ಸದೃಢ ದೇಶ ನಿರ್ಮಾಣದಲ್ಲಿ ಯುವತಿಯರ ಪಾತ್ರ ಮುಖ್ಯ : ಹೆಗ್ಗನದೊಡ್ಡಿ

ಲೋಕದರ್ಶನ ವರದಿ 

       ಸಿಂದಗಿ 04 :  ಸ್ವಾಸ್ಥ್ಯ ಸಮಾಜ ನಿರ್ಮಾಣ ಹಾಗೂ ಸದೃಢ ದೇಶ ನಿರ್ಮಾಣದಲ್ಲಿ ಯುವತಿಯರ ಪಾತ್ರ ಮುಖ್ಯ ಎಂದು ಎಚ್‌.ಜಿ. ಪ.ಪೂ. ಮಹಾವಿದ್ಯಾಲಯದ ಪ್ರಾಚಾರ್ಯ ಎ.ಆರ್‌. ಹೆಗ್ಗನದೊಡ್ಡಿ ಹೇಳಿದರು. 

      ಪಟ್ಟಣದ ಪಿ.ಇ.ಎಸ್‌. ಸಂಸ್ಥೆಯ ಅಡಿಯಲ್ಲಿ ನಡೆಯುತ್ತಿರುವ ಪ್ರೇಮಾ ಭೀ.ಕರ್ಜಗಿ ಪ್ರಥಮದರ್ಜೆ ಮಹಿಳಾ ಮಹಾವಿದ್ಯಾಲಯ ಹಾಗೂ ಕರ್ನಾಟಕ ರಾಜ್ಯ ಅಕ್ಕಮಹಾದೇವಿ ಮಹಿಳಾ ವಿಶ್ವವಿದ್ಯಾಲಯ ವಿಜಯಪುರ. ಇವರ ಆಶ್ರಯದಲ್ಲಿ ಹಮ್ಮಿಕೊಂಡಿರುವ ರಾಷ್ಟ್ರೀಯ ಸೇವಾ ಯೋಜನೆಯ ನೂತನ ಘಟಕದ ಉದ್ಘಾಟನೆ ನೆರವೇರಿಸಿ ಮಾತನಾಡಿ, ದೇಶ ಸೇವೆಯೇ ಈಶ ಸೇವೆ ಎನ್ನುವಂತೆ ತಾವೆಲ್ಲರು ರಾಷ್ಟ್ರಸೇವೆಯಲ್ಲಿ ತೊಡಗಬೇಕು, ರಾಷ್ಟ್ರೇ​‍್ರಮ, ಸಾಮಾಜಿಕ, ಕಳಕಳಿ ಹೀಗೆ ಇನ್ನಿತರ ಕಾರ್ಯಕ್ರಮಗಳಲ್ಲಿ ಯುವಕ/ಯುವತಿಯರು ಬಾಗವಹಿಸಬೇಕು ಎಂದು ಕರೆ ನೀಡಿದರು. 

ಇದೇ ಸಂದರ್ಭದಲ್ಲಿ ಇನ್ನೋರ್ವ ಮುಖ್ಯ ಅತಿಥಿಯಾಗಿ ಆಗಮಿಸಿದ ಜ್ಞಾನ ಭಾರತಿ ಪ್ರೌಢಶಾಲೆಯ ಮುಖ್ಯೋಪಾಧ್ಯಾಯ ಜಗದೀಶ ಪಾಟೀಲ ಅವರು ಮಾತನಾಡಿ, ರಾಷ್ಟ್ರೀಯ ಸೇವಾ ಯೋಜನೆಯ ಮಹತ್ವವನ್ನು ತಿಳಿಸುತ್ತ ಗ್ರಾಮೀಣ ಮಟ್ಟದಲ್ಲಿ ಗುರು ಹಿರಿಯರ ಜೊತೆ ಹೇಗೆ ನಡೆದುಕೊಳ್ಳಬೇಕು ಗ್ರಾಮೀಣ ಜನರ ಜೊತೆಗೂಡಿ ಸಾರ್ವಜನಿಕ ಸೇವೆಯಲ್ಲಿ ತೊಡಗಬೇಕು ತಿಳಿದುಕೊಳ್ಳುವುದೇ ರಾಷ್ಟ್ರೀಯ ಸ್ವಯಂ ಸೇವಾ ಯೋಜನೆ ಮುಖ್ಯ ಗುರಿಯಾಗಿದೆ ಎಂದರು. 

ಸಂಸ್ಥೆಯ ಆಡಳಿತಾಧಿಕಾರಿ ಆಯ್‌.ಬಿ. ಬಿರಾದಾರ ಹಾಗೂ ಕೆ.ಎಚ್‌.ಸೋಮಾಪೂರ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದರು. ಸಮಾರಂಭದ ಅಧ್ಯಕ್ಷತೆಯನ್ನು ಸಂಸ್ಥೆಯ ಕಾರ್ಯದರ್ಶಿ ಬಿ.ಪಿ.ಕರ್ಜಗಿ ಅಧ್ಯಕ್ಷೀಯ ನುಡಿಗಳನ್ನಾಡಿದರು. 

ಪದವಿ ಮಹಾವಿದ್ಯಾಲಯದ ಪ್ರಾಚಾರ್ಯ  ಜಿ.ಎಸ್‌. ಕಡಣಿ, ಮಂಜುಳಾ ಮನಗೂಳಿ, ಅಕ್ಷತಾ ಬಂದಪಟ್ಟಿ, ಶ್ರೀಕಾಂತ ಕುಲಕರ್ಣಿ ಉಪಸ್ಥಿತರಿದ್ದರು. ಎನ್‌.ಎಸ್‌.ಎಸ್‌. ಸಂಯೋಜನಾಧಿಕಾರಿ ಮಹಾಂತೇಶ ದಂಡವತ ಸ್ವಾತಗಿಸಿದರು. ಕುಮಾರಿ ಸಮೀನಾ ನಿರೂಪಿಸಿದರು, ಕುಮಾರಿ ಸಂಜನಾ ಪಾಟೀಲ ವಂದಿಸಿದರು.