ಭಾರತ- ಚೀನಾ ಸೇನಾ ಕಮಾಂಡರ್‌ ಗಳ 13ನೇ ಸುತ್ತಿನ ಮಾತುಕತೆ
ಲೇಹ್‌, ಅ 10: ಪೂರ್ವ ಲಡಾಕ್‌ ನ ವಾಸ್ತನ ನಿಯಂತ್ರಣ ರೇಖೆ ( ಎಲ್‌ ಎ ಸಿ) ಗುಂಟ ಉದ್ಬವವಾಗಿರುವ ಉದ್ವಿಗ್ನತೆ ಪರಿಸ್ಥಿತಿಯನ್ನು ಶಮನಗೊಳಿಸುವ ಭಾಗವಾಗಿ ಭಾರತ- ಚೀನಾದ ಸೇನಾ ಕಮಾಂಡರ್‌ಗಳ ಮಟ್ಟದ 13ನೇ ಸುತ್ತಿನ ಸಂಧಾನ ಸಭೆ ಇಂದು ಆರಂಭಗೊಳ್ಳಲಿದೆ.
ಚೀನಾ ಕಡೆಯ ಎಲ್‌ ಎ ಸಿ ಯಲ್ಲಿರುವ ಮೊಲ್ಡಾದಲ್ಲಿ ಈ ಮಾತುಕತೆ ಬೆಳಗ್ಗೆ 10.30ಕ್ಕೆ ಆರಂಭಗೊಳ್ಳಲಿವೆ ಎಂದು ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಪೂರ್ವ ಲಡಾಕ್‌ ವಾಸ್ತವ ನಿಯಂತ್ರಣ ರೇಖೆಯ ಹಾಟ್‌ ಸ್ಪ್ರಿಂಗ್ಸ್‌ ನಲ್ಲಿ ನಿಯೋಜಿಸಲಾಗಿರುವ ಸೇನಾಪಡೆಗಳನ್ನು ಉಭಯ ದೇಶಗಳ ಪಡೆಗಳು ಹಿಂಪಡೆದುಕೊಳ್ಳುವ ಕುರಿತು ಸೇನಾ ಕಮಾಂಡರ್‌ ಮ ಟ್ಟದ ಮಾತುಕತೆಗಳು ನಡೆಯಲಿವೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಕಳೆದ 17 ತಿಂಗಳಿಂದ ನಡೆಯುತ್ತಿರುವ ಬಿಕ್ಕಟ್ಟು ಶಮನ ಯತ್ನದ ಭಾಗವಾಗಿ ಭಾನುವಾರ ಮತ್ತೊಂದು ಪ್ರಯತ್ನ ನಡಯುತ್ತಿದೆ. ಚಳಿಗಾಲ ಆರಂಭಗೊಳ್ಳಲಿರುವ ಹಿನ್ನಲೆಯಲ್ಲಿ ಉಭಯ ದೇಶಗಳ ನಡುವೆ ನಡೆಯಲಿರುವ ಈ ಸಭೆ ಮಹತ್ವ ಪಡೆದುಕೊಂಡಿದೆ.
