ನ್ಯಾಟೋ ರಾಷ್ಟ್ರಗಳಿಗೆ ಎಚ್ಚರಿಕೆ ನೀಡಿದ ಉಕ್ರೇನ್ ಅಧ್ಯಕ್ಷ!
ಕೈವ್: ಮಾರ್ಚ್ 14: ಉಕ್ರೇನಿಯನ್ ಅಧ್ಯಕ್ಷ ವ್ಲೊಡಿಮಿರ್ ಝೆಲೆನ್ಸ್ಕಿ ಅವರಿಂದ ಭಾನುವಾರ ತಡರಾತ್ರಿ ವೀಡಿಯೊ ಸಂದೇಶವನ್ನು ಬಿಡುಗಡೆ ಮಾಡಲಾಗಿದೆ. ಇದರಲ್ಲಿ ಉಕ್ರೇನ್ ಅನ್ನು ನೋ ಫ್ಲೈ ಝೋನ್ ಎಂದು ಘೋಷಿಸಲು ಅವರು ಮತ್ತೊಮ್ಮೆ ನ್ಯಾಟೋ ರಾಷ್ಟ್ರಗಳನ್ನು ಒತ್ತಾಯಿಸಿದ್ದಾರೆ. ಇದರೊಂದಿಗೆ ಎಚ್ಚರಿಕೆಯ ಸಂದೇಶವನ್ನೂ ನ್ಯಾಟೋ ರಾಷ್ಟ್ರಗಳಿಗೆ ರವಾನಿಸಿರುವ ಉಕ್ರೇನ್ ಅಧ್ಯಕ್ಷ ಝೆಲೆನ್ಸ್ಕಿ, ನೀವು ಉಕ್ರೇನ್‌ನ ಆಕಾಶವನ್ನು ಫ್ಲೈ ಝೋನ್ ಎಂದು ಘೋಷಿಸದಿದ್ದರೆ, ಶೀಘ್ರದಲ್ಲೇ ರಷ್ಯಾದ ರಾಕೆಟ್‌ಗಳು ನ್ಯಾಟೋ ಭೂಮಿಯ ಮೇಲೂ ಬೀಳುತ್ತವೆ ಎಂದು ಎಚ್ಚರಿಸಿದ್ದಾರೆ.
ನೋ ಫ್ಲೈಯಿಂಗ್ ಝೋನ್ ಎಂದರೇನು?
ನೋ-ಫ್ಲೈಯಿಂಗ್ ಝೋನ್ ಎಂದರೆ ಯಾವುದೇ ವಿಮಾನ, ಯುದ್ಧ ವಿಮಾನ, ಹೆಲಿಕಾಪ್ಟರ್ ಟೇಕಾಫ್ ಆಗದ ಪ್ರದೇಶ. ಹಲವು ಬಾರಿ ಭದ್ರತಾ ವ್ಯವಸ್ಥೆಯನ್ನು ಗಮನದಲ್ಲಿಟ್ಟುಕೊಂಡು ಸೂಕ್ಷ್ಮ ಪ್ರದೇಶಗಳಿಗೆ ಭದ್ರತೆ ಒದಗಿಸುವುದಾಗಿ ಘೋಷಿಸಲಾಗುತ್ತದೆ. ಇದಲ್ಲದೆ, ಯಾವುದೇ ವಿಶೇಷ ಸಂದರ್ಭದಲ್ಲಿ ನಿರ್ದಿಷ್ಟ ಪ್ರದೇಶವನ್ನು ಹಾರಾಟ ನಿಷೇಧ ವಲಯ ಎಂದು ಘೋಷಿಸಲಾಗುತ್ತದೆ.
ನಿಷೇಧ ವಲಯ ಘೋಷಿಸಲು NATO ಏಕೆ ಬಯಸುತ್ತಿಲ್ಲ?
ಉಕ್ರೇನ್-ರಷ್ಯಾ ಬಿಕ್ಕಟ್ಟಿನ ಮಧ್ಯೆ ಉಕ್ರೇನ್‌ನಲ್ಲಿ ನ್ಯಾಟೋ ನಿಷೇಧಿತ ವಲಯವನ್ನು ಜಾರಿಗೊಳಿಸಲು ಏಕೆ ಹಿಂಜರಿಯುತ್ತಿದೆ? ಯುಎಸ್ ಸೇರಿದಂತೆ ನ್ಯಾಟೋ (ಉತ್ತರ ಅಟ್ಲಾಂಟಿಕ್ ಟ್ರೀಟಿ ಆರ್ಗನೈಸೇಶನ್) ಮಿತ್ರರಾಷ್ಟ್ರಗಳು ಉಕ್ರೇನ್ ಅನ್ನು ಹಾರಾಟ ನಿಷೇಧ ವಲಯ ಎಂದು ಘೋಷಿಸಿದರೆ, ಈಗಾಗಲೇ ನಡೆಯುತ್ತಿರುವ ಉದ್ವಿಗ್ನತೆ ಮತ್ತು ಅತಿಕ್ರಮಣವು ಹೆಚ್ಚಾಗುವ ಸಾಧ್ಯತೆ ಇದೆ. ಅಲ್ಲದೆ, ಮೂರನೇ ಮಹಾಯುದ್ಧದ ಆರಂಭ ಎಂದೆ ನಂಬಲಾಗುತ್ತಿದೆ.
