ಮಾಸ್ಕೋ, ಮೇ 26, ಜಗತ್ತಿನಾದ್ಯಂತ ಕೊರೊನಾ ವೈರಸ್  ಸೋಂಕು ದೃಢಪಟ್ಟ ಪ್ರಕರಣಗಳ ಸಂಖ್ಯೆ 5.3 ದಶಲಕ್ಷ ಗಡಿ ದಾಟಿದ್ದು,  ಕೋವಿಡ್ -19 ಸೋಂಕಿನಿಂದ  ಮೃತಪಟ್ಟವರ ಸಂಖ್ಯೆ  3 ಲಕ್ಷದ 42 ಸಾವಿರಕ್ಕೂ ಮೀರಿದೆ ಎಂದು  ವಿಶ್ವ ಆರೋಗ್ಯ ಸಂಸ್ಥೆ  ಹೇಳಿದೆ.ಜಗತ್ತಿನೆಲ್ಲೆಡೆ  1 ಲಕ್ಷದ 2 ಸಾವಿರದ 790 ಹೊಸ ಸೋಂಕು ಪ್ರಕರಗಳು ವರದಿಯಾಗಿದ್ದು, ಇದರಿಂದ ಒಟ್ಟಾರೆ  ಸೋಂಕು ಪೀಡಿತರ ಸಂಖ್ಯೆ  5,307,298ಕ್ಕೆ ಏರಿದೆ ಎಂದು  ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದೆ. ಈ ಅವಧಿಯಲ್ಲಿ  4,383 ಮಂದಿ ಸಾವನ್ನಪ್ಪಿದ್ದು, ಒಟ್ಟು ಸಾವಿನ ಸಂಖ್ಯೆ  3 ಲಕ್ಷದ 42 ಸಾವಿರ 70ಕ್ಕೆ ಏರಿಕೆಯಾಗಿದೆ. ವಿಶ್ವ ಆರೋಗ್ಯ ಸಂಸ್ಥೆ  ಮಾರ್ಚ್ 11ರಂದು  ಕೋವಿಡ್ -19 ಸೋಂಕು    ಹರಡುವಿಕೆಯನ್ನು ಸಾಂಕ್ರಾಮಿಕ ಎಂದು ಘೋಷಿಸಿತ್ತು.