ಶೆಲ್ಲಿಂಗ್ ದಾಳಿ ಮುಂದುವರಿದರೆ ರಾಜತಾಂತ್ರಿಕ ಸಂಬಂಧ ಹಾಳು: ಪ್ರಧಾನಿ

ಕೈರೋ, ಸೆಪ್ಟೆಂಬರ್ 30:  ಇರಾಕಿನಲ್ಲಿ  ಶೆಲ್ಲಿಂಗ್ ಮುಂದುವರಿದರೆ ಅಮೆರಿಕ  ರಾಯಭಾರ ಕಚೇರಿಯನ್ನು ಮುಚ್ಚಬಹುದು ಎಂದು ಇರಾಕಿ ಪ್ರಧಾನಿ ಪ್ರಧಾನಿ ಮುಸ್ತಫಾ ಅಲ್-ಕಧಿಮಿ ಹೇಳಿದ್ದಾರೆ. 

ಶೆಲ್ ದಾಳಿ ಮುಂದುವರೆದರೆ ಹಲವು  ದೇಶಗಳು , ವಿಶೇಷವಾಗಿ ಅಮೆರಿಕ ಬಾಗ್ದಾದ್‌ನಲ್ಲಿರುವ ತನ್ನ ರಾಯಭಾರ ಕಚೇರಿಯನ್ನು ಮುಚ್ಚಲಿದ್ದು ರಾಜತಾಂತ್ರಿಕ ಸಂಬಂಧಗಳು ಹಾಳಾಗಲಿದೆ  ಎಂಬ ಆತಂಕವನ್ನು   ತೋಡಿಕೊಂಡರು . 

ಇದಕ್ಕೂ ಮೊದಲು ಅಲ್-ಕಧಿಮಿ ಬಾಗ್ದಾದ್ ವಿಮಾನ ನಿಲ್ದಾಣದ ಮೇಲೆ ಕ್ಷಿಪಣಿ ದಾಳಿ ನಡೆಸಿದ ಬಗ್ಗೆ ತಕ್ಷಣ ತನಿಖೆಗೆ ಆದೇಶಿಸಿದ್ದರು ದುರಂತದಲ್ಲಿ  ಕನಿಷ್ಠ ಐವರು  ನಾಗರಿಕರು  ಹತರಾಗಿದ್ದರು. 

ನಿನ್ನೆಯೂ ರಾಕೆಟ್ ದಾಳಿಗೆ ಮಕ್ಕಳು ಸೇರಿದಂತೆ ಐವರು ಮೃತಪಟ್ಟಿದ್ದಾರೆ. ಈ ಹಿನ್ನಲೆಯಲ್ಲಿ ಹಲವು ದೇಶಗಳು  ರಾಯಭಾರ ಕಚೇರಿಗಳನ್ನು ಮುಚ್ಚುವ ಬಗ್ಗೆ  ಒತ್ತಾಯಿಸಿವೆ, ಈ ಪ್ರದೇಶದಲ್ಲಿ ಭದ್ರತೆಯನ್ನು ಖಾತ್ರಿಪಡಿಸದಿದ್ದರೆ, ಅವರು ಇರಾಕಿನಲ್ಲಿ  ಕೆಲಸ ಮಾಡಲು ಸಾಧ್ಯವಾಗದು ಎಂದೂ  ಅಲ್-ಕಧಿಮಿ ಹೇಳಿದರು.