ಟೋಕಿಯೊ, ನ 7:       ಜಪಾನ್ನ ಉತ್ತರ ಅಮೋರಿ ಪ್ರಾಂತ್ಯದಲ್ಲಿ ತರಬೇತಿ ಹಾರಾಟದ ಸಮಯದಲ್ಲಿ ಯುಎಸ್ ಎಫ್ -16 ಫೈಟರ್ ಜೆಟ್ ಆಕಸ್ಮಿಕವಾಗಿ ಡಮ್ಮಿ ಬಾಂಬ್  ಪತನಗೊಳಿಸಿದ್ದು, ತರಬೇತಿ ಮೈದಾನದ ಹೊರಗಿನ ಖಾಸಗಿ ಭೂಮಿಯಲ್ಲಿ ಅವುಗಳನ್ನು ಪತ್ತೆ ಮಾಡಲಾಯಿತು, ಎಂದು ಜಪಾನ್ನಲ್ಲಿನ ಯುಎಸ್ಎಫ್ಜೆ ಗುರುವಾರ ತಿಳಿಸಿದೆ "ತರಬೇತಿ ನಡೆಸುತ್ತಿರುವಾಗ, ಮಿಸಾವಾ ವಾಯುನೆಲೆಯಲ್ಲಿ ಎಫ್ -16 ಬುಧವಾರ ತಡರಾತ್ರಿ ಡ್ರೌಘಾನ್ ಶ್ರೇಣಿಯಿಂದ 5 ಕಿಲೋಮೀಟರ್ ದೂರದಲ್ಲಿ ಘಟನೆ ನಡೆದಿದ್ದು, ತನಿಖೆಗೆ ಸೂಚಿಸಲಾಗಿದೆ ಎಂದು ಟ್ವೀಟ್ ಮಾಡಿದೆ.  ಯುಎಸ್ ಮಿಲಿಟರಿಯ ಪ್ರಕಾರ, ಡಮ್ಮಿ ಬಾಂಬ್ ಪತನದಿಂದ  ಗಾಯಗಳು ಅಥವಾ ಹಾನಿಯ ಬಗ್ಗೆ ಯಾವುದೇ ವರದಿಯಾಗಿಲ್ಲ.  "ಯುಎಸ್ಎಫ್ಜೆ ಸುರಕ್ಷತೆಯನ್ನು ಗಂಭೀರವಾಗಿ ಪರಿಗಣಿಸುತ್ತದೆ" ಎಂದು ಹೇಳಿಕೆ ತಿಳಿಸಿದೆ. ಜಪಾನ್ನಲ್ಲಿ ಬೀಡುಬಿಟ್ಟಿರುವ ಯುಎಸ್ ಮಿಲಿಟರಿ ವಿಮಾನವನ್ನು ಒಳಗೊಂಡ ಇದೇ ರೀತಿಯ ಘಟನೆಗಳು ಇತ್ತೀಚಿನ ವರ್ಷಗಳಲ್ಲಿ ನಡೆದಿವೆ. ನಿರ್ದಿಷ್ಟವಾಗಿ ಹೇಳುವುದಾದರೆ, ಒಕಿನಾವಾ ಪ್ರಾಂತ್ಯದ ವಸತಿ ಪ್ರದೇಶಗಳಲ್ಲಿ ಕನಿಷ್ಠ ಎರಡು ಹೆಲಿಕಾಪ್ಟರ್ಗಳು ತುರ್ತು ಲ್ಯಾಂಡಿಂಗ್ಗಳನ್ನು ಮಾಡಿದ್ದವು.  ಮತ್ತು ಸ್ಥಳೀಯ ಶಾಲೆಯ ಮೇಲೆ ಹೆಲಿಕಾಪ್ಟರ್ ಕಿಟಕಿ ಬಿದ್ದ ನಂತರ 10 ವರ್ಷದ ವಿದ್ಯಾರ್ಥಿಗೆ ಸಣ್ಣಪುಟ್ಟ ಗಾಯವಾಗಿತ್ತು. ನವೆಂಬರ್ 2017 ರಲ್ಲಿ 11 ಪ್ರಯಾಣಿಕರಿದ್ದ ಸಿ 2-ಎ ವಿಮಾನ ಪೆಸಿಫಿಕ್ ಮಹಾಸಾಗರಕ್ಕೆ ಅಪ್ಪಳಿಸಿದಾಗ ಮೂವರು ಸೈನಿಕರು ಓಕಿನಾವಾ ಕರಾವಳಿಯಲ್ಲಿ ಸಾವನ್ನಪ್ಪಿದರು. ಒಂದು ತಿಂಗಳ ಹಿಂದೆ, ಸಿಹೆಚ್ -53 ಹೆಲಿಕಾಪ್ಟರ್ ಬೆಂಕಿ ಹೊತ್ತುಕೊಂಡು ಸಿಡಿಯುವ ಮೊದಲು ಖಾಸಗಿ ಆಸ್ತಿಯ ಮೇಲೆ ತುರ್ತು ಲ್ಯಾಂಡಿಂಗ್ ಮಾಡಿತ್ತು.