ಕೊಚ್ಚಿ,ಮಾ 28, ಕೊರೊನಾ ವೈರಸ್ ಸೋಂಕಿನಿಂದ ಕೇರಳದ ಮತ್ತನ್ ಚೇರಿಯಲ್ಲಿ  ವ್ಯಕ್ತಿಯೊಬ್ಬರು ಮೃತಪಟ್ಟಿದ್ದು, ಇದರೊಂದಿಗೆ  ಕೇರಳದಲ್ಲಿ ಮಾರಾಣಂತಿಕ ಸೋಂಕಿನಿಂದ ಮೃತಪಟ್ಟ ಮೊದಲ ಪ್ರಕರಣ ಇದಾಗಿದೆ. ಕೊರೊನಾ ಸೋಂಕಿನಿಂದ  ಬಳಲುತ್ತಿದ್ದ  69 ವರ್ಷದ  ವ್ಯಕ್ತಿ,  ಕೊಚ್ಚಿಯ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ  ಚಿಕಿತ್ಸೆಯ  ವೇಳೆ ಮೃತಪಟ್ಟಿದ್ದಾರೆ.  ಮೃತ ವ್ಯಕ್ತಿಯ ಪತ್ನಿಗೂ  ಸೋಂಕು ತಗುಲಿದ್ದು  ಆಕೆಗೂ ಚಿಕಿತ್ಸೆ ಕಲ್ಪಿಸಲಾಗುತ್ತಿದೆ.ಮೃತ ವ್ಯಕ್ತಿ ಈ ಮೊದಲು  ಹೃದಯ ಬೈಪಾಸ್  ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡಿದ್ದರು. ತೀವ್ರ ರಕ್ತದೊತ್ತಡದಿಂದ ಬಳಲುತ್ತಿದ್ದರು ಎಂದು ಆಸ್ಪತ್ರೆ ಮೂಲಗಳು ಹೇಳಿವೆಮೃತ ವ್ಯಕ್ತಿ  ತನ್ನ ಪತ್ನಿಯೊಂದಿಗೆ  ಮಾರ್ಚ್ 16 ರಂದು  ದುಬೈನಿಂದ  ಕೇರಳಕ್ಕೆ   ಹಿಂದಿರುಗಿದ್ದರು.  ದಂಪತಿಯ ಜತೆ ವಿಮಾನದಲ್ಲಿ ಪ್ರಯಾಣಿಸಿದ್ದ 40 ಮಂದಿಯನ್ನೂ  ಪತ್ತೆ ಹಚ್ಚಿ  ಅವರನ್ನು ಪ್ರತ್ಯೇಕವಾಗಿರಿಸಿ ಅವರ ಆರೋಗ್ಯದ ಮೇಲೆ  ನಿರಂತರ ನಿಗಾವಹಿಸಲಾಗಿದೆದಂಪತಿಗಳನ್ನು ಮಾರ್ಚ್ 22ರಂದು  ಆಸ್ಪತ್ರೆಯ ಐಸೋಲೇಷನ್  ವಾರ್ಡ್ ಗೆ ಸ್ಥಳಾಂತರಿಸಲಾಗಿತ್ತು. ದಂಪತಿಯನ್ನು ವಿಮಾನ ನಿಲ್ದಾಣದಿಂದ  ಮನೆಗೆ ಕರೆತಂದಿದ್ದ  ಕಾರಿನ ಚಾಲಕನಿಗೂ ಕೊರೊನಾ ವೈರಸ್ ಸೋಂಕು ತಗುಲಿದೆ. ಚಾಲಕನೊಂದಿಗೆ ಸಂಪರ್ಕ ಸಾಧಿಸಿದ್ದ 40 ಜನರ ಮೇಲೂ ನಿಗಾವಹಿಸಲಾಗಿದೆ ವ್ಯಕ್ತಿಯ ಮೃತ ದೇಹವನ್ನು  ಶಿಷ್ಟಾಚಾರದಂತೆ ಅಂತ್ಯಕ್ರಿಯೆ ನಡೆಸಲಾಗುವುದು. ಸರ್ಕಾರ ಕಠಿಣ ಮಾರ್ಗಸೂಚಿ ಹೊರಡಿಸಿರುವ ಕಾರಣ ಅಂತ್ಯಕ್ರಿಯೆಯಲ್ಲಿ ಪಾಲ್ಗೊಳ್ಳಲು  ಕುಟುಂಬದ ಕೆಲ ವ್ಯಕ್ತಿಗಳಿಗೆ ಮಾತ್ರ  ಅವಕಾಶ  ಕಲ್ಪಿಸಲಾಗುವುದು ಎಂದು  ಅಧಿಕೃತ ಮೂಲಗಳು ಹೇಳಿವೆ.