ಆಹಾರ ಧಾನ್ಯಗಳು, ಸಕ್ಕರೆ ಪ್ಯಾಕಿಂಗ್‌ಗೆ ಕಡ್ಡಾಯ ಸೆಣಬಿನ ಚೀಲ ಬಳಕೆ ನಿಯಮ ಜನವರಿ 31, 2027ರವರೆಗೆ ವಿಸ್ತರಣೆ
ನವದೆಹಲಿ, ಅ. 28 : ದೇಶದ ಸೆಣಬು ಉದ್ಯಮಕ್ಕೆ ಬೆಂಬಲ ನೀಡುವ ಉದ್ದೇಶದಿಂದ ಆಹಾರ ಧಾನ್ಯಗಳು ಮತ್ತು ಸಕ್ಕರೆಯ ಪ್ಯಾಕಿಂಗ್‌ಗೆ ಸೆಣಬಿನ ಚೀಲಗಳನ್ನು ಕಡ್ಡಾಯವಾಗಿ ಬಳಸುವ ನಿಯಮವನ್ನು ಕೇಂದ್ರ ಸರ್ಕಾರವು ಜನವರಿ 31, 2027ರವರೆಗೆ ವಿಸ್ತರಿಸಿದೆ.
ಈ ಹಿಂದೆ ಜಾರಿಯಲ್ಲಿದ್ದ ನಿಯಮದ ಅವಧಿ 2026ರ ಅಕ್ಟೋಬರ್ 31ಕ್ಕೆ ಮುಕ್ತಾಯಗೊಳ್ಳಬೇಕಿತ್ತು. ಇದೀಗ ಕೇಂದ್ರ ಜವಳಿ ಸಚಿವಾಲಯವು 2025ರ 'ಸರಕುಗಳ ಪ್ಯಾಕಿಂಗ್‌ನಲ್ಲಿ ಜುಟ್ ಪ್ಯಾಕೇಜಿಂಗ್ ಸಾಮಗ್ರಿಗಳ ಕಡ್ಡಾಯ ಬಳಕೆ ಆದೇಶ'ಕ್ಕೆ ತಿದ್ದುಪಡಿ ತರುವ ಮೂಲಕ ನಿಯಮದ ಅವಧಿಯನ್ನು ಮತ್ತಷ್ಟು ಮೂರು ತಿಂಗಳು ವಿಸ್ತರಿಸಿದೆ.
ಸಚಿವಾಲಯ ಹೊರಡಿಸಿರುವ ಅಧಿಸೂಚನೆಯ ಪ್ರಕಾರ, ಪರಿಷ್ಕೃತ ನಿಯಮಗಳು ಜನವರಿ 31, 2027ರವರೆಗೆ ಅಥವಾ ಮುಂದಿನ ಆದೇಶ ಹೊರಡಿಸುವವರೆಗೆ, ಇವೆರಡರಲ್ಲಿ ಯಾವುದು ಮೊದಲೋ ಅಲ್ಲಿಯವರೆಗೆ ಜಾರಿಯಲ್ಲಿರಲಿವೆ.
