ಅಮೆರಿಕಾದಲ್ಲಿ ಒಂದೇ ದಿನ ಸಾವಿರ ಕೊರೊನಾ ಸಾವುಗಳು .. !

ವಾಷಿಂಗ್ಟನ್, ಆಗಸ್ಟ್‌ 19:  ವಿಶ್ವದ  ದೊಡ್ಡಣ್ಣ   ಅಮೆರಿಕಾದಲ್ಲಿ ಮತ್ತೊಮ್ಮೆ  ಕೊರೊನಾ ಸಾಂಕ್ರಾಮಿಕ  ಉಲ್ಬಣಗೊಳ್ಳುತ್ತಿದೆ.   ವೇಗವಾಗಿ ಹರಡುತ್ತಿರುವ  ಡೆಲ್ಟಾ ರೂಪಾಂತರದಿಂದಾಗಿ    ಈಗಾಗಲೇ   ಕೊರೊನಾ    ಪ್ರಕರಣಗಳು  ಹೆಚ್ಚಾಗುತ್ತಿವೆ.  ಕಳೆದ ತಿಂಗಳಿಗೆ ಹೋಲಿಸಿದರೆ  ಈಗ  ಕೊರೊನಾ  ಪಾಸಿಟಿವ್ ಪ್ರಕರಣಗಳು  ಶೇ  286 ರಷ್ಟು ಹೆಚ್ಚಾಗಿದೆ ಎಂದು ಅಂಕಿಅಂಶಗಳು ತೋರಿಸುತ್ತಿವೆ.   ಈ ಕ್ರಮವಾಗಿ  ಕೊರೊನಾ  ಸಾವುಗಳಲ್ಲಿ  ದಾಖಲೆಯ ಹೆಚ್ಚಳ ಕಂಡುಬಂದಿದೆ.  ಕಳೆದೊಂದು   ತಿಂಗಳ ಅವಧಿಯಲ್ಲಿ  ಕೊರೊನಾ ಸಾವುಗಳಲ್ಲಿ  ಶೇ.  146 ರಷ್ಟು ಹೆಚ್ಚಳವಾಗಿದೆ ಎಂದು ಅಂಕಿ ಅಂಶಗಳು  ಹೇಳುತ್ತಿವೆ.

ಅಮೆರಿಕಾದಲ್ಲಿ ಮಂಗಳವಾರ   ಒಂದೇ  ದಿನ   ಸಾವಿರಕ್ಕೂ ಹೆಚ್ಚು  ಕೊರೊನಾ   ಸಾವುಗಳು ವರದಿಯಾಗಿವೆ.  ಮಂಗಳವಾರ 1,017  ಕೊರೊನಾ  ಸಾವುಗಳು ಸಂಭವಿಸಿಸಿರುವ   ಮಾಹಿತಿ  ಲಭ್ಯವಾಗಿದೆ.  

ಇದರಿಂದ  ಅಮೆರಿಕಾದಲ್ಲಿ  ಕೊರೊನಾ  ಸಾವುಗಳ  ಸಂಖ್ಯೆ 6,23,000 ಕ್ಕೆ ತಲುಪಿದೆ.  ಪ್ರಪಂಚದಲ್ಲಿ ಬೇರೆ ಯಾವುದೇ ದೇಶಗಳಲ್ಲಿ  ಈ  ಪ್ರಮಾಣದ  ಕೊರೊನಾ ಸಾವುಗಳು ಸಂಭವಿಸಿಲ್ಲ. ಇತ್ತೀಚಿನ ದಿನಗಳಲ್ಲಿ  ಕೊರೊನಾ ಸೋಂಕಿನಿಂದ    ಆಸ್ಪತ್ರೆಗಳಿಗೆ  ದಾಖಲಾಗುವವರ  ಸಂಖ್ಯೆಯೂ ಹೆಚ್ಚಾಗಿದೆ ಎಂದು ಅಧಿಕೃತ ಅಂಕಿ ಅಂಶಗಳು ಬಹಿರಂಗಪಡಿಸುತ್ತವೆ.  ಕಳೆದ ಎರಡು ವಾರಗಳಲ್ಲಿ ಅಮೆರಿಕಾದಲ್ಲಿ ಕೊರೊನಾದಿಂದ  ಆಸ್ಪತ್ರೆಗಳಿಗೆ  ದಾಖಲಾಗುತ್ತಿರುವವರ   ಶೇ .70 ರಷ್ಟು ಹೆಚ್ಚಳವಾಗಿದೆ.