ತಾಲಿಬಾನ್ ಹಂಗಾಮಿ ವಿದೇಶಾಂಗ ಸಚಿವ, ಇಯಾನ್ ಮೆಕ್ಕಾರಿ ಭೇಟಿ

ದೋಹಾ, ಅ. 27: ತಾಲಿಬಾನ್ ಸರ್ಕಾರದ ಹಂಗಾಮಿ ಅಫ್ಘಾನ್ ವಿದೇಶಾಂಗ ಸಚಿವ ಅಮೀರ್ ಖಾನ್ ಮುತ್ತಕಿ ಅವರು ಕತಾರ್ ರಾಜಧಾನಿ ದೋಹಾದಲ್ಲಿ ಅಫ್ಘಾನಿಸ್ತಾನದಲ್ಲಿನ ಅಮೆರಿಕ ವ್ಯವಹಾರಗಳ ಮುಖ್ಯಸ್ಥ ಇಯಾನ್ ಮೆಕ್ಕಾರಿ ಅವರನ್ನು ಬುಧವಾರ ಭೇಟಿಯಾಗಿದ್ದಾರೆ ಎಂದು ಆಫ್ಘನ್ ವಿದೇಶಾಂಗ ಸಚಿವಾಲಯ ತಿಳಿಸಿದೆ. .

ಇಂದು ದೋಹಾದಲ್ಲಿರುವ ಅಫ್ಘಾನಿಸ್ತಾನದ ಅಮೆರಿಕ ಮಿಷನ್ ಮುಖ್ಯಸ್ಥ ಇಯಾನ್ ಮೆಕ್ಕಾರಿ ಮತ್ತು 7 ಸದಸ್ಯರ ನಿಯೋಗ ಇಸ್ಲಾಮಿಕ್ ಎಮಿರೇಟ್ ನ ವಿದೇಶಾಂಗ ಸಚಿವ ಎಚ್.ಇ. ಮೌಲಾವಿ ಅಮೀರ್ ಖಾನ್ ಮುತ್ತಕಿ ಭೇಟಿಯಾಗಿದ್ದಾರೆ ಎಂದು ಸಚಿವಾಲಯದ ವಕ್ತಾರ ಅಬ್ದುಲ್ ಕಹರ್ ಬಾಲ್ಕಿ ಟ್ವೀಟ್ ಮಾಡಿದ್ದಾರೆ.

ಅಧಿಕಾರಿಗಳು ಅಫಘಾನ್-ಅಮೆರಿಕ ಸಂಬಂಧಗಳು ಮತ್ತು ಇತರ ಹಲವಾರು ಸಂಬಂಧಿತ ವಿಷಯಗಳ ಬಗ್ಗೆ ಚರ್ಚಿಸಿದ್ದಾರೆ ಎಂದು ಅವರು ಮುಂದಿನ ಟ್ವೀಟ್‌ನಲ್ಲಿ ಸೇರಿಸಿದ್ದಾರೆ.

ತಾಲಿಬಾನ್ ಕಾಬೂಲ್ ಅನ್ನು ಪ್ರವೇಶಿಸಿದ ಎರಡು ವಾರಗಳ ನಂತರ ಬೇಸಿಗೆಯ ಕೊನೆಯಲ್ಲಿ ಅಫ್ಘಾನಿಸ್ತಾನದಿಂದ ತನ್ನ ಪಡೆಗಳನ್ನು ಹಿಂತೆಗೆದುಕೊಳ್ಳುವಿಕೆಯನ್ನು ಅಮೆರಿಕ ಪೂರ್ಣಗೊಳಿಸಿ ಪಡೆಗಳನ್ನು ಹಿಂತೆಗೆದುಕೊಳ್ಳಲು ಆಗಸ್ಟ್ 31 ಗಡುವನ್ನು ನಿಗದಿಪಡಿಸಿ,  ಅಫ್ಘಾನಿಸ್ತಾನದಲ್ಲಿ ಎರಡು ದಶಕಗಳ ಮಿಲಿಟರಿ ಉಪಸ್ಥಿತಿಯನ್ನು ಕೊನೆಗೊಳಿಸಿತು.

ತಾಲಿಬಾನ್ ಸ್ವಾಧೀನದ ನಂತರ, ವಾಷಿಂಗ್ಟನ್ ಅಫ್ಘಾನ್ ಸೆಂಟ್ರಲ್ ಬ್ಯಾಂಕ್‌ಗೆ ಸೇರಿದ ಸುಮಾರು 9.5 ಶತಕೋಟಿ ಡಾಲರ್ ಆಸ್ತಿಯನ್ನು ಸ್ಥಗಿತಗೊಳಿಸಿತು. ಸೆಪ್ಟೆಂಬರ್ ಮಧ್ಯದಲ್ಲಿ, ಮೊಹಮ್ಮದ್ ಹಸನ್ ಅಖುಂಡ್ ನೇತೃತ್ವದಲ್ಲಿ ಆ ತಿಂಗಳ ಆರಂಭದಲ್ಲಿ ರಚನೆಯಾದ ಆಫ್ಘನ್ ಸರ್ಕಾರವು, ಅಮೆರಿಕಾದಲ್ಲಿ ಅಫ್ಘಾನಿಸ್ತಾನದ ವಿದೇಶಿ ಆಸ್ತಿಗಳಿಗೆ ಪ್ರವೇಶ ಪಡೆಯಲು ಎಲ್ಲಾ ಕಾನೂನು ಕ್ರಮಗಳನ್ನು ಜಾರಿಗೆ ತರಲು ಸಿದ್ಧವಾಗಿದೆ ಎಂದು ಹೇಳಿದೆ.