ಹೌತಿ ಕ್ಷಿಪಣಿ ದಾಳಿ: 30 ಮಂದಿ ಸಾವು
ಸನಾ, ನ.01 : ಯೆಮೆನ್ ಪ್ರಾಂತ್ಯದ ಮರಿಬ್‌ನಲ್ಲಿ ಹೌತಿ ಬಂಡುಕೋರರು ನಡೆಸಿದ ವೈಮಾನಿಕ ದಾಳಿಯಲ್ಲಿ ಸುಮಾರು 30 ನಾಗರಿಕರು ಸಾವನ್ನಪ್ಪಿದ್ದು, ಹಲವರು ಗಾಯಗೊಂಡಿದ್ದಾರೆ ಎಂದು ಯೆಮನ್‌ನ ಮಾಹಿತಿ, ಸಂಸ್ಕೃತಿ ಮತ್ತು ಪ್ರವಾಸೋದ್ಯಮ ಸಚಿವ ಮೊಅಮ್ಮರ್ ಅಲ್-ಎರಿಯಾನಿ ಸೋಮವಾರ ತಿಳಿಸಿದ್ದಾರೆ.
"ಇಪ್ಪತ್ತೊಂಬತ್ತು ನಾಗರಿಕರು ಮೃತಪಟ್ಟಿದ್ದು, ಹಲವಾರು ಮಹಿಳೆಯರು ಮತ್ತು ಮಕ್ಕಳು ಸೇರಿದಂತೆ ಗಾಯಗೊಂಡರು" ಎಂದು ಅಲ್-ಎರಿಯಾನಿ ಟ್ವೀಟ್ ಮಾಡಿದ್ದಾರೆ.
ಬಂಡುಕೋರರು ದಕ್ಷಿಣ ಜುಬಾ ಜಿಲ್ಲೆಯ ವಸತಿ ಕ್ವಾರ್ಟರ್ಸ್ ಮೇಲೆ ಎರಡು ಬ್ಯಾಲಿಸ್ಟಿಕ್ ಕ್ಷಿಪಣಿಗಳನ್ನು ಹಾರಿಸಿದರು, ಮಸೀದಿ ಮತ್ತು ಧಾರ್ಮಿಕ ಕೇಂದ್ರವನ್ನೂ ಸಹ ಹೊಡೆದಿದ್ದಾರೆ ಎಂದು ಅಧಿಕೃತ ಸೌದಿ ಬೆಂಬಲಿತ ಸರ್ಕಾರದ ಸಚಿವರು ತಿಳಿಸಿದ್ದಾರೆ.
ಸುಮಾರು ಏಳು ವರ್ಷಗಳಿಂದ ಸರ್ಕಾರಿ ಪಡೆಗಳು ಮತ್ತು ಹೌತಿ ಅನ್ಸಾರ್ ಅಲ್ಲಾ ಚಳವಳಿಯ ನಡುವಿನ ಸಂಘರ್ಷದಿಂದ ಯೆಮೆನ್ ನಲುಗಿದೆ. ಫೆಬ್ರವರಿ 2020 ರಿಂದ, ರಾಜಕೀಯ, ಮಿಲಿಟರಿ ಮತ್ತು ಆರ್ಥಿಕ ಕೇಂದ್ರವಾಗಿರುವ ಪ್ರಾಂತೀಯ ಮೇಲೆ ಹಿಡಿತ ಸಾಧಿಸಲು ಹೌತಿಗಳು ಮಾರಿಬ್‌ನಲ್ಲಿ ಯೆಮೆನ್ ಸೈನ್ಯದ ವಿರುದ್ಧ ಬೃಹತ್ ಪ್ರಮಾಣದ ಕಾರ್ಯಾಚರಣೆಯನ್ನು ನಡೆಸುತ್ತಿದ್ದಾರೆ.
