’ಟೆಡ್ಡಿ ಬೇರ್’ ವಿಭಿನ್ನ ಪ್ರಯತ್ನದ ಸೈಕಾಲಜಿಕಲ್, ಹಾರರ್, ಥ್ರಿಲ್ಲರ್ ಚಿತ್ರ
’ಟೆಡ್ಡಿ ಬೇರ್’ ವಿಭಿನ್ನ ಪ್ರಯತ್ನದ ಸೈಕಾಲಜಿಕಲ್, ಹಾರರ್, ಥ್ರಿಲ್ಲರ್ ಚಿತ್ರ
ಟೆಡ್ಡಿ ಬೇರ್ ಸಿನಿಮಾ ಸುದ್ದಿ ಸಂಕ್ರಾಂತಿ ಸಂಭ್ರಮ ಹೆಚ್ಚಿಸಲು ಬರುತ್ತಿದೆ ’ಟೆಡ್ಡಿ ಬೇರ್’ ವಿಭಿನ್ನ ಪ್ರಯತ್ನದ ಸೈಕಾಲಜಿಕಲ್, ಹಾರರ್, ಥ್ರಿಲ್ಲರ್ ಚಿತ್ರ ಜನವರಿ 10ರಂದು ತೆರೆಗೆ ವಿಭಿನ್ನ ಕಥಾ ಹಂದರದ ಸಿನಿಮಾಗಳು ಹೆಚ್ಚಾಗಿ ಕನ್ನಡ ಚಿತ್ರರಂಗದಲ್ಲಿ ಸೌಂಡ್ ಮಾಡುತ್ತಾ, ಪ್ರೇಕ್ಷಕರಿಂದ ಪ್ರಶಂಸೆ ಗಿಟ್ಟಿಸಿಕೊಂಡಿವೆ. ಆ ಸಾಲಿಗೆ ಸದ್ಯ ಸೇರುವ ಭರವಸೆ ಮೂಡಿಸಿರುವ ಚಿತ್ರ ‘ಟೆಡ್ಡಿ ಬೇರ್’. ಹೌದು ತನ್ನ ವಿಭಿನ್ನ ಕಂಟೆಂಟ್ ಮೂಲಕ ಗಮನ ಸೆಳೆಯುತ್ತಿರುವ ‘ಟೆಡ್ಡಿ ಬೇರ್’ ಈಗಾಗಲೇ ಸೆನ್ಸಾರಿ‍್ನಂದ ಯು/ಎ ಪ್ರಮಾಣಪತ್ರ ಪಡೆದು ಜನವರಿ 10ರಂದು ರಾಜ್ಯಾದ್ಯಂತ ತೆರೆಗೆ ಸಿದ್ಧವಾಗಿದೆ. ಇದೊಂದು ಸೈಕಾಲಜಿಕಲ್, ಹಾರರ್, ಥ್ರಿಲ್ಲರ್ ಕಥಾ ಹಂದರ ಒಳಗೊಂಡ ಹಾಲಿವುಡ್ ಮಾದರಿಯ ಸಿನಿಮಾ ಎನ್ನಬಹುದು. ಸಾಮಾನ್ಯವಾಗಿ ಟೆಡ್ಡಿಬೇರನ್ನು ಸಿಂಬಾಲ್ ಆಪ್ ಲವ್ ಎನ್ನುತ್ತಾರೆ. ಆದರೆ ಈ ಚಿತ್ರದಲ್ಲಿ ಟೆಡ್ಡುಬೇರ್ ನ್ನು ಸಿಂಬಾಲ್ ಆಪ್ ಹಾರರ್ ಆಗಿ ತೋರಿಸಲಾಗಿದೆ. ಚಿತ್ರದ ನಾಯಕನಾಗಿ ಸುಪ್ರಿಂ ಸ್ಟಾರ್ ಭಾರ್ಗವ್ ಅಭಿನಯ ಮಾಡಿದ್ದು, ಇವರಿಲ್ಲಿ ಸೈಕಾಲಜಿಕಲ್ ಡಾಕ್ಟರ್ ಪಾತ್ರ ಮಾಡಿದ್ದಾರೆ. ತಮ್ಮ ಪಾತ್ರದ ಬಗ್ಗೆ ಮಾಹಿತಿ ನೀಡುವ ಭಾರ್ಗವ್ ‘ಸಾಮಾನ್ಯವಾಗಿ ವಿಜ್ಞಾನ ನಂಬುವವರು ದೇವರನ್ನು ನಂಬಲ್ಲ.
ದೇವರನ್ನು ನಂಬುವವರು ಸೈನ್ಸ್‌ ನಂಬಲ್ಲ. ಆದರೆ ನನ್ನ ಪಾತ್ರ ಭಗವದ್ಗೀತೆ ಓದಿಕೊಂಡಿರುತ್ತದೆ. ಜೊತೆಗೆ ಸೈನ್ಸ್ನಲ್ಲೂ ನಂಬಿಕೆ ಹೊಂದಿದೆ. ಈ ಎರಡು ವಿಚಾರವನ್ನು ಹೇಗೆ ಬ್ಯಾಲೆನ್ಸ್‌ ಮಾಡುತ್ತಾನೆ ಎಂಬುದೇ ಕಥಾ ನಾಯಕನ ಪಾತ್ರ’ ಎನ್ನುವರು. ಈಗಾಗಲೇ ’ಪರಿಶುದ್ದಂ’ ಸೇರಿದಂತೆ ಆರು ಸಿನಿಮಾಗಳಲ್ಲಿ ನಾಯಕನಾಗಿ ಅಭಿನಯ ಮಾಡಿರುವ ಭಾರ್ಗವ್‌ಗೆ ‘ಟೆಡ್ಡಿ ಬೇರ್’ ಹೊಸ ಭರವಸೆ ನೀಡಿರುವ ಪಾತ್ರ ಎನ್ನುವುದು ವಿಶೇಷ. ಆದ್ಯಲಕ್ಷ್ಮಿ ಪ್ರೊಡಕ್ಷನ್ ಅಡಿಯಲ್ಲಿ ಜ್ಯೋತಿ ತಾರಕೇಶ್, ಭರತ್ ಮತ್ತು ನವೀನ್ ಜಂಟಿಯಾಗಿ ಬಂಡವಾಳ ಹೂಡಿರುವ ಈ ಚಿತ್ರಕ್ಕೆ ಟಾಲಿವುಡ್‌ನ ಪುರಿಜಗನ್ನಾಥ್ ಸಹಾಯಕರಾಗಿದ್ದ ಲೋಕೇಶ್‌.ಬಿ ಕಥೆ, ಚಿತ್ರಕಥೆ ಬರೆದು ಮೊದಲಬಾರಿ ನಿರ್ದೇಶನ ಮಾಡಿದ್ದಾರೆ. ಚಿತ್ರದ ನಾಯಕಿಯರಾಗಿ ಶೈಲಜ ಸಿಂಹ, ದೀನ ಪೂಜಾರಿ ನಟಿಸಿದ್ದಾರೆ. ಉಳಿದ ತಾರಾಗಣದಲ್ಲಿ ಸ್ವರ್ಶ ರೇಖಾ, ದಿಶಾ ಪೂವಯ್ಯ, ಕಿಟ್ಟಿ ತಾಳಿಕೋಟೆ, ಮುತ್ತು, ಅರವಿಂದ್, ಬೇಬಿ ಅಕ್ಷರ ಮುಂತಾದವರು ಇದ್ದಾರೆ. ಚಿತ್ರಕ್ಕೆ ವಿವೇಕ್ ಜಂಗ್ಲಿ ಸಂಗೀತ, ದೀಪು-ಬೆನಕರಾಜ್ ಛಾಯಾಗ್ರಹಣ, ಸಂತೋಷ್ ಸಂಕಲನ, ಸ್ಟಂಟ್ ಶಿವ-ಗಣೇಶ್‌-ಚನ್ನಕೃಷ್ಣ ಸಾಹಸವಿದೆ. ಅಂದಂಗೆ ಈ ‘ಟೆಡ್ಡಿ ಬೇರ್’ನಲ್ಲಿ ಮಧ್ಯಮ ಭಾಗದ ಕಥೆಯನ್ನು ಹೇಳಲಾಗುತ್ತಿದ್ದು, ಮುಂದಿನ ದಿನಗಳಲ್ಲಿ ಪ್ರಿಕ್ವೆಲ್, ಸೀಕ್ವಲ್ ಬರಲಿದೆ. ನಿರ್ದೇಶಕರು ಸಂಶೋಧನೆ ನಡೆಸಿ ಸನ್ನಿವೇಶಗಳನ್ನು ಸೃಷ್ಟಿಸಿರುವುದು ವಿಶೇಷ. ಜೊತೆಗೆ ಕ್ಲೈಮಾಕ್ಸ್‌ ನಲ್ಲಿ ಬರುವ ಕಾಲ ಭೈರವೇಶ್ವರ ಸ್ವಾಮಿಯ ಹಾಡು ಕೂಡ ಚಿತ್ರದ ಹೈಲೈಟ್ ಎನ್ನಬಹುದು.
