ತಾಳಿಕೋಟಿ 19: ತಾಲೂಕಿನ ಸುಕ್ಷೇತ್ರ ಹಿರೂರ ಗ್ರಾಮದಲ್ಲಿನ ಭೋಗೇಶ್ವರ ಜಾತ್ರೆಯ ಅಂಗವಾಗಿ ಸೋಮವಾರ ಸಂಜೆ ಭವ್ಯವಾದ ಮಹಾರಥೋತ್ಸವವು ಜರುಗಿತು. ಬೆಳಿಗ್ಗೆ ಗಂಗಸ್ಥಳವು ಹಾಲಭಾವಿಯಿಂದ ಗ್ರಾಮದ ಪ್ರಮುಖ ಬೀದಿಗಳಲ್ಲಿ ಕುಂಭಕಳಸ ವಾದ್ಯ ವೈಭವಗಳೊಂದಿಗೆ ಜರುಗಿತು.  

ನಂತರ ಶ್ರೀ ಭೋಗೇಶ್ವರ ದೇವಸ್ಥಾನದಿಂದ ಡೋಣಿ ಭೋಗೇಶ್ವರದವರೆಗೆ ಪಲ್ಲಕ್ಕಿ ಉತ್ಸವ ಜರುಗಿತು. ಅರ್ಚಕ ಜಗನ್ನಾಥ ಅನಂತರಾವ ಜೋಶಿ ಹಾಗೂ ವೆಂಕಟೇಶ ಗುಂಡಾಚಾರ್ಯ ಜೋಶಿ ಅವರಿಂದ ಶ್ರೀಭೋಗೇಶ್ವರ ಗದ್ದುಗೆಗೆ ಮಹಾರುದ್ರಾಭಿಷೇಕ ನಡೆಯಿತು. ಮಧ್ಯಾಹ್ನ ಭಕ್ತಾದಿಗಳಿಗೆ ಮಹಾಪ್ರಸಾದ ವ್ಯವಸ್ಥೆ ಮಾಡಲಾಗಿತ್ತು.