ಭಾರತೀಯರ ಪ್ರಯಾಣ ನಿಷೇಧ, ಎತ್ತಿ ಹಿಡಿದ ಆಸ್ಟ್ರೇಲಿಯಾ ಕೋರ್ಟ್

ಕ್ಯಾನ್ಬೆರಾ, ಮೇ 11: ಕರೋನ  ಕಾರಣಕ್ಕಾಗಿ ಭಾರತೀಯ  ಪ್ರಯಾಣಿಕರ  ಮೇಲೆ ಹಾಕಿದ ತಾತ್ಕಾಲಿಕ ನಿರ್ಬಂಧವನ್ನು  ಆಸ್ಟ್ರೇಲಿಯಾದ ಫೆಡರಲ್ ನ್ಯಾಯಾಲಯವು ಎತ್ತಿಹಿಡಿದಿದೆ. 

ಭಾರತೀಯ  ಪ್ರಯಾಣ ನಿಷೇಧಿಸಿರುವುದನ್ನು ಪ್ರಶ್ನಿಸಿ ಸಲ್ಲಿಸಿದ್ದ  ಮನವಿಯನ್ನು ನ್ಯಾಯಾಲಯ ತಳ್ಳಿ ಹಾಕಿದೆ. ನ್ಯಾಯಮೂರ್ತಿ ಟಾಮ್ ಥಾವ್ಲಿ ಈ ಮನವಿಯಯನ್ನು  ತಳ್ಳಿ ಹಾಕಿದರು. ನಿಷೇಧವು ಜೈವಿಕ ಸುರಕ್ಷತಾ ಕಾಯ್ದೆಯಡಿ ಭಾರತದಲ್ಲಿದ್ದ 14 ದಿನಗಳಲ್ಲಿ ಆಸ್ಟ್ರೇಲಿಯಾವನ್ನು ಪ್ರವೇಶಿಸಲು ಪ್ರಯತ್ನಿಸುವುದು ಅಪರಾಧವಾಗಿದೆ. 

2020 ರ ಮಾರ್ಚ್‌ನಿಂದ ಕರೋನವೈರಸ್ ಸಾಂಕ್ರಾಮಿಕ ರೋಗದ ಮಧ್ಯೆ ಭಾರತದಲ್ಲಿ ಸಿಲುಕಿರುವ 73 ವರ್ಷದ ಮೆಲ್ಬೋರ್ನ್‌ನ ಗ್ಯಾರಿ ನ್ಯೂಮನ್ ಪರ ವಕೀಲರು ವಾದ ಮಂಡನೆ ಮಾಡಿ,  ವಿವಾದಾತ್ಮಕ ನಿಷೇಧ ಮನೆಗೆ ಮರಳುವ  ಸಾಮಾನ್ಯ ಕಾನೂನನ್ನು ಉಲ್ಲಂಘಿಸಿದೆ. ಆದರೆ ರಾಷ್ಟ್ರೀಯ ಹಿತಾಸಕ್ತಿ ಕಾಪಾಡಲು ಅಗತ್ಯವಿದ್ದರೆ ಅಂತಹ ಹಕ್ಕುಗಳ ಮೇಲೆ ಜೈವಿಕ ಸುರಕ್ಷತಾ ಕಾಯ್ದೆ ಮೇಲುಗೈ ಸಾಧಿಸಬಹುದು ಎಂಬ  ಸರ್ಕಾರಿ ವಕೀಲರ ವಾದವನ್ನೂ  ನ್ಯಾಯಾಲಯ  ಒಪ್ಪಿಕೊಂಡಿದೆ. ಪ್ರಯಾಣ ನಿಷೇಧ ಇದೆ 15 ಕ್ಕೆ ಕೊನೆಯಾಗಲಿದೆ.