ಬೆಳಗಾವಿಯಲ್ಲಿ ಮನೆಗೆ ಬೆಂಕಿ, ಲಕ್ಷಾಂತರ ಮೌಲ್ಯದ ಹಾನಿ : ಸಾಲು ಸಾಲು ಮನೆಗಳ ನಡುವೆ ಬೆಂಕಿ ದುರಂತ : ನೆರೆಯ ಮನೆಯವರಲ್ಲಿ ಕೆಲಹೊತ್ತು ಆತಂಕ
ಬೆಳಗಾವಿ : ಮನೆಯೊಂದಕ್ಕೆ ಆಕಸ್ಮಿಕವಾಗಿ ಬೆಂಕಿ ತಗುಲಿ ಲಕ್ಷಾಂತರ ರೂಗಳು ಹಾನಿ ಸಂಭವಿಸಿದ ಘಟನೆ ಬೆಳಗಾವಿ ನಗರ ಪಾಟೀಲ ಗಲ್ಲಿಯಲ್ಲಿ ಗುರುವಾರ ಮಧ್ಯಾಹ್ನ ನಡೆದಿದ್ದು, ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಬೆಂಕಿ ಹತೋಟಿಗೆ ತರಲು ಹರಸಾಹಸ ಪಡುತ್ತಿದ್ದಾರೆ.
ಬೆಳಗಾವಿಯ ಪಾಟೀಲ ಗಲ್ಲಿಯಲ್ಲಿನ ಹಳೆಯದಾದ ಮನೆಯೊಂದಕ್ಕೆ ಗುರುವಾರ ಮಧ್ಯಾಹ್ನ ಆಕಸ್ಮಿಕ ಬೆಂಕಿ ಬಿದ್ದು ಈ ಘಟನೆ ನಡೆದಿದ್ದು, ಸುದ್ದಿ ತಿಳಿಯುತ್ತಿದ್ದಂತೆ ಅಗ್ನಿಶಾಮಕ ದಳದ ಸಿಬ್ಬಂದಿಗಳು ಘಟನಾ ಸ್ಥಳಕ್ಕೆ ಆಗಮಿಸಿ ಬೆಂಕಿ ನೊಂದಿಸಲು ಹರಸಾಹಸ ಪಟ್ಟಿದ್ದಾರೆ.
ಆದರೆ ಬೆಂಕಿಗೆ ಆಹುತಿಯಾದ ಮನೆಯ ಬದಿಯಲ್ಲಿ ಸಾಲು ಸಾಲಾಗಿ ಮನೆಗೆ ಇದ್ದ ಹಿನ್ನೆಲೆಯಲ್ಲಿ ಪಕ್ಕದ ಮನೆಯವರು ಕೆಲಹೊತ್ತು ಆತಂಕದಲ್ಲಿ ಕಾಲ ಕಳೆಯುಂತಾಗಿತ್ತು.
