ಅಫ್ಘಾನ್ ಜನರ ಬೆಂಬಲಕ್ಕಾಗಿ ಜಿ 7 ರಾಷ್ಟ್ರಗಳಿಗೆ ಮನವಿ ಮಾಡಲು ಲಂಡನ್ ಪ್ರಧಾನಿ ನಿರ್ಧಾರ

  ಲಂಡನ್, ಆಗಸ್ಟ್ 24  ಲಂಡನ್ ಪ್ರಧಾನಿ ಬೋರಿಸ್ ಜಾನ್ಸನ್ ಅವರು ಇಂದು ನಡೆಯಲಿರುವ ಅಫ್ಘಾನಿಸ್ತಾನದ ಬ್ಲಾಕ್ ತುರ್ತು ವರ್ಚುವಲ್ ಸಭೆಯ ಅಧ್ಯಕ್ಷತೆ ವಹಿಸಲಿದ್ದು, ಈ ಸಂದರ್ಭದಲ್ಲಿ ಅಫ್ಘಾನ್ ಜನರಿಗೆ ತಮ್ಮ ಬೆಂಬಲವನ್ನು ಹೆಚ್ಚಿಸುವಂತೆ ಗ್ರೂಪ್ ಆಫ್ ಸೆವೆನ್ ಜಿ ನಾಯಕರಲ್ಲಿ ಮನವಿ ಮಾಡಲಿದ್ದಾರೆ.
  ಸುಮಾರು 20 ಸಾವಿರಅಫ್ಘಾನ್ ನಿರಾಶ್ರಿತರನ್ನು ಸ್ಥಳಾಂತರಿಸಲು ಮತ್ತು 286 ಮಿಲಿಯನ್ ಪೌಂಡ್ ಮಾನವೀಯ ನೆರವು ನೀಡಲು ಕೆನಡಾ, ಫ್ರಾನ್ಸ್, ಜರ್ಮನಿ, ಇಟಲಿ, ಜಪಾನ್ ಮತ್ತು ಅಮೆರಿಕ ರಾಷ್ಟ್ರಗಳ ನಾಯಕರನ್ನು ಪ್ರಧಾನಿ ಬೋರಿಸ್ ಜಾನ್ಸನ್ ಕೋರುವ ನಿರೀಕ್ಷೆಯಿದೆ ಎಂದು ಹೇಳಿಕೆಯಲ್ಲಿ ತಿಳಿಸಲಾಗಿದೆ.
  "ನಮ್ಮ ಮೊದಲ ಆದ್ಯತೆ ನಮ್ಮ ನಾಗರಿಕರು ಮತ್ತು ಕಳೆದ 20 ವರ್ಷಗಳಲ್ಲಿ ನಮ್ಮ ಪ್ರಯತ್ನಗಳಿಗೆ ಸಹಾಯ ಮಾಡಿದ ಅಫ್ಘಾನಿಸ್ತಾನವನ್ನು ಸ್ಥಳಾಂತರಿಸುವುದು - ಆದರೆ ನಾವು ಮುಂದಿನ ಹಂತಕ್ಕೆ ಎದುರು ನೋಡುತ್ತಿರುವಾಗ, ಒಂದು ಅಂತಾರಾಷ್ಟ್ರೀಯ ಸಮುದಾಯವಾಗಿ ಒಟ್ಟಾಗಿ ಅತ್ಯಗತ್ಯ ದೀರ್ಘಾವಧಿಗೆ ಜಂಟಿ ವಿಧಾನವನ್ನು ಸಮ್ಮತಿಸಬೇಕಿದೆ " ಎಂದು ಸಭೆಗೆ ಮುಂಚಿತವಾಗಿ ಪ್ರಧಾನಮಂತ್ರಿಯವರು ಹೇಳಿದ್ದರು.
  ರಷ್ಯಾದಲ್ಲಿ ನಿಷೇಧಿತ ಭಯೋತ್ಪಾದಕ ಸಂಘಟನೆಯಾಗಿರುವ ತಾಲಿಬಾನ್,  ಒಂದು ವಾರಗಳ ಸತತ ದಾಳಿಯ ನಂತರ ಆಗಸ್ಟ್ 15 ರಂದು ಕಾಬೂಲ್ ಅನ್ನು ಪ್ರವೇಶಿಸಿತು, ಇದು ಅಮೆರಿಕ ಬೆಂಬಲಿತ ನಾಗರಿಕ ಸರ್ಕಾರದ ಪತನಕ್ಕೆ ಕಾರಣವಾಯಿತು. ಈ ಬೆಳವಣಿಗೆಯಿಂದಾಗಿ ಉಗ್ರಗಾಮಿಗಳ ಪ್ರತೀಕಾರಕ್ಕೆ ಹೆದರಿ ಸಾವಿರಾರು ಜನರು ಅಫ್ಘಾನಿಸ್ತಾನ ದೇಶದಿಂದ ಸ್ಥಳಾಂತರಗೊಳ್ಳುವಂತಾಗಿದೆ.
  ಸೋಮವಾರದ ವೇಳೆಗೆ, ಲಂಡನ್,  ಕಾಬೂಲ್‌ನಿಂದ ಸುಮಾರು 6 ಸಾವಿರ  ಜನರನ್ನು ಸ್ಥಳಾಂತರಿಸಿದೆ. ಆದರೆ ವಿದೇಶಿ ಮಿಲಿಟರಿ ಪಡೆಗಳಿಗಾಗಿ ಕೆಲಸ ಮಾಡಿದ ಹಲವಾರು ಸಾವಿರ ಅಫ್ಘಾನಿಸ್ಥಾನಿಗಳು ತಾಲಿಬಾನ್‌ಗಳು ವಿಸ್ತರಣೆಯನ್ನು ಸ್ವೀಕರಿಸುವುದಿಲ್ಲ ಎಂದು ಎಚ್ಚರಿಸಿದ ನಂತರ ಹಿಂದುಳಿಯುವ ಅಪಾಯವಿದೆ. ಅಫ್ಘಾನಿಸ್ತಾನದಿಂದ ಅಮೆರಿಕ ತನ್ನ ಸೈನ್ಯವನ್ನು ಸಂಪೂರ್ಣವಾಗಿ ಹಿಂತೆಗೆದುಕೊಳ್ಳಲು ಆಗಸ್ಟ್ 31 ಕೊನೆಯ ದಿನವಾಗಿದೆ.