  ಪ್ರದೇಶದಲ್ಲಿ ಅಡಸಾಲಿ ಹಾಗೂ 9,348 ಹೆಕ್ಟೇರ್ ಪ್ರದೇಶದಲ್ಲಿ ಪೂರ್ವಭಾವಿ ಕಬ್ಬು ನಾಟಿ ಮಾಡಲಾಗಿದೆ. ಅಕ್ಟೋಬರ್‌ನಿಂದಲೇ ಸರ್ಕಾರವು ಅಣೆಕಟ್ಟುಗಳು ಹಾಗೂ ಜಿಲ್ಲೆಯಲ್ಲಿ ಹರಿಯುವ ನದಿ ನೀರೆತ್ತುವಿಕೆ (ಪಂಪ್‌ಸೆಟ್) ಮೇಲೆ ನಿಬಂರ್ಧ ವಿಧಿಸಿರುವುದು ಹಾಗೂ ತೀವ್ರ ಬರಗಾಲ ಪರಿಸ್ಥಿತಿಯಿಂದಾಗಿ ಅಡಸಾಲಿ ಮತ್ತು ಪೂರ್ವಭಾವಿ ಕಬ್ಬು ಬೆಳೆಗಳು ಸಂಕಷ್ಟಕ್ಕೆ ಸಿಲುಕಿವೆ. ಹವಾಮಾನ ಇಲಾಖೆಯು ಜೂನ್ ಆರಂಭದಲ್ಲೇ ಈ ಬಾರಿಯ ಮಳೆಯ ಮೇಲೆ 'ಎಲ್ ನಿನೋ' ಪ್ರಭಾವವಿರಲಿದೆ ಎಂದು ಮುನ್ಸೂಚನೆ ನೀಡಿತ್ತು. ಆದರೆ, ಜೂನ್‌ನಲ್ಲಿ 66 ಮಿ.ಮೀ. ಮತ್ತು ಜುಲೈನಲ್ಲಿ 161 ಮಿ.ಮೀ. ಮಳೆಯಾಗಿದ್ದರಿಂದ ರೈತರು ಹೆಚ್ಚಿನ ಪ್ರಮಾಣದಲ್ಲಿ ಅಡಸಾಲಿ ಕಬ್ಬು ನಾಟಿ ಮಾಡಿದ್ದರು. ಆದರೆ ಆಗಸ್ಟ್‌ ಮತ್ತು ಸೆಪ್ಟೆಂಬರ್ ತಿಂಗಳುಗಳಲ್ಲಿ ಮಳೆ ಕೈಕೊಟ್ಟ ಕಾರಣ ಪೂರ್ವಭಾವಿ ಕಬ್ಬು ನಾಟಿ ಮೇಲೆ ತೀವ್ರ ಪರಿಣಾಮ ಬೀರಿದೆ. ಆಗಸ್ಟ್‌ನಲ್ಲಿ ಕೇವಲ 26.1 ಮಿ.ಮೀ. ಹಾಗೂ ಸೆಪ್ಟೆಂಬರ್‌ನಲ್ಲಿ 45 ಮಿ.ಮೀ. ಮಳೆ ಆಗಿದಿದ್ದರಿಂದ ಜಿಲ್ಲೆಯಲ್ಲಿ ಬರ ಪರಿಸ್ಥಿತಿ ತಲೆದೋರಿದೆ.