ರಷ್ಯಾ ಆಕ್ರಮಣ ; ಚಿತ್ರೀಕರಣದಲ್ಲಿ ಆಸ್ಕರ್ ವಿಜೇತ ಸೀನ್ ಪೆನ್
ಕೀವ್ (ಉಕ್ರೇನ್) ಫೆಬ್ರವರಿ ೨೬: ಆಸ್ಕರ್ ಪ್ರಶಸ್ತಿ ವಿಜೇತ ಸೀನ್ ಪೆನ್ ಅವರು ರಷ್ಯಾದ ಆಕ್ರಮಣದ ಕುರಿತು ಸಾಕ್ಷ್ಯಚಿತ್ರವನ್ನು ಚಿತ್ರೀಕರಿಸುವ ಸಲುವಾಗಿ ಉಕ್ರೇನ್ ಗೆ ಆಗಮಿಸಿದ್ದಾರೆ ಎಂದು ವೈಸ್ ಸ್ಟುಡಿಯೋಸ್ ಹೇಳಿದೆ.
ಡಾಕ್ ವೈಸ್ ವರ್ಲ್ಡ್ ನ್ಯೂಸ್ ಮತ್ತು ಎಂಡೀವರ್ ಕಂಟೆಂಟ್‌ನ ಸಹಯೋಗದೊಂದಿಗೆ ವೈಸ್ ಸ್ಟುಡಿಯೋಸ್ ನಿರ್ಮಾಣವಾಗಿದೆ. ಆಸ್ಕರ್ ವಿಜೇತ ನಟ ಗುರುವಾರ ಉಕ್ರೇನ್ ರಾಜಧಾನಿ ಕೈವ್‌ನಲ್ಲಿ ಪತ್ರಿಕಾಗೋಷ್ಠಿಯಲ್ಲಿ ಭಾಗವಹಿಸಿ ಉಭಯ ರಾಷ್ಟ್ರಗಳ ಬಿಕ್ಕಟ್ಟಿನ ಬಗ್ಗೆ ಸ್ಥಳೀಯ ಸರ್ಕಾರಿ ಅಧಿಕಾರಿಗಳ ಮಾತುಗಳನ್ನು ಆಲಿಸಿದರು.
ಈ ಹಿಂದೆ ೨೦೨೧ರ ನವೆಂಬರ್ ನಲ್ಲಿ ಪೆನ್ ಅವರು ಉಕ್ರೇನ್‌ಗೆ ಭೇಟಿ ನೀಡಿದ್ದರು. ಇಲ್ಲಿನ ಮಿಲಿಟರಿ ತಾಣಗಳಿಗೆ ಭೇಟಿ ನೀಡುವ ಮೂಲಕ ಸಾಕ್ಷ್ಯಚಿತ್ರಕ್ಕಾಗಿ ತಯಾರಿ ಆರಂಭಿಸಿದರು. ಈ ಕುರಿತ ಪೆನ್ ಅವರ ನವೆಂಬರ್ ಪ್ರವಾಸದ ಫೋಟೋಗಳನ್ನು ಉಕ್ರೇನಿಯನ್ ಜಂಟಿ ಪಡೆಗಳ ಆಪರೇಷನ್ ಪ್ರೆಸ್ ಸೇವೆಯು ಆ ಸಮಯದಲ್ಲಿ ಬಿಡುಗಡೆ ಮಾಡಿತ್ತು
ಈ ವಾರ ಉಕ್ರೇನ್‌ಗೆ ಆಗಮಿಸಿದ ನಂತರ ಪೆನ್ ಅವರು ಅಧ್ಯಕ್ಷರ ಕಚೇರಿಗೆ ಭೇಟಿ ನೀಡಿದ್ದಾರೆ. ಉಪ ಪ್ರಧಾನ ಮಂತ್ರಿ ಐರಿನಾ ವೆರೆಶ್‌ಚುಕ್ , ಉಕ್ರೇನಿಯನ್ ಮಿಲಿಟರಿಯ ಸದಸ್ಯರು ಮತ್ತು ಸ್ಥಳೀಯ ಪತ್ರಕರ್ತರೊಂದಿಗೆ ಮಾತನಾಡಿದ್ದಾರೆ” ಎಂದು ಹೇಳಲಾಗಿದೆ. ಈ ಸಂದರ್ಭದಲ್ಲಿ . ಅಧ್ಯಕ್ಷರ ಕಚೇರಿಯು ಉಕ್ರೇನಿಯನ್ ರಾಯಭಾರ ಕಚೇರಿಯ ಮೂಲಕ ಆಸ್ಕರ್ ಪ್ರಶಸ್ತಿ ವಿಜೇತ ನಟ ಮತ್ತು ಚಲನಚಿತ್ರ ನಿರ್ಮಾಪಕರನ್ನು ಶ್ಲಾಘಿಸಿ ಹೇಳಿಕೆ ನೀಡಿದೆ.
ಉಕ್ರೇನ್‌ನಲ್ಲಿ ಪ್ರಸ್ತುತ ನಡೆಯುತ್ತಿರುವ ಎಲ್ಲಾ ಘಟನೆಗಳನ್ನು ರೆಕಾರ್ಡ್ ಮಾಡಲು ಮತ್ತು ನಮ್ಮ ದೇಶದ ಮೇಲೆ ರಷ್ಯಾದ ಆಕ್ರಮಣದ ಬಗ್ಗೆ ಸತ್ಯವನ್ನು ಜಗತ್ತಿಗೆ ತಿಳಿಸಲು ನಿರ್ದೇಶಕರು ವಿಶೇಷವಾಗಿ ಕೀವ್ ಗೆ ಬಂದಿದ್ದಾರೆ”ಎಂದು ಹೇಳಲಾಗಿದೆ . ‘ಇಂದು ಉಕ್ರೇನ್‌ನಲ್ಲಿ ಉಕ್ರೇನ್‌ಗೆ ಬೆಂಬಲ ನೀಡುವವರಲ್ಲಿ ಸೀನ್ ಪೆನ್ ಕೂಡ ಸೇರಿದ್ದಾರೆ. ಇಂಥ ಧೈರ್ಯ ಮತ್ತು ಪ್ರಾಮಾಣಿಕತೆಯ ಪ್ರದರ್ಶನಕ್ಕಾಗಿ ನಮ್ಮ ದೇಶವು ಅವರಿಗೆ ಕೃತಜ್ಞವಾಗಿದೆ ಎಂದು ಸಹ ಹೇಳಲಾಗಿದೆ.
“ಸೀನ್ ಪೆನ್ ಅವರು ಶೌರ್ಯವನ್ನು ಪ್ರದರ್ಶಿಸುತ್ತಿದ್ದಾರೆ, ನಿರ್ದಿಷ್ಟವಾಗಿ ಕೆಲವು ಪಾಶ್ಚಿಮಾತ್ಯ ರಾಜಕಾರಣಿಗಳು. ಅ ಮಾದರಿ ವ್ಯಕ್ತಿಗಳು – ಸ್ವಾತಂತ್ರ್ಯಕ್ಕಾಗಿ ಹೋರಾಟವನ್ನು ಬೆಂಬಲಿಸುವ ಉಕ್ರೇನ್‌ನ ನಿಜವಾದ ಸ್ನೇಹಿತರು. ಈ ಮಾದರಿಯ ಬೆಂಬಲದಿಂದಾಗಿ ರಷ್ಯಾದ ಈ ಹೇಯ ಆಕ್ರಮಣವನ್ನು ನಾವು ತ್ವರಿತವಾಗಿ ನಿಲ್ಲಿಸಬಹುದು ಎಂದು ಹೇಳಲಾಗಿದೆ.
ಪೆನ್ ಅನೇಕ ಯುದ್ಧ-ವಿರೋಧಿ ಮತ್ತು ಮಾನವೀಯ ಕಾರ್ಯಾಚರಣೆಗಳ ಕಾರ್ಯಗಳನ್ನು ಕೈಗೊಂಡಿದ್ದಾರೆ. . ಕೋರ್ ಎಂದೂ ಕರೆಯಲ್ಪಡುವ ಲಾಭರಹಿತ ಸಂಸ್ಥೆ ಮೂಲಕ ಸಮುದಾಯ ಸಂಘಟಿತ ಪರಿಹಾರ ಪ್ರಯತ್ನಗಳನ್ನು ಮಾಡುತ್ತಿದ್ದಾರೆ. . COVID-19 ಗೆ ಸಹಾಯ ಮಾಡಲು ಸಹ ಈ ಸಂಸ್ಥೆ ನೆರವಿನ ಹಸ್ತ ಚಾಚಿದೆ.
