ಕ್ಯಾಲಿಫೋರ್ನಿಯಾದಲ್ಲಿ ನಿರುದ್ಯೋಗ ಪ್ರಮಾಣ ಶೇ 5.3 ಕ್ಕೆ ಹೆಚ್ಚಳ
ವಾಷಿಂಗ್ಟನ್, ಏ 18,ಕ್ಯಾಲಿಫೋರ್ನಿಯಾದಲ್ಲಿ ಮಾರ್ಚ್ ತಿಂಗಳ
ನಿರುದ್ಯೋಗ ಪ್ರಮಾಣ ಶೇ 5.3 ಕ್ಕೆ ಏರಿಕೆಯಾಗಿದೆ ಎಂದು ಅಲ್ಲಿನ ಉದ್ಯೋಗ ಅಭಿವೃದ್ಧಿ
ಇಲಾಖೆ ಶನಿವಾರ ತಿಳಿಸಿದೆ.ಫೆಬ್ರವರಿ 12 ರಿಂದ ಮಾರ್ಚ್ 12 ರಿಂದ ನಡೆದ ಸಮೀಕ್ಷೆಯಲ್ಲಿ ಈ
ಅಂಕಿ ಅಂಶ ವ್ಯಕ್ತವಾಗಿದ್ದು ಆಗ ಕೊರೊನಾ ವೈರಾಣು ಸೋಂಕು ಕ್ರಮೇಣ
ವ್ಯಾಪಿಸುತ್ತಿತ್ತು. ಸುಮಾರು 99500 ಉದ್ಯೋಗಗಳನ್ನು ಕಡಿತ ಮಾಡಲಾಗಿದ್ದು ಫೆಬ್ರವರಿ
ತಿಂಗಳಿಗೆ ಹೋಲಿಸಿದರೆ ಮಾರ್ಚ್ ತಿಂಗಳಲ್ಲಿ ನಿರುದ್ಯೋಗ ಪ್ರಮಾಣ ಶೇ 1.4 ರಷ್ಟು
ಹೆಚ್ಚಳವಾಗಿತ್ತು. 1976 ರ ನಂತರ ಇದೇ ಮೊದಲ ಬಾರಿಗೆ ನಿರುದ್ಯೋಗ ಪ್ರಮಾಣ ಹೆಚ್ಚಾಗಿದೆ.
ಕೊರೊನಾ ಸಾಂಕ್ರಾಮಿಕ ರೋಗದಿಂದ ಉಂಟಾಗಿರುವ ಆರ್ಥಿಕ ಬಿಕ್ಕಟ್ಟು ನಿವಾರಣೆಗೆ,
ಕೋಟ್ಯಧಿಪತಿ ಟಾಮ್ ಸೆಟ್ಯೇರ್ ನೇತೃತ್ವದ ಆರ್ಥಿಕ ಚೇತರಿಕಾ ಸಲಹಾ ಮಂಡಳಿ ರಚಿಸಲಾಗುವುದು
ಎಂದು ಕ್ಯಾಲಿಫೋರ್ನಿಯಾ ಗವರ್ನರ್ ಗವಿನ್ ನ್ಯೂಸಂ ಹೇಳಿದ್ದಾರೆ.ಫೆಡರಲ್ ರಿಸರ್ವ್ ನ
ಮಾಜಿ ಅಧ್ಯಕ್ಷ ಜನೆತ್ ಯೆಲ್ಲೆನ್, ಡಿಸ್ನಿಯ ಕಾರ್ಯಕಾರಿ ಅಧ್ಯಕ್ಷ ಬಾಬ್ ಐಗರ್ ಮತ್ತು
ಆಪಲ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಟಿಮ್ ಕುಕ್ ಮಂಡಳಿಯಲ್ಲಿರಲಿದ್ದಾರೆ.ಕೊರೊನಾ
ಸೋಂಕಿನಿಂದಾಗಿ ಕುಸಿದಿರುವ ಆರ್ಥಿಕತೆಗೆ ಚೇತರಿಕೆ ನೀಡಿ ಸಂಕಷ್ಟದಲ್ಲಿರುವ
ಕ್ಯಾಲಿಫೋರ್ನಿಯಾ ಜನರಿಗೆ ನೆರವಾಗಲು ಈ ನಿರ್ಧಾರ ಮಾಡಲಾಗಿದೆ.
