ದೇವಜಿತ್ ಸೈಕಿಯಾ ಬಿಸಿಸಿಐ ಕಾರ್ಯದರ್ಶಿಯಾಗಿ ಆಯ್ಕೆ

ನವದೆಹಲಿ 12: ಇಂದು ನಡೆದ ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿಯ  ವಿಶೇಷ ಸಾಮಾನ್ಯ ಸಭೆಯಲ್ಲಿ  ದೇವಜಿತ್ ಸೈಕಿಯಾ ಮತ್ತು ಪ್ರಭತೇಜ್ ಸಿಂಗ್ ಭಾಟಿಯಾ ಅವರನ್ನು ಕ್ರಮವಾಗಿ ಬಿಸಿಸಿಐ ಕಾರ್ಯದರ್ಶಿ ಮತ್ತು ಖಜಾಂಚಿಯಾಗಿ ಅಧಿಕೃತವಾಗಿ ಆಯ್ಕೆ ಮಾಡಲಾಗಿದೆ. ಬಿಸಿಸಿಐ ಚುನಾವಣಾ ಅಧಿಕಾರಿ ಮತ್ತು ಭಾರತದ ಮಾಜಿ ಮುಖ್ಯ ಚುನಾವಣಾ ಆಯುಕ್ತ  ಅಚಲ್ ಕುಮಾರ್ ಜ್ಯೋತಿ ಅವರು ಪಟ್ಟಿಯನ್ನು ಅಂತಿಮಗೊಳಿಸಿದ್ದು ಖಾಲಿ ಇರುವ ಹುದ್ದೆಗಳಿಗೆ ಸೈಕಿಯಾ ಮತ್ತು ಪ್ರಭತೇಜ್ ಮಾತ್ರ ಕಣದಲ್ಲಿದ್ದರು.

ಡಿಸೆಂಬರ್ 1ರಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿಯ ಅಧ್ಯಕ್ಷರಾಗಿ ಜಯ್ ಶಾ ಅಧಿಕಾರ ವಹಿಸಿಕೊಂಡಾಗಿನಿಂದ ಸೈಕಿಯಾ ಬಿಸಿಸಿಐನ ಹಂಗಾಮಿ ಕಾರ್ಯದರ್ಶಿಯಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಬಿಸಿಸಿಐ ಸಂವಿಧಾನದ ಪ್ರಕಾರ, ಯಾವುದೇ ಖಾಲಿ ಹುದ್ದೆಯನ್ನು 45 ದಿನಗಳಲ್ಲಿ ಎಸ್‌ಜಿಎಂ ಕರೆಯುವ ಮೂಲಕ ಭರ್ತಿ ಮಾಡಬೇಕು. ಇನ್ನು 43ನೇ ದಿನಕ್ಕೆ ಆಯ್ಕೆ ಪ್ರಕ್ರಿಯೆ ಮುಗಿಸಲಾಗಿದೆ.

ಇದಕ್ಕೂ ಮೊದಲು, ಆಶಿಶ್ ಶೆಲಾರ್ ಬಿಸಿಸಿಐನ ಖಜಾಂಚಿಯಾಗಿದ್ದರು ಆದರೆ ಮಹಾರಾಷ್ಟ್ರ ಸರ್ಕಾರದಲ್ಲಿ ಕ್ಯಾಬಿನೆಟ್ ಸಚಿವರಾಗಿ ಪ್ರಮಾಣ ವಚನ ಸ್ವೀಕರಿಸಿದ ನಂತರ ಆ ಹುದ್ದೆಯನ್ನು ತೊರೆದರು. ಇದಾದ ನಂತರವೇ ಭಾಟಿಯಾ ಖಜಾಂಚಿ ಹುದ್ದೆಗೆ ನಾಮಪತ್ರ ಸಲ್ಲಿಸಿದರು.

ಈ ಇಬ್ಬರು ಪದಾಧಿಕಾರಿಗಳ ಆಯ್ಕೆಯು ಎಸ್‌ಜಿಎಂನ ಪ್ರಮುಖ ಕಾರ್ಯಸೂಚಿಯಾಗಿದೆ. ಐಸಿಸಿ ಅಧ್ಯಕ್ಷ ಶಾ ಅವರು ವಿಶೇಷ ಆಹ್ವಾನಿತರಾಗಿ ಸಭೆಯಲ್ಲಿ ಭಾಗವಹಿಸಲಿದ್ದಾರೆ. ಈ ಸಮಯದಲ್ಲಿ, ಬಿಸಿಸಿಐನ ರಾಜ್ಯ ಘಟಕಗಳು ಸಹ ಅವರನ್ನು ಗೌರವಿಸುತ್ತವೆ. ಕಳೆದ ತಿಂಗಳು ಗ್ರೆಗ್ ಬಾರ್ಕ್ಲೇ ಅವರನ್ನು ಐಸಿಸಿ ಮುಖ್ಯಸ್ಥರನ್ನಾಗಿ ಶಾ ನೇಮಿಸಿದ್ದರು.

ಕಾರ್ಯದರ್ಶಿಯಾದ ಕೂಡಲೇ ಸೈಕಿಯಾ ಅವರು ಆಸ್ಟ್ರೇಲಿಯಾ ವಿರುದ್ಧದ ಬಾರ್ಡರ್-ಗಾವಸ್ಕರ್ ಟ್ರೋಫಿಯಲ್ಲಿ ಭಾರತದ ಪ್ರದರ್ಶನದ ಬಗ್ಗೆ ಮಂಡಳಿಯ ಚರ್ಚೆಯಲ್ಲಿ ಬಿಸಿಸಿಐ ಅಧ್ಯಕ್ಷ ರೋಜರ್ ಬಿನ್ನಿ ಅವರೊಂದಿಗೆ ಸಭೆಯಲ್ಲಿ ಭಾಗವಹಿಸಿದ್ದಾರೆ. ನಾಯಕ ರೋಹಿತ್ ಶರ್ಮಾ ಮತ್ತು ಕೋಚ್ ಗೌತಮ್ ಗಂಭೀರ್ ಸಭೆಯಲ್ಲಿ

ಅಸ್ಸಾಂ ಮೂಲದ ದೇವಜಿತ್ ಸೈಕಿಯಾ ಕ್ರಿಕೆಟ್, ಕಾನೂನು ಮತ್ತು ಆಡಳಿತ ಕ್ಷೇತ್ರದಲ್ಲಿ ವೃತ್ತಿಜೀವನವನ್ನು ಒಳಗೊಂಡಂತೆ ಬಹುಮುಖಿ ಹಿನ್ನೆಲೆಯನ್ನು ಹೊಂದಿದ್ದಾರೆ. ಮಾಜಿ ಪ್ರಥಮ ದರ್ಜೆ ಕ್ರಿಕೆಟಿಗರಾಗಿ, ಸೈಕಿಯಾ 1990 ಮತ್ತು 1991 ರ ನಡುವೆ ನಾಲ್ಕು ಪಂದ್ಯಗಳನ್ನು ಆಡಿದರು. ವಿಕೆಟ್ ಕೀಪರ್ ಆಗಿ ಸೈಕಿಯಾ ಆಡಿದ್ದರು.

ಕ್ರಿಕೆಟ್ ಜೀವನದ ನಂತರ, ಸೈಕಿಯಾ ಕಾನೂನು ವೃತ್ತಿಗೆ ತೆರಳಿದರು. ಅವರು 28 ನೇ ವಯಸ್ಸಿನಲ್ಲಿ ಗುವಾಹಟಿ ಹೈಕೋರ್ಟ್‌ನಲ್ಲಿ ವಕೀಲರಾಗಿ ಅಭ್ಯಾಸ ಮಾಡಲು ಪ್ರಾರಂಭಿಸಿದರು. ಕಾನೂನು ವೃತ್ತಿಜೀವನಕ್ಕೆ ಮುಂಚಿತವಾಗಿ, ಅವರು ಕ್ರೀಡಾ ಕೋಟಾಗಳ ಮೂಲಕ ಉತ್ತರ ಗಡಿನಾಡು ರೈಲ್ವೆ ಮತ್ತು ಭಾರತೀಯ ರಿಸರ್ವ್ ಬ್ಯಾಂಕ್ (ಆರ್‌ಬಿಐ) ನಲ್ಲಿ ಉದ್ಯೋಗಗಳನ್ನು ಗಳಿಸಿದ್ದರು.

2016ರಲ್ಲಿ ಕ್ರಿಕೆಟ್‌ ಆಡಳಿತಕ್ಕೆ ಸೈಕಿಯಾ ಬಂದರು. ಅಸ್ಸಾಂ ಕ್ರಿಕೆಟ್‌ ಮಂಡಳಿಯ ಆರು ಮಂದಿ ಉಪಾಧ್ಯಕ್ಷರಲ್ಲಿ ಸೈಕಿಯಾ ಒಬ್ಬರಾಗಿದರು.