ಟಿ 20 ವಿಶ್ವಕಪ್; ಅಕ್ಟೋಬರ್ 24 ಭಾರತ, ಪಾಕ್‌ ನಡುವೆ ಪಂದ್ಯ
ನವದೆಹಲಿ, ಆಗಸ್ಟ್ 4 ಭಾರತ ಹಾಗೂ ಪಾಕಿಸ್ತಾನ ಕ್ರಿಕೆಟ್ ತಂಡಗಳ ನಡುವಣ ಪಂದ್ಯವೆಂದರೆ ಕ್ರಿಕೆಟ್ ಪ್ರೇಮಿಗಳಿಗೆ ರೋಚಕ ಎಂಬುದರಲ್ಲಿ ಎರಡನೇಯ ಮಾತೇ ಇಲ್ಲ. ಈ ವರ್ಷ ನಡೆಯಲಿರುವ ಟಿ- 20 ವಿಶ್ವಕಪ್ ಮೂಲಕ ಕ್ರಿಕೆಟ್ ಪ್ರೇಮಿಗಳು ಆ ರೋಚಕತೆಯನ್ನು ಸಂಭ್ರಮಿಸಲಿದ್ದಾರೆ. ವಿಶ್ವಕಪ್ ಗಾಗಿ ಐ ಸಿ ಸಿ ಬಿಡುಗಡೆಗೊಳಿಸಿರುವ ಪಟ್ಟಿಯಲ್ಲಿ ಪಾಕಿಸ್ತಾನ, ಭಾರತ ಗುಂಪು -2 ರಲ್ಲಿ ವಿಶ್ವಕಪ್ ಸಮರದಲ್ಲಿ ಸೆಣಸಾಡಲಿವೆ. ಸಾಂಪ್ರದಾಯಿಕ ಎದುರಾಳಿಗಳಾದ ಎರಡೂ ದೇಶಗಳ ಕ್ರಿಕೆಟ್ ತಂಡಗಳು ಈ ವರ್ಷ ಅಕ್ಟೋಬರ್ 24 ರಂದು ದುಬೈನಲ್ಲಿ ನಡೆಯಲಿರುವ ಪಂದ್ಯದಲ್ಲಿ ಮುಖಾಮುಖಿಯಾಗಲಿವೆ. ಇನ್ನೂ ಅಕ್ಟೋಬರ್ 17 ರಿಂದ ನವೆಂಬರ್ 14 ರವರೆಗೆ ಟಿ 20 ವಿಶ್ವಕಪ್ ನಡೆಯಲಿದೆ ಎಂದು ತಿಳಿದುಬಂದಿದೆ.
