ಅಮೆರಿಕದ ಒರೆಗಾನ್ ನಲ್ಲಿ ಕಾಡ್ಗಿಚ್ಚು ದುರಂತ: 10 ಸಾವು

ಸ್ಯಾನ್ ಫ್ರಾನ್ಸಿಸ್ಕೋ, ಸೆಪ್ಟೆಂಬರ್ 14: ಅಮೆರಿಕದ ರಾಜ್ಯ ಒರೆಗಾನ್‌ ನಲ್ಲಿ ಸಂಭವಿಸಿದ  ಕಾಡ್ಗಿಚ್ಚಿನಿಂದಾಗಿ 10 ಜನರು ಸಾವನ್ನಪ್ಪಿದ್ದು, , ನೂರಾರು ಜನರು ಮನೆ-ಮಠ ಕಳೆದುಕೊಂಡಿದ್ದಾರೆ .

ಬೆಂಕಿಯು ಒರೆಗಾನ್‌ನಾದ್ಯಂತ 1 ದಶಲಕ್ಷಕ್ಕೂ ಹೆಚ್ಚು ಎಕರೆ ಪ್ರದೇಶವನ್ನು ಆವರಿಸಿದೆ, ಇದು ದಕ್ಷಿಣ ಗಡಿಯಿಂದ ಕರಾವಳಿ ಮತ್ತು ಕ್ಲಾಕಮಾಸ್ ಕೌಂಟಿಯವರೆಗೆ ವ್ಯಾಪಿಸಿದೆ. ಈ ಅಂಕಿ ಅಂಶವು ಕಳೆದ 10 ವರ್ಷಗಳ  ವಾರ್ಷಿಕ ಸರಾಸರಿಗಿಂತಲೂ  ಎರಡು ಪಟ್ಟು ಹೆಚ್ಚಾಗಿದೆ  ಎಂಬುದನ್ನು  ಅಧಿಕಾರಿಗಳು ದೃಢಪಡಿಸಿದ್ದಾರೆ .

40,ಸಾವಿರಕ್ಕೂ ಹೆಚ್ಚು ಜನರು ತಮ್ಮ ಮನೆ-ಮಠ ತೊರೆದಿದ್ದಾರೆ. ಕಾಣೆಯಾದ 50 ಜನರಲ್ಲಿ ಒಬ್ಬರನ್ನು ಹೊರತುಪಡಿಸಿ ಉಳಿದವರನ್ನು   ಪತ್ತೆ ಮಾಡಲಾಗಿದೆ ಎಂದು ಜಾಕ್ಸನ್ ಕೌಂಟಿ ಶೆರಿಫ್ ಕಚೇರಿ ತಿಳಿಸಿದೆ.

ಅಮೆರಿಕ ಎನ್ವಿರಾನ್ಮೆಂಟಲ್ ಪ್ರೊಟೆಕ್ಷನ್ ಏಜೆನ್ಸಿಯ ಪ್ರಕಾರ, ರಾಜ್ಯದ ಅತಿದೊಡ್ಡ ನಗರವಾದ ಪೋರ್ಟ್ಲ್ಯಾಂಡ್ ನಲ್ಲಿ ಗಾಳಿಯ ಗುಣಮಟ್ಟ  ಹದಗೆಟ್ಟಿದೆ ಎಂದೂ ವರದಿಯಾಗಿದೆ.