ಜರ್ಮನ್ ಇಂಧನ ಸಚಿವ ಆಸ್ಪತ್ರೆಗೆ ದಾಖಲು
ಬರ್ಲಿನ್, ಸೆ. 07 ಜರ್ಮನ್ ಹಣಕಾಸು ಮತ್ತು ಇಂಧನ ಸಚಿವ ಪೀಟರ್ ಆಲ್ಟ್ಮೇರ್ ಆಸ್ಪತ್ರೆಗೆ ದಾಖಲಾಗಿದ್ದಾರೆ.
ಬುಂಡೆಸ್ಟ್ಯಾಗ್ ಸಮಿತಿಯ ಸಭೆಯಲ್ಲಿ ಪಾಲ್ಗೊಂಡಿದ್ದ ಅವರನ್ನು ಅಲ್ಲಿಂದ ನೇರವಾಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆದರೆ ಅವರನ್ನು ಆಸ್ಪತ್ರೆಗೆ ದಾಖಲಿಸಬೇಕಾದ ಸಂದರ್ಭದ ನಿಖರವಾದ ಕಾರಣ ತಿಳಿದಿಲ್ಲ ಎಂದು ಬಿಲ್ಡ್ ಪತ್ರಿಕೆ ಮೂಲಗಳನ್ನು ಉಲ್ಲೇಖಿಸಿ ವರದಿ ಮಾಡಿದೆ.
63 ವರ್ಷದ ಮಂತ್ರಿ ಬರ್ಲಿನ್‌ನ ರಿಟ್ಜ್-ಕಾರ್ಲ್ಟನ್ ಹೋಟೆಲ್‌ನಲ್ಲಿ ಬುಂಡೆಸ್ಟ್ಯಾಗ್ ಆರ್ಥಿಕ ಸಮಿತಿಯ ಸಭೆಯಲ್ಲಿ ಭಾಗವಹಿಸಿದ್ದರು. ಸ್ಥಳೀಯ ಸಮಯ ಸುಮಾರು 9 ಗಂಟೆಗೆ ಆಂಬ್ಯುಲೆನ್ಸ್ ಅವರನ್ನು ಚರಿಟ್ ಕ್ಲಿನಿಕ್‌ಗೆ ಕರೆದುಕೊಂಡು ಹೋಯಿತು.
ಸಭೆಗೆ ಮುಂಚೆಯೇ, ಆಲ್ಟ್ಮೇರ್ ಅವರು ಅನಾರೋಗ್ಯದಿಂದ ಬಳಲುತ್ತಿದ್ದರು. ಮಾತನಾಡುವುದಕ್ಕೂ ಕಷ್ಟವಾಗುತ್ತಿತ್ತು ಎಂದು ಹೇಳಲಾಗುತ್ತಿದೆಯಾದರೂ, ನಿಖರವಾದ ಕಾರಣ ಇನ್ನೂ ಸ್ಪಷ್ಟವಾಗಿಲ್ಲ.
