ರಾಜ್ಯ ಖೋಖೋ ಪುರುಷರ ಹಾಗೂ ಮಹಿಳಾ ತಂಡಗಳು ಸೆಮಿಫೈನಲ್ ಹಂತಕ್ಕೆ

ಬ್ಯಾಡಗಿ  02: ತಾಲೂಕಾ ಕ್ರೀಡಾಂಗಣದಲ್ಲಿ ಕಳೆದ ತಿಂಗಳು ಸ್ಥಳೀಯ ಸಿಟಿ ಖೋಖೋ ತಂಡದ ಆಶ್ರಯದಲ್ಲಿ  10 ದಿನಗಳವರೆಗೆತರಬೇತಿ ಪಡೆದ ರಾಜ್ಯ ಖೋಖೋ ತಂಡದ ಪುರುಷ ಹಾಗೂ ಮಹಿಳಾ ತಂಡಗಳು ಸೋಮವಾರ ತುಮಕೂರಿನಲ್ಲಿ ನಡೆದ ರಾಷ್ಟ್ರೀಯ ಖೋಖೋ ಪಂದ್ಯಾವಳಿಗಳಲ್ಲಿ ಗೆಲುವು ಸಾಧಿಸಿ ಸೆಮಿಫೈನಲ್ ಹಂತ ತಲುಪಿವೆ ಎಂದು ಪಟ್ಟಣದ ರಾಷ್ಟ್ರೀಯ ಖೋಖೋ ತೀಪುಗಾರ ಜೀತೇಂದ್ರ ಸುಣಗಾರ ತಿಳಿಸಿದ್ದಾರೆ.ತುಮಕೂರು ವಿಶ್ವವಿದ್ಯಾಲಯದ ಮಣ್ಣಿನ ಅಂಕಣದಲ್ಲಿ ಖೋ ಖೋ ಇಂಡಿಯಾ ವತಿಯಿಂದ ಆಯೋಜಿಸಿರುವ ಪುರುಷರ ಹಾಗೂ ಮಹಿಳೆಯರ ರಾಷ್ಟ್ರೀಯ ಖೋ ಖೋ ಚಾಂಪಿಯನ್ಷಿಪ್ ಪಂದ್ಯಾವಳಿಯ ಲೀಗ್ ಗುಂಪಿನ  ಪಂದ್ಯದಲ್ಲಿ ಆತಿಥೇಯ ಕರ್ನಾಟಕ ಪುರುಷರ ಹಾಗೂ ಮಹಿಳೆಯರ ತಂಡಗಳು ಸೆಮಿಫೈನಲ್ ಹಂತ ತಲುಪಿದ್ದಕ್ಕೆ ತಂಡದ ಕೋಚ್ ಸಂಜಯಕುಮಾರ ಸಂತೋಷ ಹಂಚಿಕೊಂಡಿದ್ದಾರೆ.ಕರ್ನಾಟಕ ಪುರುಷರ ಖೋಖೋ ಪರ  ಮೌನೇಶ್, ಆಕಾಶ್ ಉತ್ತಮ ಆಟದ ಪ್ರದರ್ಶನ ನೀಡಿದರು. ಮಲ್ಲಿಕಾರ್ಜುನ್ 3 ಓಟ್ಗಳನ್ನು ಪಡೆದು ಸೆಮಿಫೈನಲ್ ಹಂತ ತಲುಪಲು ಕಾರಣರಾಗಿದ್ದಾರೆ.ಲೀಗ್ ಪಂದ್ಯಗಳು  ನಡೆದಿದ್ದು 8 ಗುಂಪುಗಳಲ್ಲಿ ಅಗ್ರಸ್ಥಾನ ಪಡೆಯುವ ತಂಡಗಳು ನಂತರ ನಾಕೌಟ್ ಮಾದರಿ ಪ್ರವೇಶ ಪಡೆಯಲಿವೆ ಎಂದರು.