ಅಮೆರಿಕಾ ಏಕ ಪಕ್ಷೀಯ ತೀರ್ಮಾನ... ಖಂಡಿಸಿದ ತಾಲಿಬಾನಿಗಳು !

ಕಾಬೂಲ್ / ಬೀಜಿಂಗ್, ಆಗಸ್ಟ್‌  30   ಕಾಬೂಲ್ ನಲ್ಲಿ ಆತ್ಮಾಹುತಿ ಬಾಂಬ್  ದಾಳಿಗಳನ್ನು   ಹತ್ತಿಕ್ಕಲು   ಅಮೆರಿಕಾ   ನಡೆಸಿರುವ  ಡ್ರೋನ್ ದಾಳಿಗಳನ್ನು ಖಂಡಿಸುವುದಾಗಿ   ತಾಲಿಬಾನ್‌   ವಕ್ತಾರ   ಜಬಿಹುಲ್ಲಾ  ಮುಜಾಹಿದ್‌  ಹೇಳಿದ್ದಾರೆ.  ಏಕಪಕ್ಷೀಯ   ನಿರ್ಧಾರ  ಕೈಗೊಂಡು ಈ ರೀತಿ ವರ್ತಿಸುವುದು ಸರಿಯಲ್ಲ ಎಂದು ಅವರು   ಬುದ್ದಿ  ಹೇಳಿದ್ದಾರೆ. ಅಫ್ಘಾನಿಸ್ತಾನದಲ್ಲಿ  ಅಮೆರಿಕಾ  ಪಡೆಗಳ  ವಾಪಸ್ಸು ಪಡೆದುಕೊಳ್ಳುವ   ಗಡುವು  ಮುಗಿಯುತ್ತಿರುವ  ಹಿನ್ನಲೆಯಲ್ಲಿ   ಐಸಿಸ್-ಖೊರಾಸನ್ ಗುಂಪು ಇತ್ತೀಚೆಗೆ ಭಯೋತ್ಪಾದಕ ದಾಳಿಗಳನ್ನು ನಡೆಸಿತ್ತು.  ಎಂದು ಕಾಬೂಲ್ ವಿಮಾನ ನಿಲ್ದಾಣದ ಬಳಿ ನಡೆದ ಸರಣಿ ಬಾಂಬ್ ಸ್ಫೋಟದಲ್ಲಿ 100 ಕ್ಕೂ ಹೆಚ್ಚು ಸಾಮಾನ್ಯ  ನಾಗರಿಕರು  ಹಾಗೂ  13 ಮಂದಿ   ಅಮೆರಿಕಾ  ಸೈನಿಕರು ಸಾವನ್ನಪ್ಪಿದ್ದಾರೆ.

ಈ ಹಿನ್ನಲೆಯಲ್ಲಿ   ಅಮೆರಿಕಾ  ಯೋಧರನ್ನು  ಗುರಿಯಾಗಿಸಿ  ಭಾನುವಾರ  ಮತ್ತೊಮ್ಮೆ   ರಾಕೆಟ್‌  ದಾಳಿಗಳು   ನಡೆದಿರುವ   ವರದಿ  ಹಿನ್ನಲೆಯಲ್ಲಿ   ಅಮೆರಿಕಾ  ಈ ವಿಷಯವನ್ನು ದೃಢೀಕರಿಸಿದೆ.   ಅಲ್ಲದೆ,  ಅವರನ್ನು ಸದೆಬಡಿದಿರುವುದಾಗಿ  ತಿಳಿಸಿದೆ.  ಆದೇ ರೀತಿ   ಆತ್ಮಾಹುತಿ ಬಾಂಬರ್   ದಾಳಿಯಲ್ಲಿ     ಭಾರಿ ಪ್ರಮಾಣದ ಸ್ಫೋಟಕ ಸಾಧನ ಬಳಸಲಾಗಿದ್ದು,  ಇದರಿಂದ  ಉಂಟಾಗಿರುವ  ಹಾನಿಯನ್ನು  ಅಂದಾಜಿಸುತ್ತಿರುವುದಾಗಿ,    ಈ  ಘಟನೆ  ಕುರಿತು ತನಿಖೆ ನಡೆಯುತ್ತಿದೆ ಎಂದು ತಿಳಿಸಿದೆ.
ಈ ಹಿನ್ನಲೆಯಲ್ಲಿ  ತಾಲಿಬಾನ್ ವಕ್ತಾರ ಜಬಿಹುಲ್ಲಾ ಮುಜಾಹಿದ್ ಅಮೆರಿಕಾ  ಕ್ರಮವನ್ನು ಖಂಡಿಸಿದ್ದಾರೆ. ಚೈನಾದ   ಸರ್ಕಾರಿ  ಟೆಲಿವಿಷನ್‌   ಸಿಜಿಟಿಎನ್ ಜೊತೆ ಮಾತನಾಡುತ್ತಾ.  ಅಮೆರಿಕಾ  ಕ್ರಮವನ್ನು ಅವರು  ಖಂಡಿಸಿದರು.    ತಮಗೆ ಯಾವುದೇ  ಸೂಚನೆ  ನೀಡದೆ   ನಡೆಸಿದ  ಈ ದಾಳಿಯಲ್ಲಿ ಏಳು ನಾಗರಿಕರು ಸಾವನ್ನಪ್ಪಿದ್ದಾರೆ,  ಎಂದು ಅವರು ಹೇಳಿದ್ದಾರೆ.

ಈ  ಸಂಬಂಧ  .. ‘‘  ಒಂದು ವೇಳೆ  ಅಫ್ಘಾನಿಸ್ತಾನದಲ್ಲಿ    ಅಪಾಯ ಸಂಭವಿಸಲಿದೆ   ಎಂದು  ಅವರು  ಭಾವಿಸಿದರೆ ..  ನಮಗೆ  ಆ  ವಿಷಯ  ಮೊದಲು ಹೇಳಬೇಕು.   ಆದರೆ  ಈ  ರೀತಿ   ಏಕಪಕ್ಷೀಯ ನಿರ್ಧಾರಗಳು ಜೀವಹಾನಿಗೆ ಕಾರಣವಾಗುತ್ತವೆ ಎಂದು  ಹೇಳಿದರು.   " ವಿದೇಶಿ  ನೆಲದಲ್ಲಿ ಇಂತಹ ಕೃತ್ಯಗಳನ್ನು  ಎಸಗುವುದು ಕಾನೂನುಬಾಹಿರ ಎಂದು  ತಾಲಿಬಾನ್‌  ವಕ್ತಾರರು  ಹೇಳಿದ್ದಾರೆ.