ರಷ್ಯಾದಲ್ಲಿ ದಾಖಲೆ ಮಟ್ಟದ ಕೊರೊನಾ ಪ್ರಕರಣಗಳು

ಮಾಸ್ಕೋ, ನವೆಂಬರ್ 3:  ವಿಶ್ವದಲ್ಲಿ  ಕೊರೊನಾ ಬಾಧಿತರ  ಸಂಖ್ಯೆ 4.69 ಕೋಟಿ ದಾಟಿದೆ. ಸಾವಿನ ಸಂಖ್ಯೆ 12.06 ಲಕ್ಷ ತಲುಪಿದೆ.  ಸೋಂಕಿನಿಂದ  ಚೇತರಿಸಿಕೊಂಡವರ  ಸಂಖ್ಯೆ 3.38 ಕೋಟಿ  ದಾಟಿದೆ.  ಪ್ರಪಂಚದಲ್ಲಿ  ಪ್ರಸ್ತುತ 1.19 ಕೋಟಿ ಸಕ್ರಿಯ ಪ್ರಕರಣಗಳಿವೆ. ಈ ಪೈಕಿ 85,510  ಮಂದಿ  ಸೋಂಕಿತರ   ಪರಿಸ್ಥಿತಿ ಗಂಭೀರವಾಗಿದೆ.

ಮತ್ತೊಂದು ಕಡೆ  ಕೊರೊನಾಗೆ  ಲಸಿಕೆ   ರೂಪಿಸಿದ್ದೇವೆ  ಎಂದು  ಹೇಳಿಕೊಳ್ಳುತ್ತಿರುವ  ರಷ್ಯಾದಲ್ಲಿ   ದಿನ ದಿನಕ್ಕೂ ಕೊರೊನಾ  ಪ್ರಕರಣಗಳು  ಹೊಸ ದಾಖಲೆ  ಸೃಷ್ಟಿಸುತ್ತಿವೆ. ಭಾನುವಾರ ಒಂದೇ ದಿನ ರಷ್ಯಾದಲ್ಲಿ  ಒಟ್ಟು 18,665 ಕೊರೊನಾ  ಪ್ರಕರಣಗಳು ವರದಿಯಾಗಿವೆ. ಈ ಮೊದಲು, ಅಕ್ಟೋಬರ್ ಕೊನೆಯ ದಿನ  18,140  ಪ್ರಕರಣಗಳು ವರದಿಯಾಗಿದ್ದವು. ಅದಕ್ಕೂ  ಹಿಂದಿನ ದಿನದಲ್ಲಿ 18,183 ಪ್ರಕರಣಗಳು ಪತ್ತೆಯಾಗಿದ್ದವು.  ಬ್ರೆಜಿಲ್ ನಲ್ಲಿ  ಕಳೆದ 24 ಗಂಟೆಗಳಲ್ಲಿ 190 ಜನರು  ಕೊರೊನಾದಿಂದ  ಸಾವನ್ನಪ್ಪಿದ್ದಾರೆ ಇದರಿಂದ  ಬ್ರೆಜಿಲ್‌ನಲ್ಲಿ ಒಟ್ಟು ಸಾವಿನ ಸಂಖ್ಯೆ 1,60,074 ಕ್ಕೆ ತಲುಪಿದೆ.