ಯುನೈಟೆಡ್ ಕಿಂಗ್ ಡಮ್ ರಾಣಿ ಎಲಿಜಬೆತ್ II ನಿಧನ
ಬಾಲ್ಮೋರಲ್‌: ಸೆಪ್ಟೆಂಬರ್ 09 : ಯುನೈಟೆಡ್ ಕಿಂಗ್ ಡಮ್ ರಾಣಿ ಎಲಿಜಬೆತ್ II ತಮ್ಮ 96 ನೇ ವಯಸ್ಸಿನಲ್ಲಿ ಬಾಲ್ಮೋರಲ್‌ನಲ್ಲಿ ನಿಧನರಾದರು.
ಅವರು ಬೇಸಿಗೆಯ ಬಹುಭಾಗವನ್ನು ಕಳೆದಿದ್ದ ಅವರ ಸ್ಕಾಟಿಷ್ ಎಸ್ಟೇಟ್‌ನಲ್ಲಿ ಗುರುವಾರ ಮಧ್ಯಾಹ್ನ ನಿಧನರಾದರು ಎಂದು ಹೇಳಲಾಗಿದೆ. 1952 ರಲ್ಲಿ ಸಿಂಹಾಸನ ಏರಿದ ಅವರು ಅಗಾಧ ಸಾಮಾಜಿಕ ಬದಲಾವಣೆಗೆ ಸಾಕ್ಷಿಯಾಗಿದ್ದರು
ಅವರ ಪುತ್ರ ಕಿಂಗ್ ಚಾರ್ಲ್ಸ್ III ತನ್ನ ಪ್ರೀತಿಯ ತಾಯಿಯ ಮರಣವು ತಮ್ಮ ಕುಟುಂಬಕ್ಕೆ ದೊಡ್ಡ ದುಃಖದ ಕ್ಷಣ” ಎಂದು ಹೇಳಿದರು.
ಕಿಂಗ್ ಮತ್ತು ಅವರ ಪತ್ನಿ ಕ್ಯಾಮಿಲ್ಲಾ, ಈಗ ಕ್ವೀನ್ ಕಾನ್ಸಾರ್ಟ್, ಶುಕ್ರವಾರ ಲಂಡನ್‌ಗೆ ಮರಳಲಿದ್ದಾರೆ ಎಂದು ಬಕಿಂಗ್ಹ್ಯಾಮ್ ಅರಮನೆ ತಿಳಿಸಿದೆ. ಅವರು ಶುಕ್ರವಾರ ದೇಶವನ್ನುದ್ದೇಶಿಸಿ ಮಾತನಾಡುವ ನಿರೀಕ್ಷೆಯಿದೆ.
ಹಿಂದಿನ ದಿನ ರಾಣಿಯ ವೈದ್ಯರು ಅವರ ಆರೋಗ್ಯದ ಬಗ್ಗೆ ತೀವ್ರ ನಿಗಾ ವಹಿಸಿದ ನಂತರ ಹಿರಿಯ ರಾಜಮನೆತನದವರು ಬಾಲ್ಮೋರಲ್‌ನಲ್ಲಿ ಜಮಾಯಿಸಿದ್ದರು. ವೈದ್ಯರು ರಾಣಿಯನ್ನು ವೈದ್ಯಕೀಯ ಮೇಲ್ವಿಚಾರಣೆಯಲ್ಲಿ ಇರಿಸಿದ ನಂತರ ಅವರ ಎಲ್ಲ ಮಕ್ಕಳು ಅಬರ್ಡೀನ್ ಬಳಿಯ ಬಾಲ್ಮೋರಲ್‌ಗೆ ಪ್ರಯಾಣ ಬೆಳೆಸಿದರು.
ಅವರ ಮೊಮ್ಮಗ ಮತ್ತು ಈಗ ಸಿಂಹಾಸನದ ಉತ್ತರಾಧಿಕಾರಿ ಪ್ರಿನ್ಸ್ ವಿಲಿಯಂ ಮತ್ತು ಅವನ ಸಹೋದರ ಪ್ರಿನ್ಸ್ ಹ್ಯಾರಿ ಕೂಡ ಅಲ್ಲಿ ಒಟ್ಟುಗೂಡಿದರು.
