ಟೆನಿಸ್: ಒಸಾಕಾ ಸೋಲು, ಟೂರ್ನಿಯಿಂದ ಹೊರಕ್ಕೆ
ಟೋಕಿಯೊ, ಜು.27- ಮಂಗಳವಾರ ನಡೆದ ಮೂರನೇ ಸುತ್ತಿನಲ್ಲಿ ಸೋತ ಬಳಿಕ ಜಪಾನಿನ ಟೆನಿಸ್ ತಾರೆ ನವೋಮಿ ಒಸಾಕಾ ಟೋಕಿಯೊ ಒಲಿಂಪಿಕ್ಸ್‌ನಿಂದ ಹೊರಬಿದ್ದರು.
ಜೆಕ್ ಗಣರಾಜ್ಯದ ಮಾರ್ಕೆಟಾ ವೊಂಡ್ರುಸೊವಾ ವಿರುದ್ಧ 6-1, 6-4ರಿಂದ ವಿಶ್ವದ ಎರಡನೇ ಸ್ಥಾನದಲ್ಲಿರುವ ಒಸಾಕಾ ನಿರಾಸೆಗೊಂಡರು. ಒಸಾಕಾ ಈ ಹಿಂದೆ ವೊಂಡ್ರುಸೊವಾ ಅವರನ್ನು ಎದುರಿಸಲಿಲ್ಲ. ಸೋಲಿನ ನಂತರ, ಈ ಪಂದ್ಯಕ್ಕಾಗಿ ತಮ್ಮ ಮೇಲೆ ಸಾಕಷ್ಟು ಒತ್ತಡವಿತ್ತು ಎಂದು ಒಸಾಕಾ ಒಪ್ಪಿಕೊಂಡರು. .
ಜುಲೈ 23 ರಂದು ನಡೆದ ಉದ್ಘಾಟನಾ ಸಮಾರಂಭದಲ್ಲಿ ಒಸಾಕಾ ಒಲಿಂಪಿಕ್ ಜ್ವಾಲೆಯನ್ನು ಬೆಳಗಿಸಿದ್ದರು. ಇದು ಒಸಾಕಾ ಅವರ ಮೊದಲ ಒಲಿಂಪಿಕ್ಸ್ ಆಗಿದ್ದು, ಮೊದಲ ಬಾರಿಗೆ ಒಲಿಂಪಿಕ್ಸ್‌ನಲ್ಲಿ ಆಡಲು ಆಕೆಯ ಮೇಲಿನ ಒತ್ತಡ ಸ್ಪಷ್ಟವಾಗಿ ಗೋಚರಿಸಿತು.
ಒಸಾಕಾ ಮೊದಲ ಮತ್ತು ಮೂರನೇ ಪಂದ್ಯಗಳಲ್ಲಿ ತಮ್ಮ ಸರ್ವ್ ಕಳೆದುಕೊಂಡು 0-4ರಿಂದ ಹಿನ್ನಡೆ ಅನುಭವಿಸಿದರು. ಇದರ ನಂತರ ಒಸಾಕಾ ಈ ಸೆಟ್‌ನ ಮೊದಲ ಪಂದ್ಯವನ್ನು ಗೆದ್ದರು ಆದರೆ ಜೆಕ್ ಆಟಗಾರ ಜಪಾನಿನ ಆಟಗಾರರ್ತಿ ಸರ್ವ್ ಅನ್ನು ಮುರಿದು ಮೊದಲ ಸೆಟ್‌ನ್ನು 6–1ರಿಂದ ಗೆದ್ದರು. ಮೊದಲ ಸೆಟ್ ಸೋತ ಆಘಾತದ ಆರಂಭದಿಂದ ಚೇತರಿಸಿಕೊಂಡ ಒಸಾಕಾ, ಎರಡನೇ ಸೆಟ್‌ನಲ್ಲಿ ವೊಂಡ್ರುಸೊವಾ ಅವರ ಸರ್ವ್ ಅನ್ನು ಮುರಿದರು ಆದರೂ ಎರಡನೇ ಸೆಟ್ ಗೆಲ್ಲುವ ಆಸೆ ಫಲಿಸಲಿಲ್ಲ.
