ವಿದ್ಯಾರ್ಥಿಗಳ ಭವಿಷ್ಯ ರೂಪಿಸುವರು ಶಿಕ್ಷಕರು: ದುಂಡಿಗೌಡ್ರ

ಶಿಗ್ಗಾವಿ 14: ಸಮಾಜದ ವೈಜ್ಞಾನಿಕ, ಆರ್ಥಿಕ ಮತ್ತು ಸಾಂಸ್ಕೃತಿಕ ಪ್ರಗತಿಗೆ ಶಿಕ್ಷಕರು ಬುನಾದಿಯಾಗಿದ್ದಾರೆ ಅಲ್ಲದೇವಿದ್ಯಾರ್ಥಿಗಳ ಭವಿಷ್ಯ ರೂಪಿಸುವಲ್ಲಿ ಶಿಕ್ಷಕರ ಪಾತ್ರ ಮಹತ್ವದ್ದಾಗಿದೆ ಎಂದು ಭಾರತ ಸೇವಾ ಸಂಸ್ಥೆಯ ಅಧ್ಯಕ್ಷ ಶ್ರೀಕಾಂತ ದುಂಡಿಗೌಡ್ರ ಹೇಳಿದರು.  

ತಾಲೂಕಿನ ಬನ್ನೂರ ಗ್ರಾಮದ ವಿ.ಡಿ ಹೊಸಗೌಡ್ರ ಸ.ಹಿ.ಪ್ರೌಢ ಶಾಲೆಯಲ್ಲಿ ಆಯೋಜಿಯಿದ್ದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿಗೆ ಭಾಜಿನರಾದ ನಿಂಗಪ್ಪ ಕಾಟೇನಹಳ್ಳಿ ಶಿಕ್ಷಕರಿಗೆ ಸನ್ಮಾನಿಸಿ ಮಾತನಾಡಿದ ಅವರು ಶಿಕ್ಷಕರು ವಿದ್ಯಾರ್ಥಿಗಳಿಗೆ ಕೇವಲ ಪಾಠಗಳನ್ನು ಕಲಿಸುವದಕ್ಕೆ ಸೀಮಿತರಲ್ಲ,ಮಾನವೀಯ ಮೌಲ್ಯಗಳು, ನೀತಿ, ಶಿಸ್ತು ಮತ್ತು ಸಾಮಾಜಿಕ ಜವಾಬ್ದಾರಿಗಳನ್ನು ನೀಡುವುದಾಗಿದೆ ಎಂದರು.  

ಈ ಸಂದರ್ಭದಲ್ಲಿ ಶಾಲೆಯ ಮುಖ್ಯ ಶಿಕ್ಷಕ ಬಿ.ಶ್ರೀನಿವಾಸ, ಯಲ್ಲಪ್ಪ ಹುಕ್ಕೇರಿ, ಆರ್‌.ಎಚ್, ಕೊರಡೂರ, ಶಂಕರ ನಾಯಕ, ವಿನೋದಿತಾ ಶಿವನಗೋಳ, ಸುನೀತಾ ಶಿವಪುರ, ಸೋಮಶೇಖರ ಚರಂತಿಮಠ, ಭೀಮೇಶ ಮುಗಳಿ,ಶಂಭುಲಿಂಗ ಹಾವೇರಿ, ಜೆ.ಎಸ್ ಚಿಕ್ಕನಗೌಡ್ರ,ನಾಗರಾಜ ನಡಗೇರಿ ಸೇರಿದಂತೆ ಗ್ರಾಮಸ್ಥರು ಉಪಸ್ಥಿತರಿದ್ದರು.