ಕೊರೊನಾ ಕಂಟ್ರೋಲ್ ಗೆ ನಿರಂತರವಾಗಿ ಸ್ವಿಮ್ಮಿಂಗ್ ಪೂಲ್ ಗೆ ನೀರು ತುಂಬಿಸುವ ಐಡಿಯಾ; ನೀರಿನ ಬಿಲ್ ನೋಡಿ ಶಾಕ್!

ಟೋಕಿಯೋ: ಏಪ್ರಿಲ್ 22: ಜಪಾನ್ ನಲ್ಲಿ ಶಾಲೆಯೊಂದಕ್ಕೆ ಬರೋಬ್ಬರಿ $ 27,000 ನೀರಿನ ಬಿಲ್ ಬಂದಿದೆ. ಅಚ್ಚರಿಯಾದ್ರೂ ಸತ್ಯ. ಇದಕ್ಕೆ ಕಾರಣ ಶಿಕ್ಷಕರೊಬ್ಬರ ಐಡಿಯಾ.

ಕೊರೊನಾವೈರಸ್ ಸೋಂಕನ್ನು ತಡೆಯುವ ಆಶಯದೊಂದಿಗೆ ಸ್ವಿಮ್ಮಿಂಗ್ ಪೂಲ್ ನಿರ್ವಹಣೆಯ ಉಸ್ತುವಾರಿ ವಹಿಸಿರುವ ಶಿಕ್ಷಕರು ತಿಂಗಳುಗಟ್ಟಲೆ ನೀರಿನ ನಲ್ಲಿ ಆನ್ ಮಾಡಿದ್ದರಿಂದ  ಶಾಲೆಗೆ $ 27,000 ನೀರಿನ ಬಿಲ್ ಬಂದಿದೆ.

ಆದರೆ ಈ ಕೆಲಸ ಮಾಡಿದ ಶಿಕ್ಷಕರು ಯಾರೂ ಎಂಬುದು ಇನ್ನೂ ತಿಳಿದುಬಂದಿಲ್ಲ. ಈಜು ಕೊಳಕ್ಕೆ ಶುದ್ಧ ನೀರನ್ನ ನಿರಂತರವಾಗಿ ಹರಿಸಿದ್ರೆ  ಕೋವಿಡ್ ಮುಕ್ತವಾಗಿರುತ್ತದೆ ಎಂದು ಭಾವಿಸಿದ್ದು,  ಜೂನ್ ಅಂತ್ಯದಿಂದ ಸೆಪ್ಟೆಂಬರ್ ಆರಂಭದವರೆಗೆ ಟ್ಯಾಪ್ ಆನ್ ಮಾಡಿದ್ದಾರೆ.

ಸಾಮಾನ್ಯವಾಗಿ, ಕ್ಲೋರಿನ್ ಮತ್ತು ಫಿಲ್ಟರಿಂಗ್ ಯಂತ್ರಗಳು ಕೊಳದ ನೀರಿನ ಗುಣಮಟ್ಟವನ್ನು ನಿರ್ವಹಿಸುತ್ತವೆ. ಆದರೆ ನಿರಂತರವಾಗಿ ಹೊಸ ನೀರನ್ನು ತುಂಬಿಸುವುದರಿಂದ ಕೋವಿಡ್ ಅನ್ನು ತಡೆಯಲು ಸಹಾಯ ಮಾಡುತ್ತದೆ ಎಂದು ಶಿಕ್ಷಕರು ಹೇಗಾದರೂ ತಪ್ಪು ಕಲ್ಪನೆಯನ್ನು ಹೊಂದಿದ್ದಾರೆ ಎಂದು ಸ್ಥಳೀಯ ಶಿಕ್ಷಣ ಮಂಡಳಿಯ ಅಧಿಕಾರಿ ತಿಳಿಸಿದ್ದಾರೆ.

ಶಾಲೆಯ ಇತರ ಸದಸ್ಯರು ಸಾಂದರ್ಭಿಕವಾಗಿ ಚಾಲನೆಯಲ್ಲಿರುವ ಟ್ಯಾಪ್ ಅನ್ನು ಗಮನಿಸಿ ಅದನ್ನು ಆಫ್ ಮಾಡುತ್ತಿದ್ದರು. ಆದರೆ ಆ ಶಿಕ್ಷಕರು ಶೀಘ್ರದಲ್ಲೇ ಅದನ್ನು ಮತ್ತೆ ಆನ್ ಮಾಡುತ್ತಿದ್ದರು ಎಂದು ವರದಿಯಾಗಿದೆ. ಹೆಚ್ಚುವರಿಯಾಗಿ 2 ತಿಂಗಳಲ್ಲಿ 4 ಸಾವಿರ ಟನ್ ನೀರನ್ನು ಬಳಸಲಾಗಿದೆ.

ಮಧ್ಯ ಜಪಾನ್‌ನ ಕನಗಾವಾ ಪ್ರಿಫೆಕ್ಚರ್‌ನಲ್ಲಿರುವ ಯೊಕೊಸುಕಾದ ಸ್ಥಳೀಯ ಅಧಿಕಾರಿಗಳು ಈಗ ಶಿಕ್ಷಕ ಮತ್ತು ಇಬ್ಬರು ಮೇಲ್ವಿಚಾರಕರು 3.5 ಮಿಲಿಯನ್ ಯೆನ್ ($27,000) ಅರ್ಧದಷ್ಟು ಬಿಲ್ ಪಾವತಿಸಬೇಕೆಂದು ಒತ್ತಾಯಿಸುತ್ತಿದ್ದಾರೆ.

ನಮ್ಮ ನಗರಕ್ಕೆ (ಆರ್ಥಿಕ) ಹಾನಿ ಉಂಟುಮಾಡಿದ್ದಕ್ಕಾಗಿ ನಾವು ನಮ್ಮ ನಿವಾಸಿಗಳಿಗೆ ಕ್ಷಮೆಯಾಚಿಸುತ್ತೇವೆ” ಎಂದು ಯೊಕೊಸುಕಾ ಅಧಿಕಾರಿಗಳು ಹೇಳಿಕೆಯಲ್ಲಿ ತಿಳಿಸಿದ್ದಾರೆ.