ಅಮೆರಿಕದಲ್ಲಿ ಹೆಚ್ಚಿದ ಕರೋನ ಸೋಂಕು ಪ್ರಕರಣ - ಹೊಸ ನಿರ್ಬಂಧ ಜಾರಿ

ವಾಷಿಂಗ್ಟನ್, 14: ಅಮೆರಿಕದಲ್ಲಿ ಕೊರೋನ ಅತಿವೇಗವಾಗಿ  ಹಬ್ಬತೊಡಗಿದ್ದು , ಕಳೆದ 24 ಗಂಟೆಯಲ್ಲಿ 1ಲಕ್ಷದ ,77 ,ಸಾವಿರಕ್ಕೂ ಹೆಚ್ಚು  ಹೊಸ ಪ್ರಕರಣಗಳು ವರದಿಯಾಗಿದೆ ಎಂದು  ಸ್ಥಳೀಯ ಮಾಧ್ಯಮ ವರದಿ ಮಾಡಿದೆ. ಈ ಕಾರಣಕ್ಕಾಗಿ ಅಮೆರಿಕದಲ್ಲಿ  ಸುತ್ತಿನ ಹೊಸ ನಿರ್ಬಂಧ, ಕಟ್ಟುಪಾಡು    ಜಾರಿಯಾಗತೊಡಗಿದೆ.

ಅಮೆರಿಕದ ಪ್ರತಿ ರಾಜ್ಯದಲ್ಲಿ ಕೊರೋನ  ಸೋಂಕು  ಪ್ರಕರಣ ಹೆಚ್ಚಳವಾಗಿದೆ. ಇದರಲ್ಲಿ ಇಲಿನಾಯ್ಸ್, ಲೋವಾ, ಕಾನ್ಸಾ, ಒಹಿಯೋ ಸೇರಿದಂತೆ ಹತ್ತು ರಾಜ್ಯಗಳಲ್ಲಿ ದಾಖಲೆ ಪ್ರಮಾಣದಲ್ಲಿ ಸೋಂಕು  ವರದಿಯಾಗಿದೆಎಂದು ಹೇಳಲಾಗಿದೆ. ಈ ಕಾರಣಕ್ಕಾಗಿ  ಅಮೆರಿಕದಲ್ಲಿ ಮತ್ತೊಂದು ಸುತ್ತಿನ ಹೊಸ ನಿರ್ಬಂಧ  ಜಾರಿಯಾಗತೊಡಗಿದೆ. 

ಪಶ್ಚಿಮ ವರ್ಜಿನಿಯಾದಲ್ಲಿ ಮೊದಲ ಬಾರಿಗೆ ರಾಜ್ಯಾದ್ಯಂತ ದ ಮಾಸ್ಕ್ ಅನ್ನು ಕಡ್ಡಾಯಗೊಳಿಸಿದೆ. ನ್ಯೂಯಾರ್ಕ್ ನಗರದಲ್ಲಿ ಬಾರ್ - ರೆಸ್ಟೋರೆಂಟ್ ಗಳಿಗೆ ಸಮಯದ ಗಡುವು ಹಾಕಲಾಗಿದೆ. ಕೊರೋನ  ಲಸಿಕೆ ಲಭ್ಯವಾಗುವವರೆಗೂ ಜನತೆ  ಮುಂಜಾಗ್ರತೆ ವಹಿಸುವಂತೆ ತಜ್ಞರು ಎಚ್ಚರಿಕೆ ನೀಡಿದ್ದಾರೆ.