ಉತ್ತರ ಕೊರಿಯಾದಲ್ಲಿ ಹೊಸ ಸೋಂಕು: 3,50,000 ಮಂದಿಯಲ್ಲಿ ಕಾಣಿಸಿಕೊಂಡ ಲಕ್ಷಣ
ಪ್ಯೊಂಗ್‌ಯಾಂಗ್: ಮೇ 13 : ಉತ್ತರ ಕೊರಿಯಾದಲ್ಲಿ ಅಜ್ಞಾತ ಜ್ವರವು ಸುಮಾರು 350,000 ಜನರನ್ನು ಬಾಧಿಸ ತೊಡಗಿದೆ ಎಂದು ಯೊನ್‌ಹಾಪ್ ಸುದ್ದಿ ಸಂಸ್ಥೆ ಶುಕ್ರವಾರ ಉತ್ತರ ಕೊರಿಯಾದ ರಾಜ್ಯ ಮಾಧ್ಯಮವನ್ನು ಉಲ್ಲೇಖಿಸಿ ವರದಿ ಮಾಡಿದೆ.
ಈ ಹೊಸ ಸೋಂಕಿನ ಕುರಿತು ಉತ್ತರ ಕೊರಿಯಾದಲ್ಲಿ ಭೀತಿ ಆವರಿಸಿದ್ದು, ಇಲ್ಲಿಯವರೆಗೆ 1,62,000 ಕ್ಕೂ ಹೆಚ್ಚು ರೋಗಿಗಳಿಗೆ ಚಿಕಿತ್ಸೆ ನೀಡಲಾಗಿದೆ ಎಂದು ವರದಿಯಾಗಿದೆ.
ಈ ಜ್ವರವು ಕೋವಿಡ್ -19 ಗೆ ಸಂಬಂಧಿಸಿದೆ ಎಂಬುದು ತಿಳಿದಿಲ್ಲ, ಅದರ ಏಕಾಏಕಿ ಪ್ರಸ್ತುತ ಪ್ಯೊಂಗ್ಯಾಂಗ್‌ನಿಂದ ವರದಿಯಾಗಿದ್ದು, ವಿಶ್ವದ ರಾಷ್ಟ್ರಗಳನ್ನು ಬೆಚ್ಚಿಬೀಳಿಸಿದೆ. ಉತ್ತರ ಕೊರಿಯಾದಲ್ಲಿ ಕಳೆದ ಕೆಲವು ದಿನಗಳಲ್ಲಿ 18,000ಕ್ಕೂ ಹೆಚ್ಚು ಕೋವಿಡ್ ಪ್ರಕರಣಗಳು ಪತ್ತೆಯಾಗಿವೆ, ಆರು ಸಾವುಗಳು ಸಂಭವಿಸಿದ್ದು, ಹೊಸ ಸೋಂಕು ಉತ್ತರ ಕೊರಿಯಾ ಅಧಿಕಾರಿಗಳನ್ನು ಕಂಗಾಲು ಮಾಡಿದೆ.
