ಹೈಟಿಯಲ್ಲಿ 8 ಟರ್ಕಿಶ್ ನಾಗರಿಕರ ಅಪಹರಣ
ಪೋರ್ಟ್-ಔ-ಪ್ರಿನ್ಸ್: ಮೇ 09: ಮಹಿಳೆಯರು ಸೇರಿದಂತೆ ಎಂಟು ಟರ್ಕಿಶ್ ನಾಗರಿಕರನ್ನು ಹೈಟಿಯಲ್ಲಿ ಅಪಹರಿಸಲಾಗಿದೆ. ಭಾನುವಾರ ಮಧ್ಯಾಹ್ನ ಕ್ರೊಯಿಕ್ಸ್-ಡೆಸ್-ಬೊಕೆಟ್ಸ್‌ನಲ್ಲಿ ಟರ್ಕಿಯ ನಾಗರಿಕರು ಡೊಮಿನಿಕನ್ ರಿಪಬ್ಲಿಕ್-ಹೈಟಿ ಮಾರ್ಗದಲ್ಲಿ ಬಸ್‌ನಲ್ಲಿ ಪ್ರಯಾಣಿಸುತ್ತಿದ್ದಾಗ ಅಪಹರಣ ನಡೆದಿದೆ ಎಂದು ಹೈಟಿ24 ಪೋರ್ಟಲ್ ವರದಿ ಮಾಡಿದೆ.
ಪೋರ್ಟಲ್ ಪ್ರಕಾರ, ಈ ಅಪಹರಣ ಪ್ರಕರಣವನ್ನು ಐವ್ಸ್ ಮೇರಿ ಚಾನೆಲ್ ದೃಢಪಡಿಸಿದೆ. ಅಲ್ಲದೆ, ಈ ಬಗ್ಗೆ ಹೈಟಿ ಸರ್ಕಾರಕ್ಕೆ ತಿಳಿದಿದೆ ಎಂದು ಮಾಹಿತಿ ನೀಡಿದೆ.
ಕಳೆದ ತಿಂಗಳ ಕೊನೆಯಲ್ಲಿ ಡೊಮಿನಿಕನ್ ಗಣರಾಜ್ಯದ ರಾಯಭಾರ ಕಚೇರಿಯಲ್ಲಿ ಕೃಷಿ ಸಲಹೆಗಾರ ಕಾರ್ಲೋಸ್ ಗಿಲ್ಲೆನ್ ಟಾಟಿಸ್ ಅವರನ್ನು ಹೈಟಿಯ ಇದೇ ಪ್ರದೇಶದಲ್ಲಿ ಅಪಹರಣ ಮಾಡಲಾಗಿತ್ತು. ಬಳಿಕ ಅವರನ್ನು ಬಿಡುಗಡೆ ಮಾಡಲಾಯಿತು.
