ವಾಲ್ಟ್ ಡಿಸ್ನಿ ಕಂಪೆನಿಗೆ ಮೊದಲ ಬಾರಿಗೆ ಮಹಿಳಾ ಅಧ್ಯಕ್ಷೆ ನೇಮಕ

ವಾಷಿಂಗ್ಟನ್, ಡಿ 2: ಅಮೆರಿಕಾದ ಪ್ರತಿಷ್ಟಿತ ವಾಲ್ಟ್ ಡಿಸ್ನಿ ಕಂಪೆನಿಯು ತನ್ನ 98 ವರ್ಷಗಳ ಇತಿಹಾಸದಲ್ಲಿ ಮೊದಲ ಬಾರಿಗೆ ಮಹಿಳೆಯೊಬ್ಬರನ್ನು ಅಧ್ಯಕ್ಷರನ್ನಾಗಿ ಆಯ್ಕೆ ಮಾಡಿದೆ.

14 ವರ್ಷಗಳಿಂದ ಡಿಸ್ನಿ ಮಂಡಳಿಯ ಸದಸ್ಯರಾಗಿರುವ ಸುಸಾನ್ ಅರ್ನಾಲ್ಡ್ ಅವರು ಈ ವರ್ಷದ ಕೊನೆಯಲ್ಲಿ ಬಾಬ್ ಇಗರ್ ಅವರ ಉತ್ತರಾಧಿಕಾರಿಯಾಗಲಿದ್ದಾರೆ ಎಂದು ಬುಧವಾರ ವಾಲ್ಟ್ ಡಿಸ್ನಿ ಹೇಳಿದೆ.

15 ವರ್ಷಗಳ ನಂತರ 2020ರಲ್ಲಿ ಡಿಸ್ನಿಯ ಮುಖ್ಯ ಕಾರ್ಯನಿರ್ವಾಹಕ ಹುದ್ದೆಯಿಂದ ಕೆಳಗಿಳಿದಿರುವ ಬಾಬ್ ಇಗರ್ ಅವರು ಡಿಸೆಂಬರ್ ಅಂತ್ಯದ ವೇಳೆಗೆ ಕಂಪನಿಯನ್ನು ತೊರೆಯಲಿದ್ದಾರೆ.

"ನಾನು ಮಂಡಳಿಯ ಅಧ್ಯಕ್ಷರಾಗಿ ಈ ಹೊಸ ಪಾತ್ರಕ್ಕೆ ಕಾಲಿಡುತ್ತಿದ್ದಂತೆ, ಕಂಪನಿಯ ಶತಮಾನದ ಸುದೀರ್ಘ ಪರಂಪರೆಯ ಸೃಜನಾತ್ಮಕ ಶ್ರೇಷ್ಠತೆ ಹಾಗೂ ನಾವೀನ್ಯತೆ ಮೇಲೆ ಕಂಪೆನಿ ನಿರ್ಮಿಸುತ್ತಿರುವ ಸಿಇಒ ಬಾಬ್ ಚಾಪೆಕ್ ಅವರೊಂದಿಗೆ ನಿಕಟವಾಗಿ ಕೆಲಸ ಮಾಡುವ ಮೂಲಕ ಡಿಸ್ನಿಯ ಷೇರುದಾರರು ದೀರ್ಘಾವಧಿಯ ಹಿತಾಸಕ್ತಿಗಳಿಗೆ ಸೇವೆ ಸಲ್ಲಿಸಲು ನಾನು ಎದುರು ನೋಡುತ್ತಿದ್ದೇನೆ ಅರ್ನಾಲ್ಡ್ ಹೇಳಿದರು. ಕಳೆದ ಎಂಟು ವರ್ಷಗಳಿಂದ, ಅರ್ನಾಲ್ಡ್ ಕಾರ್ಲೈಲ್ ಗ್ರೂಪ್‍ನಲ್ಲಿ ಕಾರ್ಯನಿರ್ವಾಹಕರಾಗಿದ್ದರು.

ಮುಖ್ಯ ಕಾರ್ಯನಿರ್ವಾಹಕ ಮತ್ತು ಅಧ್ಯಕ್ಷರು ಎಂಬ ಹುದ್ದೆಗಳನ್ನು ಒಬ್ಬರಿಂದ ನಿರ್ವಹಿಸುವ ದೊಡ್ಡ ಕಂಪನಿಗಳು ನಿರ್ವಹಣಾ ರಚನೆಗಳಿಂದ ದೂರ ಸರಿಯುತ್ತಿರುವುದರಿಂದ ಎರಡು ಪ್ರಮುಖ ಸ್ಥಾನಗಳನ್ನು ಪ್ರತ್ಯೇಕಿಸುವ ಸಲುವಾಗಿ ಸುಸಾನ್ ಅರ್ನಾಲ್ಡ್ ಅವರ ನೇಮಕಾತಿಯಾಗಿದೆ ಎಂದು ತಿಳಿದು ಬಂದಿದೆ.

"ಸುಸಾನ್ ನಂಬಿಕಾರ್ಹ ಗೌರವಾನ್ವಿತ ಕಾರ್ಯನಿರ್ವಾಹಕರು. 2007ರಲ್ಲಿ ಮೊದಲ ಬಾರಿಗೆ ಮಂಡಳಿಗೆ ಸೇರಿದಾಗಿನಿಂದ ಅವರ ಅನುಭವದ ಸಂಪತ್ತು, ಅಚಲವಾದ ಸಮಗ್ರತೆ ಮತ್ತು ತಜ್ಞರ ತೀರ್ಪು ಸೇರಿದಂತೆ ಅವರ ಕೊಡುಗೆ ಕಂಪನಿಗೆ ಅಮೂಲ್ಯವಾಗಿದೆ" ಎಂದು ಇಗರ್ ಹೇಳಿದರು.