ಸಹಭಾಗಿತ್ವದಲ್ಲಿ ವಿಶ್ವ ಯೋಗ ದಿನಾಚರಣೆ

ಶಿಗ್ಗಾವಿ 23 : ತಾಲೂಕಿನ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆ ಚಿಕ್ಕಬೆಂಡಿಗೇರಿ ಹಾಗೂ  ಮಧುಸೂದನ ಛಬ್ಬಿ ಸೇವಾ ಸಂಸ್ಥೆ (ರಿ) ಶಿಗ್ಗಾಂವ ಇವರ ಸಹಭಾಗಿತ್ವದಲ್ಲಿ ವಿಶ್ವ ಯೋಗ ದಿನಾಚರಣೆ ಆಚರಿಸಲಾಯಿತು.  ಸಂಸ್ಥೆಯ ಸಂಸ್ಥಾಪಕಿ ಭಾರತಿ ವರ್ಧಮಾನ ಛಬ್ಬಿ ಇವರು ಮಕ್ಕಳಿಗೆ ಯೋಗಾಭ್ಯಾಸ ಮಾಡಿಸಿದರು. ಶಾಲೆಯ ಮುಖ್ಯ ಶಿಕ್ಷಕ ವ್ಹಿ ಡಿ ಛಬ್ಬಿ ಪ್ರಾಸ್ತಾವಿಕವಾಗಿ ಮಾತನಾಡಿದರು. ಶಿಕ್ಷಕ ಬಿ ವಾಯ್ ಉಪ್ಪಾರ ಯೋಗದ ಮಹತ್ವ ತಿಳಿಸಿದರು. ಮಧುಸೂದನ್‌ ಛಬ್ಬಿ ಸೇವಾ ಸಂಸ್ಥೆ ಅಧ್ಯಕ್ಷೆ ಭಾರತಿ ವರ್ಧಮಾನ್ ಛಬ್ಬಿ ಅವರಿಗೆ ಶಾಲೆಯ ವತಿಯಿಂದ ಸನ್ಮಾನಿಸಲಾಯಿತು. ಈ ಸಂದರ್ಭದಲ್ಲಿ ಶಿಕ್ಷಕಿ ಆರ್ ಆರ್ ಓಣಿಮನಿ, ಕುಮಾರಿ ಬಿ ಎಸ್ ಸಿಂಧೆ ಹಾಗೂ ಉರ್ದು ಶಾಲೆಯ ಮುಖ್ಯ ಶಿಕ್ಷಕ ಬಿ ಸಿ ಪೊಲೀಸಪಾಟೀಲ, ಕುಮಾರಿ ದಾಧಿಮಾ ಸಾರಾವರಿ ಹಾಗೂ ಶಾಲೆಯ ಅಡುಗೆ ಸಿಬ್ಬಂದಿ ಮತ್ತು ಮಕ್ಕಳು ಉಪಸ್ಥಿತರಿದ್ದರು.ಶಿಕ್ಷಕ ಇರ್ಫಾನಅಲಿ ಕೆರೂರ ನಿರೂಪಿಸಿದರು.