ಕಲ್ಲಿದ್ದಲು ಬಳಕೆ ಅಂತ್ಯಗೊಳಿಸುವ ಬಗ್ಗೆ ಮತ್ತಷ್ಟು ಅಸ್ಪಷ್ಟತೆ

ಗ್ಲಾಸ್ಗೋ, ನ 14:ಜಾಗತಿಕ ತಾಪಮಾನ ಏರಿಕೆ     ಎದುರಿಸಲು   ಕೈಗೊಳ್ಳಬೇಕಾದ   ಕ್ರಮಗಳ  ಕುರಿತು ವಿಶ್ವಸಂಸ್ಥೆಯ ಹವಾಮಾನ ಬದಲಾವಣೆ ಸಮ್ಮೇಳನ  ಅಂತಿಮ  ನಿರ್ಧಾರಕ್ಕೆ ಬಂದಿಲ್ಲ.  ಗ್ಲ್ಯಾಸ್ಗೋದಲ್ಲಿ   COP-26  ಹವಾಮಾನ ಸಮ್ಮೇಳನ  ಸಮಾಪನದ   ಹೊರತಾಗಿಯೂ,  ಹೊಸ  ಪ್ರಸ್ತಾಪಗಳು ಇನ್ನೂ ಹೊರಹೊಮ್ಮುತ್ತಿವೆ.  ವಿಶೇಷವಾಗಿ ಕಲ್ಲಿದ್ದಲು  ಹಾಗೂ  ಮುಗಿದು ಹೋಗುವ   ಇಂಧನಗಳ ಬಳಕೆ   ಅಂತ್ಯಗೊಳಿಸಲು ವಿಶ್ವ ಸಮುದಾಯಕ್ಕೆ ಕರೆ ನೀಡುವ ಸಲಹೆಗಳನ್ನು ಪರಿಶೀಲಿಸುತ್ತಿದೆ  ಎಂದು  ಶನಿವಾರ ಬಿಡುಗಡೆ ಮಾಡಿದ  ಕರಡು ಹೇಳಿಕೆ ಸ್ಪಷ್ಟಪಡಿಸಿದೆ.  COP-26  ನಿರ್ಣಯಗಳನ್ನು  197 ದೇಶಗಳು ಸರ್ವಾನುಮತದಿಂದ ಅನುಮೋದಿಸಬೇಕಾಗಿದೆ.

ಆಗ ಮಾತ್ರ  ಅವುಗಳು    ಕಾರ್ಯರೂಪಕ್ಕೆ ಬರಲಿವೆ .  ಹಾಗಾಗಿ   ಶೃಂಗಸಭೆ ಮುಗಿದ   ನಂತರವೂ,    ದೊಡ್ಡ ದೇಶಗಳು ಸಂಧಾನ  ಪ್ರಕ್ರಿಯೆಯನ್ನು ಮುಂದುವರೆಸುತ್ತವೆ.  COP- 26 ಶೃಂಗಸಭೆಯ ಅಧ್ಯಕ್ಷತೆ ವಹಿಸಿದ್ದ ಬ್ರಿಟಿಷ್  ಸಚಿವ    ಭಾರತೀಯ ಮೂಲದ  ಅಲೋಕ್ ಶರ್ಮಾ ಅವರು , ಹವಾಮಾನ ಬದಲಾವಣೆ  ಸಮಸ್ಯೆಗೆ  ವಿಶ್ವದ ರಾಷ್ಟ್ರಗಳು  ಉತ್ತಮ ಪರಿಹಾರ  ಕಂಡುಕೊಳ್ಳುತ್ತವೆ ಎಂದು ಆಶಿಸಿದ್ದಾರೆ.    ಇದುವರೆಗಿನ ಬಂದಿರುವ   ಯಾವುದೇ ಪ್ರಸ್ತಾಪಗಳು ಜಾಗತಿಕ ತಾಪಮಾನ ಏರಿಕೆಯನ್ನು ತಡೆಯಲು ಸಾಧ್ಯವಿಲ್ಲ,  COP-26 ನಲ್ಲಿ  ಮತ್ತಷ್ಟು   ಕಠಿಣ ಕ್ರಮಗಳನ್ನು ತೆಗೆದುಕೊಳ್ಳಬೇಕಾಗಿದೆ ಎಂದು ತಜ್ಞರು  ನಂಬುತ್ತಾರೆ.