ಟೆನ್ನೆಸ್ಸೀ ಪ್ರವಾಹ: 20 ಮಂದಿ ಸಾವು, 50 ಕ್ಕೂ ಹೆಚ್ಚು ಜನರು ನಾಪತ್ತೆ

  ವಾಷಿಂಗ್ಟನ್, ಆಗಸ್ಟ್ 23  ಟೆನ್ನೆಸ್ಸಿಯಲ್ಲಿ ವಾರಾಂತ್ಯದ ಪ್ರವಾಹದಿಂದ ಸಾವಿನ ಸಂಖ್ಯೆ 20 ಮೀರಿದೆ, 50 ಕ್ಕೂ ಹೆಚ್ಚು ಜನರು ಕಾಣೆಯಾಗಿದ್ದಾರೆ ಎಂದು ಅಮೆರಿಕ ಮಾಧ್ಯಮ ವರದಿ ಮಾಡಿದೆ. ಸಾವನ್ನಪ್ಪಿದ 21 ಜನರಲ್ಲಿ ಅವಳಿ ಮಕ್ಕಳು ಸೇರಿದ್ದಾರೆ ಎಂದು ಹಂಫ್ರೀಸ್ ಕೌಂಟಿ ಶೆರಿಫ್ ಕ್ರಿಸ್ ಡೇವಿಸ್ ಉಲ್ಲೇಖಿಸಿ ಎನ್ ಬಿಸಿ ವರದಿ ಮಾಡಿದೆ. ಏತನ್ಮಧ್ಯೆ, ನ್ಯೂಯಾರ್ಕ್ ಟೈಮ್ಸ್ ಭಾನುವಾರ ಈ ಕುರಿತು ವರದಿ ಮಾಡಿದ್ದು, ಟೆನ್ನೆಸ್ಸೀಯಲ್ಲಿ ಪ್ರವಾಹವು ಅಪ್ಪಳಿಸಿದ ನಂತರ ಕನಿಷ್ಠ 22 ಜನರು ಸಾವನ್ನಪ್ಪಿ 50 ಮಂದಿ ನಾಪತ್ತೆಯಾಗಿದ್ದಾರೆ.
  ಹಂಫ್ರೀಸ್ ಕೌಂಟಿ ಶೆರಿಫ್ ಆಫೀಸ್‌ನ ಮುಖ್ಯ ಉಪನಾಯಕ ರಾಬ್ ಎಡ್ವರ್ಡ್ಸ್, 7 ತಿಂಗಳ ಅವಳಿ ಮಕ್ಕಳು ಸೇರಿದಂತೆ ಸತ್ತವರಲ್ಲಿ ಹಲವಾರು ಮಕ್ಕಳಿದ್ದಾರೆ ಎಂದು ಮಾಹಿತಿ ನೀಡಿದ್ದಾರೆ.
  ಭಾನುವಾರದ ಭಾಷಣದಲ್ಲಿ, ಅಮೆರಿಕ ಅಧ್ಯಕ್ಷ ಜೋ ಬಿಡೆನ್ ಟೆನ್ನೆಸ್ಸಿಯಲ್ಲಿನ ಪ್ರವಾಹದಿಂದ ಹಾನಿಗೊಳಗಾದ ಎಲ್ಲ ಜನರಿಗೆ ತನ್ನ ಸಂತಾಪವನ್ನು ವ್ಯಕ್ತಪಡಿಸಿದರು ಮತ್ತು ಅಗತ್ಯವಿರುವ ಎಲ್ಲ ಸಹಾಯದ ಭರವಸೆ ನೀಡಿದರು. ಟೆನ್ನೆಸ್ಸಿಯಾದ್ಯಂತದ ಗ್ರಾಮೀಣ ರಸ್ತೆಗಳು ಮತ್ತು ಹೆದ್ದಾರಿಗಳು ಶನಿವಾರ ಕೊಚ್ಚಿಹೋಗಿವೆ, ಏಕೆಂದರೆ ರಾಜ್ಯವು ವಿಶೇಷವಾಗಿ ಹಂಫ್ರೀಸ್ ಕೌಂಟಿಯು ದಾಖಲೆಯ ಮಳೆಯಿಂದ ಹಾನಿಗೊಳಗಾಯಿತು. ಪ್ರವಾಹವು ಮನೆಗಳನ್ನು ಮುಳುಗಿಸಿದೆ. ಟೆನ್ನೆಸ್ಸೀ ಎಮರ್ಜೆನ್ಸಿ ಮ್ಯಾನೇಜ್‌ಮೆಂಟ್ ಏಜೆನ್ಸಿ ಶನಿವಾರ ಲೆವೆಲ್ 3 ತುರ್ತು ಪರಿಸ್ಥಿತಿಯನ್ನು ಘೋಷಿಸಿದೆ.