ಈಕ್ವೆಡಾರ್; ಜೈಲಿನಲ್ಲಿ ಘರ್ಷಣೆ.. 68 ಕೈದಿಗಳ ಸಾವು
ಕ್ವಿಟೊ, ನ 15 - ಈಕ್ವೆಡಾರ್ ದೇಶದ ಜೈಲಿನಲ್ಲಿ ಎರಡು ಗ್ಯಾಂಗ್‌ಗಳ ನಡುವೆ ನಡೆದ ಭೀಕರ ಘರ್ಷಣೆಯಲ್ಲಿ 68 ಕೈದಿಗಳು ಸಾವನ್ನಪ್ಪಿದ್ದಾರೆ. ಇನ್ನೂ 25 ಮಂದಿ ಗಾಯಗೊಂಡಿದ್ದಾರೆ. ಕರಾವಳಿ ನಗರವಾದ ಗುವಾಕ್ವಿಲ್ ನಲ್ಲಿ ಈ ಘಟನೆ ನಡೆದಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಅಂತರಾಷ್ಟ್ರೀಯ ಡ್ರಗ್ಸ್ ಗ್ಯಾಂಗ್ ಜೊತೆ ಸಂಬಂಧ ಹೊಂದಿರುವ ಎರಡು ತಂಡಗಳ ನಡುವೆ ಸುಮಾರು 8 ಗಂಟೆಗಳ ಕಾಲ ಘರ್ಷಣೆ ನಡೆದಿದೆ. ಬಂದೂಕುಗಳಿಂದ ಗುಂಡಿನ ದಾಳಿ ನಡೆದಿದೆ ಎಂದು ವರದಿಯಾಗಿದೆ. ಕೊನೆಗೂ ಮಧ್ಯ ಪ್ರವೇಶಿಸಿದ ಜೈಲು ಅಧಿಕಾರಿಗಳು ಪರಿಸ್ಥಿತಿಯನ್ನು ಹತೋಟಿಗೆ ತಂದಿದ್ದಾರೆ.
