ಕೊರೋನಾ ಲಸಿಕೆ ಮೊದಲ ಡೋಸ್ ಪಡೆದ ತಕ್ಷಣ ನಾಲ್ಕು ವರ್ಷಗಳಿಂದ ಮಲಗಿದ್ದವರು ಎದ್ದು ಓಡಾಡಿದರು!
ಬೊಕಾರೊ: ಜನೆವರಿ 15 ನಾಲ್ಕು ವರ್ಷಗಳಿಂದ ಹಾಸಿಗೆ ಹಿಡಿದಿದ್ದ ವ್ಯಕ್ತಿಯೊಬ್ಬರು ಕೋವಿಡ್ -19 ಲಸಿಕೆಯ ಮೊದಲ ಡೋಸ್ ಪಡೆದ ತಕ್ಷಣ ಓಡಾಡಲು ಪ್ರಾರಂಭಿಸಿದ ಘಟನೆ ಜಾರ್ಖಂಡ್‍ನ ಬೊಕಾರೊ ಜಿಲ್ಲೆಯಲ್ಲಿ ನಡೆದಿದೆ.
ಬೊಕಾರೊದ ಪೇಟರ್‍ವಾರ್ ಗ್ರಾಮದ ನಿವಾಸಿ ದುಲರ್‍ಚಂದ್ (44) ನಡೆದಾಡುತ್ತಿರುವ ವ್ಯಕ್ತಿ. ನಾಲ್ಕು ವರ್ಷಗಳ ಹಿಂದೆ ಅಪಘಾತದಲ್ಲಿ ತಮ್ಮ ಧ್ವನಿಯನ್ನು ಕಳೆದುಕೊಂಡಿದ್ದರು ಮತ್ತು ಹಾಸಿಗೆ ಹಿಡಿದಿದ್ದರು. ಜನವರಿ 4 ರಂದು, ದುಲರ್‍ಚಂದ್ ಜನವರಿ 4 ರಂದು ಕೋವಿಶೀಲ್ಡ್ ಲಸಿಕೆಯ ಮೊದಲ ಡೋಸ್ ಪಡೆದುಕೊಂಡರು.
ಪೇಟಾರ್‍ವಾರ್ ಸಮುದಾಯ ಆರೋಗ್ಯ ಕೇಂದ್ರದ ವೈದ್ಯಕೀಯ ಉಸ್ತುವಾರಿ ಡಾ ಅಲ್ಬೆಲ್ ಕೆರ್ಕೆಟ್ಟಾ ಪ್ರಕಾರ, ದುಲರ್‍ಚಂದ್ ದೇಹವು ಕೋವಿಡ್ -19 ಲಸಿಕೆ ಪಡೆದ ಒಂದು ದಿನದ ನಂತರ ಪ್ರತಿಕ್ರಿಯಿಸಲು ಪ್ರಾರಂಭಿಸಿದರು ಎಂದು ಹೇಳಿದರು.
ಲಸಿಕೆಯನ್ನು ಸ್ವೀಕರಿಸಿದ ಕೆಲವು ದಿನಗಳ ನಂತರ, ದುಲಾಚರ್ಂದ್ ತನ್ನ ಕಾಲಿನ ಮೇಲೆ ನಿಲ್ಲಬಲ್ಲೆ ಎಂದು ಹೇಳಿಕೊಂಡನು ಮತ್ತು ತನ್ನ ಕಳೆದುಹೋದ ಧ್ವನಿಯನ್ನು ಮರಳಿ ಪಡೆದರು. ಈ ಲಸಿಕೆ ತೆಗೆದುಕೊಂಡಿದ್ದಕ್ಕೆ ಸಂತೋಷವಾಗಿದೆ. ಜನವರಿ 4 ರಂದು ಲಸಿಕೆ ತೆಗೆದುಕೊಂಡಾಗಿನಿಂದ ನಾನು ನಡೆಯುತ್ತಿದ್ದೇನೆ ಎಂದು ದುಲರ್‍ಚಂದ್ ತಿಳಿಸಿದರು.
ಬೊಕಾರೊದ ಸಿವಿಲ್ ಸರ್ಜನ್ ಡಾ ಜಿತೇಂದ್ರ ಕುಮಾರ್, ಘಟನೆ ಆಶ್ಚರ್ಯಕರವಾಗಿದ್ದರೂ, ಇದು ಪವಾಡವಲ್ಲ ಎಂದು ಹೇಳಿದರು. ದುಲರ್‍ಚಂದ್ ಅವರ ವೈದ್ಯಕೀಯ ಇತಿಹಾಸವನ್ನು ವಿಶ್ಲೇಷಿಸಲು ವೈದ್ಯಕೀಯ ತಂಡವನ್ನು ರಚಿಸುವಂತೆ ಆದೇಶಿಸಿದರು.
