ಬೀಜಿಂಗ್, ಮಾರ್ಚ್ 30,ಚೀನಾದ ಮುಖ್ಯ ಭೂಭಾಗದಲ್ಲಿ 31 ಹೊಸ ಕೊರೋನಾ ವೈರಕೋಸ್ ಪ್ರಕರಣಗಳನ್ನು ಇಲ್ಲಿನ ಆರೋಗ್ಯ ಪ್ರಾಧಿಕಾರವು ಸೋಮವಾರ ವರದಿ ಮಾಡಿದೆ. ಇದರಲ್ಲಿ 30 ವಿದೇಶದಿಂದ ಬಂದ ಪ್ರಕರಣಗಳಾಗಿವೆ.ಇಲ್ಲಿನ ಗನ್ಸು ಪ್ರಾಂತ್ಯದಲ್ಲಿ ಹೊಸ ದೇಶೀ ಪ್ರಕರಣ ವರದಿಯಾಗಿದೆ. ಭಾನುವಾರವೂ, ಹುಬೈ ಪ್ರಾಂತ್ಯದಲ್ಲಿ ಸೋಂಕಿನಿಂದ ನಾಲ್ವರು ಸಾವನ್ನಪ್ಪಿದ್ದಾರೆ. 17 ಹೊಸ ಶಂಕಿತ ಪ್ರಕರಣಗಳನ್ನು ಈ ಪ್ರಾಂತ್ಯದಲ್ಲಿ ರಾಷ್ಟ್ರೀಯ ಆರೋಗ್ಯ ಆಯೋಗ ವರದಿ ಮಾಡಿದೆ.ಭಾನುವಾರ ಸೋಂಕಿನಿಂದ ಚೇತರಿಸಿಕೊಂಡ 322 ಜನರನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದ್ದು, ಇದರಿಂದಾಗಿ ಸೋಂಕಿತ ಪ್ರಕರಣಗಳ ಸಂಖ್ಯೆ 109 ರಷ್ಟು ಇಳಿದು 633 ಕ್ಕೆ ತಲುಪಿದೆ.
ಭಾನುವಾರ, ಮುಖ್ಯ ಭೂಭಾಗದಲ್ಲಿ ಹೊರಗಡೆಯಿಂದ ಬಂದ ಒಟ್ಟು 723 ಪ್ರಕರಣಗಳು ವರದಿಯಾಗಿದ್ದು, ಯಾವುದೇ ಸಾವು ಸಂಭವಿಸಿಲ್ಲ. ಇದರಲ್ಲಿ 93 ಮಂದಿ ಚೇತರಿಸಿಕೊಂಡಿದ್ದು, ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ. 630 ಮಂದಿ ಗಂಭೀರ ಸ್ಥಿತಿಯಲ್ಲಿದ್ದ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಆಯೋಗ ತಿಳಿಸಿದೆ.
ಮುಖ್ಯ ಭೂಭಾಗದಲ್ಲಿ ಭಾನುವಾರದ ಅಂತ್ಯದ ವೇಳೆಗೆ ಸೋಂಕಿನ ದೃಢಪಟ್ಟ ಪ್ರಕರಣಗಳು 81,470 ಕ್ಕೆ ತಲುಪಿದ್ದು, ಇನ್ನೂ ಚೇತರಿಸಿಕೊಂಡ 2,396 ರೋಗಿಗಳು ಆಸ್ಪತ್ರೆಯಿಂದ ಬಿಡುಗಡೆಯಾಗಿದ್ದಾರೆ. 75,770 ರೋಗಿಗಳು ಚಿಕಿತ್ಸೆ ಪಡೆಯುತ್ತಿದ್ದರೆ, 3,304 ಜನರು ಸೋಂಕಿನಿಂದ ಸಾವನ್ನಪ್ಪಿದ್ದಾರೆ.
168 ಜನರಿಗೆ ಇನ್ನೂ ವೈರಸ್ ಸೋಂಕು ತಗುಲಿದೆಯೆಂದು ಶಂಕಿಸಲಾಗಿದ್ದು, ಅವರಲ್ಲದೆ65 ಮಂದಿ ವಿದೇಶದಿಂದ ಬಂದವರು ಎಂದು ಆಯೋಗ ಹೇಳಿದೆ.
ಭಾನುವಾರದ ಅಂತ್ಯದ ವೇಳೆಗೆ, ಹಾಂಗ್ ಕಾಂಗ್ ವಿಶೇಷ ಆಡಳಿತ ಪ್ರದೇಶದಲ್ಲಿ (ಎಸ್ಎಆರ್) ನಾಲ್ಕು ಸಾವುಗಳು ಸೇರಿದಂತೆ 641 ಪ್ರಕರಣಗಳು, ಮಕಾವೊ ಎಸ್ಎಆರ್ನಲ್ಲಿ 38 ದೃಢಪಟ್ಟ ಪ್ರಕರಣಗಳು ಮತ್ತು ಮೂರು ಸಾವುಗಳು ಸೇರಿದಂತೆ ತೈವಾನ್ನಲ್ಲಿ 298 ಪ್ರಕರಣಗಳು ವರದಿಯಾಗಿವೆ.ಚೇತರಿಸಿಕೊಂಡ ನಂತರ ಹಾಂಗ್ ಕಾಂಗ್ನಲ್ಲಿ ಒಟ್ಟು 118, ಮಕಾವೊದಲ್ಲಿ 10 ಮತ್ತು ತೈವಾನ್ನಲ್ಲಿ 39 ರೋಗಿಗಳನ್ನು ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗಿದೆ.