ಕಾಂಗೋ ಮೇಲೆ ಎಡಿಎಫ್ ಉಗ್ರರ ದಾಳಿ;10 ಸಾವು, 25 ಮಂದಿ ನಾಪತ್ತೆ
ಮಾಸ್ಕೋ, ಸೆ 2: ಪ್ರಜಾಸತ್ತಾತ್ಮಕ ಗಣತಂತ್ರ ದೇಶ ಕಾಂಗೋ (ಡಿಆರ್ ಕಾಂಗೋ) ಈಶಾನ್ಯ ಭಾಗದ ಮೇಲೆ ಮಿತ್ರರಾಷ್ಟ್ರ ಪ್ರಜಾಪ್ರಭುತ್ವ ಪಡೆಗಳ (ಎಡಿಎಫ್) ಉಗ್ರರು ದಾಳಿ ನಡೆಸಿದ್ದು, ಕನಿಷ್ಠ 10 ಮಂದಿ ಸಾವನ್ನಪ್ಪಿದ್ದಾರೆ ಮತ್ತು 25 ಜನರು ನಾಪತ್ತೆಯಾಗಿದ್ದಾರೆ ಎಂದು ವರದಿಯಾಗಿದೆ.
ಒಕಾಪಿ ರೇಡಿಯೋ ಬ್ರಾಡ್‌ಕಾಸ್ಟರ್ ಪ್ರಕಾರ, ಉಗ್ರರು ಇಟುರಿ ಪ್ರಾಂತ್ಯದ ವಾಹನಗಳ ಮೇಲೆ ದಾಳಿ ನಡೆಸಿದರು. ಈ ಸಂದರ್ಭದಲ್ಲಿ ದಾಳಿಕೋರರು 14 ವಾಹನಗಳನ್ನು ಸುಟ್ಟುಹಾಕಿದರು ಮತ್ತು 25 ಜನರನ್ನು ಒತ್ತೆಯಾಳುಗಳಾಗಿ ಇಟ್ಟುಕೊಂಡಿದ್ದಾರೆ ಎನ್ನಲಾಗಿದೆ.
ಎಡಿಎಫ್ ದಂಗೆಕೋರರು ಡಿಆರ್ ಕಾಂಗೋ ಮತ್ತು ನೆರೆಯ ಉಗಾಂಡಾದಲ್ಲಿ ನಿರಂತರವಾಗಿ ದಾಳಿ ನಡೆಸುತ್ತಿದ್ದಾರೆ. 1990ರಲ್ಲಿ ಸರ್ಕಾರದ ವಿರುದ್ಧ ಹೋರಾಡಲು ರಚನೆಯಾದ ಈ ಗುಂಪನ್ನು ಉಗಾಂಡಾದಲ್ಲಿ ಬಂಡಾಯ ಗುಂಪನ್ನು ಭಯೋತ್ಪಾದಕ ಸಂಘಟನೆ ಎಂದು ಗುರುತಿಸಲಾಗಿದೆ.
2017 ರಲ್ಲಿ, ಇದು ರಷ್ಯಾದಲ್ಲಿ ನಿಷೇಧಿಸಲ್ಪಟ್ಟ ಇಸ್ಲಾಮಿಕ್ ಸ್ಟೇಟ್ ಭಯೋತ್ಪಾದಕ ಗುಂಪಿಗೆ ತನ್ನ ಬೆಂಬಲ ಘೋಷಿಸಿತ್ತು.
